يقول انا اعشقك ياشيــخــه الزين

يقول انا اعشقك ياشيــخــه الزين
ومهما ابكتب فيك ادري شويه

دنياي لاشفتك تزهر بساتين
وان غاب طيفك ذقت طعم المنيه

اذوب انا يابنت من نظره العين
وتذبح قليبي شفاهك النرجسيه

يقول انا وافي وابيك توفين
ابيك انا وياي صبح ومسيه

ويقول"احبك حيل"ويحب عشرين
ونفس الحكي قاله لهذي وذيه .!!

هذا ترى هو حال شبابنا الحين
يا للأسف ما عاد فيه حميه

كثرة فتن ولا هي قلة الدين
ولا البلا كله من ضعف البنيه..!

يابنت مابه حب في وقتنا الشين
والله يحبك لجل غايه دنيه

لامن قضى يرميك وانتي تخسرين
ومحدٍ ترى غيرك يكون الضحيه

والله من حبي لك ابيك تعرفين
منهو يحبك ما يجي بالخفيه

دوسي على قلبك ولا لا تبوحين
ولايضعفك حكيه وخلك قويه

وعوذي باسم ربك من الشياطين
والله يحفظك من كله زله وخطيه

وحبي هلك..كان بودك تحبين
وربعك وناسك والوجيه الهنيه

والصاحب الصادق بالعسر واللين
ومنهو طلب ايدك بشمسٍ ضويه

ذولا الذي من حبهم ماتملين
ومايلحقك من دربهم شر واذيه

نظمت لك حرفي من واقعٍ شين
وقتٍ ردي ونفوس جشعه رديه

لاتفكري قولي مجرد تخامين
ولامخاوف بايته بصدر بدويه

ولاانا مالي بدرب المحبين
ساقي كسرته لو وطى درب الخطيه
((سمعتي تسوى في عيوني ملايين ))

والله ما ارخصها مادمت حيه,,وترى الحكي مقصور على الرديين
((و ادري به رجالٍ مارضت بالدنيه))

مماراق لي...

انتقاء اكثر من راائع
سلمت الذاائقه
ولاهنت ,,

انتقاء رائع

ربي يعطيك العافية

تحياتي لك ..

آنتقاء رائع

سلم ذوووقك وآحـسـآسـك لاهنت..

يسسلم رآسك ع الابيآت

قَصيدَه رَآئِعه
سَلِمَتَ لنّآ وَ سَلِمَ ذوقك الرّفيعِ
آمتِنآنيْ ../

يسلموا على هالذوق الرفيع

انتقاء رااائع وجميل

تسلم يمناك ويعطيك العافيه

اهلابكم وبتواجدكم الذي اضاءالمشاركه وعطرها
وذلك هو الاروع

اشكركم على رقي الكلمه ورقة العباره


تحيتي لكم مع الودوالتقدير

اختيار مميز
يعطيك العافيهـ خيي
دمت بالف خير

المميز مرورك
شاكر لك عطر مرورك

مودتي