استغلال الرجل لزوجته

السلام عليكم ورحمة الله وبركاته


يوجد فرق بين الماضي والحاضر

لكن أنا مااعم أنا اخص تلقاه أذا خطب المرأة يدفع المهر 40 الف 50 الف

ليه ؟ وش المعنى يعني أنت تبدي الدراهم على البنت !!!!! أنا شخصيا اعتبره ظلم للبنت

مهر البنت العادي 100 الف ريال وأنا شخصيا اعتبره قليل

الا في حاله واحده ؟؟؟ اذا كان راتبه مايساعد هذا ماينشره عليه لانه على قد حاله

يدفع اللي يقدر عليه

وأنا اعرف واحد متزوج ....... قالت زوجته ابي السوق اتقضا

وش قال لزوجته * وين المهر اللي عطيتك ؟؟ يتمنن !!!!

يعني شف قمة الاستغلال والبخل والعفانه !!!!!

وفي ناس يخططون قبل الزواج قبل يخطب البنت !!! يعرف أنها موظفه ويتزوجها اذا مرت سنه أو سنتين

وش يقول اصرفي على عيالي ومقاضي البيت مالي دخل وهو يروح راتبه على الدشره والسفريات

وبعضهم يتزوج البنت مهو على شان السعادة الزوجيه والأخلاص على شان بين قوسين ( الرغبه الجنسيه ) ومايفكر فيها اصلا

وبعضهم يتزوج بنت و يكذب عليها تحسبه ياخذها على شان سواد عيونها وماتدري أنه ماخذها زواج متعه وبعد ايام يطلقها

وبعضهم اذا تزوج البنت يحشرها بـيـن اربع جدران لا يوديها ولا يجيبها ولا يسافر هي وياه ياخي على الاقل اشفق عليها

وبعضهم يستغل عاطفة البنت وتلقاه يسرق راتبها أو يتحكم براتبها وهي كدحت بالدراسه بالجامعه واخر شئ ياخذه زوجها

هل هذا منطق ؟

للأسف يعني وش بقى ــــــــــــــــــــــــــــــ اللي لا حظته في الزمن أن مافي تقدير من البعض واعتبره خيانه وغدر

بحق الزوجة

الصراحه راحه ...............


س هــل أنــا غــلــطــان بـالـكـلام ؟


انتظر مشاركتكم لاهنتم ودمتم سالمين

الموضوع الأصلي: استغلال الرجل لزوجته || الكاتب: نسيم الليل || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

نسيم الليل

اولا يعطيك العافيه الغالي على هالطرح..

ثانيا..ارى انك ماشاء الله تدافع عن حقوق المرأهـ بقوهـ وهذا حقن لك.. وتشكر عليه..

نرجع لموضوعك انا من وجهة نظري الرجل صاحب النفس العزيزه ما ياخذ من زوجته شي حتى لو كانت تملك الملايين

لانه نهو الرجل المفروض هو الذي يكدح ويتعب لكي يحصل على لقمة العيش لزوجنه واولاده ما يروح ياخذ راتب زوجته

او بعضهم يشاركها بالارث اللي يجيها مرات لاسامح الله..

ارجع واواكد على شغله ان الرجل راعي النفس العزيزه ما ياخذ من المراهـ شي ...

كل الشكر الغالي على موضوعك

ياهلا بنسيم وموضوعك
صراحه انا ضد التدخل براتبها وكل شي منها
الا برضاها

وانا حكمتي زي مايقولون اول
لو بالبيت فنجال للزوجه اكسره
حتى لايكون هناك كلام انا جبت وانا حطيت
ولا اكون على لسانها ابدااااااااا
الله يغنينا عن اي شي من الزوجه
والغريب كثير اسمع يقولون ابي موظفه !!!!!!!!!!! شي يحير صراحه
شكرياتي لك يارائع

اذا كان رجال تصرفاته كذا فهو مو صاحي الااذا كان في تفاهم من قبل يبن الزوجين

لا أخوي وأزيدك من الشعر بيت الاستبداد والتحكم

والتسلط من قبل بعض الازواج على رواتب زوجاتهم

فبعضهم لا ياخذ منه هلله ولكن يحرمها من التصرف فيه

ممنوع تشري أي شيء إلا بإذنه هو وأغلب الوقت يرفض وتجلس

بحسرة وتقول مانفعن راتبي إذا مالى سلطه عليه..الله يهداهم ولا

يكثر من أمثالهم..مشكور على طرحك أخوي.

