الساكنات في قلوب الغرباء ... }
في منتصف الليل ليلة البارحه , وفي كورنيش مدينة الخبر تحديداً ،
كنت أقضي وقتي مع صديقي سلطان كنا مستمتعين بالنقاش في الجانب الرياضي ,
قطع حديثنا أتصال لهاتف صديقي سلطان , أجبرني ذلك الأتصال على السكوت والأستماع فقط :
سلطان ......{ هلا والله بالغاليه , ما بغيتي تقومين من النوم , ما تسوى علينا هالأختبارات اللي حرمتنا سماع صوتك وشوفتك يا حلوه , أكيد الحين شكلك يخوف وشعرك طاير لأنك نايمه من المغرب للحين , هاه وش سويتي مع دكتورتك الغبيه اللي رفضت تعيد لك أختبارك , عساها قبلت العذر الطبي اللي دبرته لك , قبلت العذر ؟ الحمدلله , شدي حيلك ولا تروح عليك نومه مره ثانيه ثم يفوتك الأختبار, توصيني شي , شنو بغيتي , بغيتي أجيب لك عشاء من هارديز الحين , تآمرين أمر , بس ترى بجيبه وأنزله عند باب البيت وأمشي لأن معاي صديقي عبدالكريم , يالله نشوفك على خير وهالله هالله بالمذاكرة ....}
أنا أفاااااااا يا سلطان , مسوي محترم وولد ناس واخر شي تغازل ؟
سلطان : أنا اللي مفروض أقولك افاااااا , لأنك تشك فيني وأنت تعرفني زين ياصقيقي .أنا: أيه أعرفك زين والقهر أني ما أدري أنك راعي غزل ومكالمات اخر الليل ,
ماعلينا المهم قلي وين بيتها عشان نودي العشاء لها
سلطان :أنت تقصد بيت البنت ....!
البنت يا طويل العمر بنفس البيت اللي ساكن فيه أنا , وتحديداُ بالغرفه اللي بجني غرفتي , لأن هذي المتصله أختي (( وعلامة الثقه تملئ محياه)) .
أنا : من جدك تكلم أختك كذا ..؟ تستهبل ..؟ والله أنك منتب صاحي, أجل فيه أحد يكلم أخته كذا ويعرف كل شي عنها ....؟
سلطان : نعم فيه ناس تكلم أهلها كذا , تدري ليه ؟؟
أنا : ليه
سلطان :طيب , لأن البنات يحتاجون للحنان ومعامله طيبه من أخوانهم عشان ما يلجؤون أنهم يدورون عنها خارج المنزل مع الصالح و الطالح , فهمت الحين ليه أعامل أختي كذا ؟؟
إنا : ايه فهمت !!!!!!!!!!!!!!!!!
أنتهـى
سؤال/ لو كل أخ يعامل اخته مثل سلطان ،
أو كل زوج يعامل زوجته مثل سلطان
أو كل اب أو أم يعاملون بناتهم مثل سلطان ..
فديت أخوي ياعالم وه وه الله يحرسه من شياطين الانس والجن الله يسهل دربه ويرجعه لقلبي"جته البتسوه" اتصدقون كل اسراري عنده لدرجةمااقولهن لاختي سكنن قلبه ومااحتجت اسكن قلب غريب كل هذا اخوي من ابوي بعد يسوا الدنيا كله بعيوني
صديقتي يقوله ابوها يالشغاله!! وابوي يقولي خوختي صديقتي تحب ابوه من عيد لعيد وانا يوميا احب راسه صديقتي ماتجلس مع ابوه الا بالاجتماع وانا ما تحلى جلستي الا عنده صديقتي ابوه مايعرف رقم جواله! وانا هو جاب لي الشريحه والجهاز هديه تدرون هي وش لجأت له؟؟ ..للمكالمات تقضي وقته وتملي قلبه بغريب لاقلت له شي قالت لاتقارنيني فيك متني حاسه باللي اعيشه ونا بعمري ماكلمت ولد ادم غريب لان حنان امي وابوي واخوي وتربيتي وربي مو مخلي مكان لاحد يارب لاتغير علي
من هذا المكان اوجه نداء للاخوان اللي يقرون وموجودين راح تحاسب يوم القيامه على جفافك مع خواتك من لهن غيركم هذولي لحم ودم واحساس..وش بتخسر لا فضيت له وجلست معاها نص ساعه بدل هالاستراحات
ومن هذا المكان اقول لاخوي الله يصلح لك عيالك عودي وبطه ودودو ودعول الله يبلغك فيهم ويبرونك لاكبرت فديتك انت وعيالك ومن هذا المكان اقول لامي وابوي الله يجعلني ابر فيكم مثل مابريتوا فيني
مها..يعطيك الف الف عافيه..واسفه اذا طولت موضوعك ساخن غصب كتبت
ســـــعود اشتقت لك سعووووود...أشتقت لك ياروحعمتك
ي ديره الغربه رجعيهم لعيوني..
العضو الأكثر نشاطاً هذا اليوم 
اشتقت لك
عمتك
العرض المتطور
