مشاعر صداقه ونابعه من عرق الصداقه والإخاء
تكلمت وتجسدت بحروف في وفاة والد صديق عزيز واخو وافي
ضاحي العودهـ العازمي..رحمه الله
قال النبي صلى الله عليه وسلم : ( إذا مات ابن آدم انقطع عمله إلا من ثلاث:
صدقة جارية , أو علم ينتفع به , أو ولدٌ صالح يدعو له )..
...
..
.
يا صااحبي ما يخلّد الأدمي عصور=جميع خلق الله ترى للزوالي
ملامحك من شافها قال مسحور=هم ٍ فضحك وهم..! جاله مجالي
والدمع ملـّك ما تهنيت بسرور=استغفر الرب العزيز الجلالي
فقيدك بطيبه ترى الصيت مشهور=ولا يندفن طيبٍ رقى بالعوالي
وما مات من هو خلفّ وعقـّب اذكور=تبقى ثلاثه وأنت تفهم مقالي
بدعاك يا محمد ترى اليوم مجبور=نوفيه حقه يا بعد غالي
من صالح أعمالك لايجي له قصور=لانه بكل الناس ماله بدالي
ولايضيع حق أمك تراها لك النور=وسراج يضوي لك جميع الليالي
خذها فرح دنياك لا صرت مكسور=والله يرحم حالها أول وتالي
خذ النصيحه وأتعب الراي والشور=وانا معك في كل ماملك وحالي
يا الله جعله ساكن وحوله الحور=وعن نارها جلده بعيد المدالي
وعساه بالفردوس ساكن له قصور=ومن هو دعى ربّه عن الهم سالي
صلاة ربي عداد سكان القبور=وعداد خلق الله والّي طرالي
،،،
الله يرحمه ويجعل مثواهـ الجنه ويرحم أموات المسلمين عامه
اللهم امين
،،
،
العضو الأكثر نشاطاً هذا اليوم 
العرض المتطور