انا شايفه انه مافي شئ بين الزوج وزوجته اذا كانو يحبون بعض ومتفاهمين على كل شئ ان يتعاونون كل واحد عليه مسؤليات يقوم فيها ... مثلا اجار الشقة اذا كانو مستاجرين يكون بالتعاون .. وراتب الشغاله .. ان وجدت ... مصاريف الاولاد .. الطلعات والخرجات ... المصاريف الطارئة مثل ان ياتي ضيف مفاجيء يعني تبي الرجال يروح يتدين ويذل نفسه عند هذا وهذا وزوجته قادرة تعطيه ...
والزوجة الذكية اذا شافت ان زوجها بطال وحاط عيونه على راتبها كان يقول اعطيني كل شهر مبلغ معين وانا ماراح اطالبك باي شي كان يقول اعطيني 3000 ريال لو مكانها اقول حلليها واطلبي منه كل اللي نفسك فيه .. لاتخلين شئ ناقصك الفلوس فلوسك وين يوديها ..بس بطريقة بدون مايحس انك قاصدة ..مشكور طروادا ع الموضوع الرائع .. لاهنت ...

وعليكم السلام ورحمة الله وبركاته





يعطيك العافيه أخوي , بصرآحه مثل ماقلت أنت ما أعمم على الرجل وأنا معك

بكلامك الجميل , ولكن أنا أقف هنا وأختلف معك في نقطة المهر وين يابو تقول 100 ألف

100 ألف وين نحصلهآ جليهآ مثل الريال وبالذات بالوضع اللي حنا فيه من أرتفاع الأسعار

وغلى المعيشه حتى فوآتير الكهرباء قآموا يرفعونهآ على أساس أنو عندهم عجز , يآخي

حنا في وضع مآساوي لا يحسد عليه ولكن عني أنا الحمد لله على النعمه اللي فيني أشكر الله على هالنعمه

لكن فيه غيري محتاج للريال والألف ريال وأنت تقول 100 ألف وتقول أنت تعتبره قليل , يآخي هالحين من

نأخذ رآييه رآيك أنت ولا رآئي الرسول عليه أفضل الصلاة والسلام , وهناك حديث ولا يحضرني ولكن مفهومه

اللي أقل مهرهآ فيهآ البركه , وكثير ما نشوف اللي مهرهآ بالمليون والألف الريالات وزوآجهم لمصالح شخصيه

شهر شهرين وبعدها طلاق وهي تقوم بدورهآ تفتح الفساد لمى لقته من أدم لأن صبرهآ بـ 6 أشهر أقل مهله كما درسنا

أنا أختلف معك بالمهر أخوي وياليت لو تكون هناك نظره ثآقبه عامه وليست منحصرهـ , الحمد لله أفتخر لدفعت مهر بـ 60 ألف

أو 50 ألف وهذه عاده جآريه , وهناك بعضهم يدفعون بـ 30 ألف ريال تساهيل لأمور الزوآج , أكلمك عن نفسي أنا كل أخوآني

اللي تزوجوا الحمد لله مهرهم بالوسط أكبر أخوآني تقريباً 50 ألف والثآني مدري وش يحس فيه 100 ألف ريال والله لو إنها شنو !!

والثالث نفس الأول 50 ألف والرآبع بعد مدري وش يحس بوضعه تقريباً 77 ألف ريال , يآخي التسهيل بالمهور وآجب ماتشوف كثرة العنوسه

بسبب المهور !! [ لك الرآي أخوي وأحترم وجهة نظرك لكن تذكر حديث الرسول ]


وسآلفة إن الزوج يستغل زوجته هذا رخمه ومهو زوج أصلاً ولا فيه أحد يستغل زوجته يالله لا تبلانآ بسْ

واللي مأخذه على شآن رآتبه , والله ضعيف نفس ومسكين وحتى مو وآثق من نفسه عليه مرآجعة أخصائي نفسي

واللي مآ خذهآ على شأن الرغبه الجنسيه هذا كالحمار عندما رغب بإشباع حآجته وشهوته , وبعدهآ يذهب لليكمل أكله

أنا لا أعلم من أي البشر هؤلاء ولكن هم شرذمه , أنت مأخذ زوجه لها إحساسهآ مأخذ بشر لهآ شعورهآ مأخذ ملح الحياه

التي لهآ بصمتهآ في الحياه وفي أمور كثيره وعده في حياتك , هنآك بعض البشر مدري وش يحسون فيه لا شعور ولا إحساس

مجرد أسم فقط هذه زوجتي مجرد زوجه لكي يشبع حاجته , مجرد زوجه قال عنهآ خآدمه عندي , مجرد زوجه لاتعني له الكثير

وهو لا يعرف مقدار نفسه ولا يعرف عن الحياه سوى التخلف وأمور الجهل , الزوجه هي الحياه أما سعيده أو تعيسه حياة ملئية

بالحب والإخلاص والوفاء وبالرومنسية , حياه نقيه لطيفه جميله , المراه هي أبتسامة الحياه .

