|
انا معك فـي غبّـة الشـوق سبّـاح
هات القلم واكتب على الطرس يا صاح
اكتـب رسالـه مرسلـه يـم خلّـي
يمكن جـروح القلـب تبـرا وتنـزاح
وينـزاح هـمٍّ بالحشـا مستجـلّـي
قلّه عشيرك ما اهتنـى لـذ الإمـراح
عيّـا فـؤاده مـن هواكـم يمـلّـي
يقفي ويقبل بيـن مغبـش ومـرواح
وحبّك يتلّه يـا اريـش العيـن تلّـي
وجده عليكم وجد مـن صاحبـه راح
وحاله على فرقـا عشيـره امولّـي
أقفت اظعونـه مـن ورى بـارقٍ لاح
وقامـت اعيونـه بالعبايـر تهـلّـي
يـا بـو خـدودٍ كنهـا قشـر تفـاح
سودٍ هـدب عينـه ورمشـه مظلّـي
ضافي جديلـه ناعـمٍ كنّـه اوشـاح
مثـل العسايـب للـردوف امتـدلّـي
يهتز جسمه لا مشى هـزّ الارمـاح
غروٍ على عـرش الجمـال امتعلّـي
كنّه يشـع بجبهتـه نـور مصبـاح
بذلت لـه روحـي وهـو مـا بذلّـي
بعـده وصـدّه متلـف الكبـد ذبّـاح
ليته يشـوف اللـي بحبّـه حصلّـي
أنا اشهـد ان الحـب سـلاّل الأرواح
سيفٍ علـى رمّانـة القلـب سِلّـي
يا زين حبّك خجّـج القلـب واجتـاح
حاصر فـؤادي بالهـوى واستحلّـي
دوبك على قلبـي تـرى سدّنـا بـاح
مـا فيـه داعـي للجفـا والتغـلّـي
أنا معك فـي غبّـة الشـوق سبّـاح
ما احدٍ عن الثانـي تـرى مستقلّـي
وان كان حبّك مضيعت وقت وامـزاح
لا تخفـي المـوضـوع بالله قـلّـي
ضيّعت راس المال في رجوى الارباح
وختمت بالخسران صفحـت سجلّـي
|
العضو الأكثر نشاطاً هذا اليوم 
العرض العادي
