أنا هالسؤال محيرني من زمان ..من يوم ما كنت أدرس بالثانوية
بس قبل كنت أجاوب على نفسي وأقول البنات صغار وما يعرفون مصلحة أنفسهم
بس اللي خلاني أسأل وأطرح الموضوع للنقاش إني بالصدفة عرفت إن وحده من البنات اللي أحترمهم وكنت ماخذه فكرة حيل زينه عنها ضايفة واحد في المسن وهي مره متزوجه !!
بصراحه طاحت من عيني .. مره عاقله متزوجه شاللي يخليكي تكونين صداقات مع فلان وعلان ؟
ليش بعض البنات الله يهديهم يضيفون الرجال في المسن ؟ (ليش تسوي علاقة صداقة مع فلان وعلان !!)
هل لانها معتبره المسن غير عن التلفون .. ومعتبرة الموضوع عادي ؟
البنات اللي معتبرة الموضوع عادي .. هل تقدرين تكلمين واحد على المسن جدام أخوج ؟
هل تتوقعين من الله يرزقك زوج صالح متقي الله وأنتي مو متقية الله في نفسك ؟
لمتى هالصداقة ؟
هل تستمر بعد الزواج .. وإلا تقطعينها ؟
واللي متزوجة وضايفة واحد وتكلمه .. هل تعتبرين هذا خيانة لزوجك ؟ وإلا عادي ؟
ترضين زوجك يكلم فلانة وعلانه بالمسن ؟
البنات اللي ما يضيفون .. إذا عرفتي إن وحده من رفيقاتك ضايفة وتكلم شنو يكون شعورك ناحيتها تحترمينها ؟ تنصحينها ؟
رايي بالموضوع : بصراحة والصراحه راحهـ .. أنا البنت اللي تضيف واحد بالمسن وتكلمة وتسولف وياه وتكون صداقات مع هذا وهذاك هي و اللي تكلم شباب بالفون عندي سواسية .. تطيح من عيني لاني أعتبرها خاينة للأمانة .. شنو الأمانة : ثقة أهلها فيها هي الأمانه .. وخصوصاً إذا كانت المره متزوجه .. هذي مصيبه .
يا بنات نصيحة : كما تدين تدان .. وأتقوا الله يجعل لكم مخرجا .. اتقوا الله في أنفسكم وفي أهلكم اللي معطينكم الثقه وفي أزواجكم
كمان العكس في رجال بس يعرفون انه غلط الله يهديهم المشكله
انه فيه بنات يشوفونها مو معاكسه
الموضوع مو للنقاش .. الموضوع فقط لإبداء الراي
لان ودي هالفئة من البنات يستفيدون
بدايتاَ يعطيكِ العافية على تلكِ السطورُ والنصح وآلله يجزآكِ خير ..!
والأنَ المسألة متطورةُ ..! غير الماسنجر
الفيس بوكُ وكذلكِ البلاك بيري وغيره منَ هذه الأمورُ التي من خلالهآ
تتم المحادثة والتواصل بينَ الجنسينَ , ف متى ما أستخدمنآ هذه الأمورُ بالشكل
الصحيح والأمر الإيجابي فقد إبتعدنآ عنَ محل الشٌبهات ,.!
والله يااختي نفس السؤال يتبادر لذهني بغض النظر عن كون ذلك بالمسنجر
او باي منتدى من المنتديات هي اذا جيت تحسبها تجدها نفسها بس في المنتدى
تكون الامور اهون من وجهة نظرنا نحن فقط ولا هي هي سواء في المنتدى او المسنجر
احيانا اتساءل اقول مالذي يحلل لي التخاطب مع هاؤلاء الرجال ولما هالميانة اللي حاصلة
بيننا ولما تربطنا كل هذه الروابط والله ثم والله انني اعز هم كاخوة لي ..واعتقد هم يبادلوني نفس الشعور
بس مهما كان يبقون غرباء عني وغير محارم لي سواء كانوا رجالا او حتى اطفالا لايتجاوزون المتوسط
هي معرفات بغض النظر عن صدقها من كذبها بغض النظر عن كون صاحب هذا المعرف ذكر او انثى
لكن هذه المعرفات تجمعنا بمنتدى واحد هو بمثابة البيت الواحد فاصبحنا اشبه مانكون اسرة مترابطة
نتحاور فيما بيننا نقدم النصح لبعضنا البعض وننتقد بعضنا البعض ونفتقد بعضنا البعض
واحيانا نمزح مع بعضنا البعض من باب
الاخوة في الله لا اكثر ولا اقل والله يعلم بالنوايا وسيحاسب كل على حسب نيته ..
يعني شي حللناه لانفسنا بحكم تواجدنا في هذا المنتدى او ذاك
اتعلمين اختي دائما ادعو الله من قلبي واقول اللهم ان كنت ترى استمراري في هذا المنتدى خير لي فقدره لي وان كنت ترى ان فيه شر لي
فاصرفني عنه وقدر لي الخير حيث ماكان ثم ارضني به ..
يبدو اني شطحت كثيرا عن الموضوع الاساسي ..عادتي ههههههه
طبتِ وطاب طرحك ..
انسانه لها مشاعر واحاسيس وتجد التجاهل من الزوج او الاهل وتريد تعويض هاذا النقص العاطفي
وصدقينى انا ما الومها مهما كان هاذي بشر ماهي حجر لها احساس ومشاعر وتريد اشباعها
لاكن الوم كله يقع على الزوج او الاهل لانهم اهملوها وتركوها تبحث عن الحنان خارج الاسوار
دمتى بوود
الآخرون يرونگ حسب انطبآعهم و تصورهم الخَآصْ ،
كمآ قأل أدونيسْ :
أنت لآ تگكرهني ، أنت تگكره الصٌوره التي گكونتهآ عنّيْ ,
وهذه الصوره ليست أنا .. إنهآ انت
حبيبتي الاضافه مو بس في الماسنجر والبلاك بيري وغيره
في اماكن يكون فيها اختلاط هذا حسب ماعندنا في الكويت
راح نصادف الكثير من الرجاجيل
في السووق والمعاهد والكليات
لكن في الاخير : يكون حسب تربية الاهل للبنت
يعني التربيه هي الاساس
العضو الأكثر نشاطاً هذا اليوم 
..! غير الماسنجر
العرض العادي