وبالأخير أقول هؤلاء قله ومافيهم خير أصلاً لأنه مهم رجال , ولكن أقف أيضاً وأقول لا نقيس مجمل الحياة وتفاصيل بيئتنا ونطبقها

على الجميع وأخص الرجل ونقيس فلان بفلان , فهذا يختلف عن ذا لذلك يجب أن نرى للوجه الأخر والنظره الأخر لا لسيئ والأسواء

أنتهيت .


ودي

/

ودي أشارككم بإختصار بعد إذنكم

وقولي مثل قول الأخ شيخ المافيا وهو صادق لأن هذا الوضع الحالي والصحيح إلا إذا كان الواحد أبوه اللي مزوجه والمهر من عنده وماشاالله عنده خير هذا يمكن شي ثاني

وإحب إضيف على قول أخي شيخ المافيا إن أكثر الشباب وخاصة اللي يعتمد على نفسه وقد الموقف والمسؤولية زين بعد إذا قدر يجيب مهر 50 ألف واتحدى بدون مايكون عليه

دين وسلفيات البنوك واللي يسمع قول اخونا كاتب الموضوع يقول إن من كثر الوظايف عندنا الحين وزين الرواتب تبون مثل !!!!!!!!!!!!

ناخذ من الطبقة الوسطى اللي صارت قليلة حاليا

واحد راتبه 5500 دفع مهر وتكلفة عرس مايقارب 150 ألف ------ طبعا فيه أقل وأكثر

البنك يخصم عليه السلفية 2000 ريال

سكن إيجار 2000 ريال ---- شهري وطبعا اقل شي متوفر حاليا

كم بقى من راتبه ياصاحبي كاتب الموضوع 1500 وإخوني القراء

في ذمتكم قسموها على فواتير الماء والكهرباء مافي هاتف ولا جوال مايستخدم تلفونات أو مانبي نحسبها

الحين الأكل والشرب والثلاجة تبي اللي يملاها من الأرزاق !!!

طبعا الزوجة وهي من أركان الموضوع في الشرع والرجل الشهم هو اللي يصرف على مرته ومايرضى ياخذ منها شي

حلو نركز شوي الحين ؟؟

كساها بالملبس والثياب واللي يقدر عليه من كماليات ومكلها ومشربها وساتر عليها ومسكنها ------------ طبعا هذا اللي نعرفه

لا تنسون إخواني مع هذا كله الزوجة ماتعتبر انك للحين تصرف عليها لازم تبي مصروف لها أو إسم مصرف لها بالريال بالعربي

يعني طول الله عمر السامع من يوم تزوج إعتبر نفسك ماخذ سيارة أقساط تقاسطها شهريآ وتكون أول قسط قبل البنوك والبيوت والاكل والمشرب

بالله عليكم اللي بقى له يكفي الأمور هذه كلها ؟؟؟؟؟؟؟؟؟؟؟ طيب ولا تزعلون زيدوها شوي ؟؟؟ في ذمتكم تكفي ؟؟؟

أنا اشره على بعض الأسر إذا جاهم رجل وفيه دين وفيه خير وكفو أثقلوا عليه من الطلبات وياكثرهم يبونه يبدآ حياته مع بنتهم بالدين وهمومه



الرجل اللي يستغل زوجته مع ان السمع بالشي هذا قليل

لكن اللي مانفكر فيه كثير وهو اللي أكثر إن المرأة هي اللي دائمآ تستغل زوجها في كل شي ولا تفكر في وضع زوجها قبل أي شي ( طبعا مانقول كلهم لكن هم الأكثرية مقارنة بالرجال اللي يستغلون زوجاتهم )


تقبلوا مروري وأسف على الإطالة

والله الاخوان ماخلوا لي شي اقوله


لكن استغلال بمعنى استغلال اعتقد انها انعدام للرجوله فاين القوامة على النساء
والله فضل الرجال على النساء باشياء من ضمنها القوامه

ولو ان المراءة تملك الملايين فليس من حقك ان تاخذ شيئ منه ولو كان قليلا
(( اما المساعدة بين الازواج فلاباس اذا كانت عن تراض بينهما ))


الف شكر تحيتي قبل ردي