جت مهرة اولاد الادهم فازعه من بعيد

[poem=font="simplified arabic,7,white,bold,normal" bkcolor="indigo" bkimage="" border="double,9,indigo" type=2 line=0 align=center use=ex num="0,black""]
جت مهـرة اولاد الادهم فازعه من بعيد=حــوافره يوم تاطا القاع تقدح شــــــرر

فوقه غلامٍ على لطم المعادي شــديد=من روس قـومٍ لهم باالفعل علم وخبر

مــن عاصمتنا الحبيـبه جــيتكم باالمفيد=علــــى جوادن حــوافرها تدوس الخطر

سليت ســـيف القوافـي وامتطيت الفريد=وزهمت مهرة قصيدي عقب وقت العصر

وضربت وسط الفرايد لين طار الصعيد=وسمرت وسمي على اعناق النوادر سمر

نبي نبارز مع الفرســــــــان في كل ميد=ونكســـب نوادرحلال القوم سود وعفر

مهرة خيالــــي قحــــومٍ ماركبها بليد=لكـــن لنا عاصـــيات الخيل تقهـــر قهر

حنا لنا عاصـــيات الخيل غصــبٍ تهــيد=والقاســــــيه يالفتنا كـــود تعصر عصر

واليا جلــبت الفـرايد عاد ويش الجديد=حنا هل المرهفات اللـــــــي تفج النحر

حنا ورثنا الجــــزايل ورث جــــد لحفيد=احفاد عودٍ بفعل الطايلات اشــــــتهر

من روس قومٍ لجزلات المراجل تصيد=شــــــــمرهل الطايله يوم الليالي غبر

شـــــــمر بنوكٍ بها جزل الفعايل رصيد=من عصر حاتم فعايلهم تســـــر النظر

هل الصخا يوم قل الزاد ضــــد الضــديد=واهل الفراسه على قب المهار الشقر

والناس فيهم رجالٍ يكســـبون الحمـــيد=كل القبايل لهم باالطيب فعلٍ ظهـــر[/poem]

مشعل عسام الغافل التريباني الشمري

الموضوع الأصلي: جت مهرة اولاد الادهم فازعه من بعيد || الكاتب: مشعل التريباني || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

كفو يابو عبد الرحمن وعشرة انعام بعيال الادهم وصح لسانك ملاااايييين
لاعـــــــــدمنا وجووودك.

تم التنســـــيق

صح لسانك ابو عبدالرحمن
ونعم فيك
مهرة انت خيالها
مكانها في الصدارة
يعطيك العافية

صح لسانك قصيده جميله شكرا

سلمت يداك اخي مشعل التريباني التي صاغت هذه الرائعه
تقديري واحترامي
لشخصك وبوحك الراقي

ابيات جميله بَ جمال حضورك يّ عذب
يسلّم قلبك شاعرنا المميز
الهي يسعدك وَ يديمك

تسلم يابوعبدالرحمن وصح لسانك مليون

صح لسانك
ابوعبدالرحمن
تحياتي

صح لسانك وعلا شانك
لاهنت غالينا

المهرة يحليها تفاعل خيالها
مع البشر
والخيالة كثير والامة ولادة

اخواني
واخواتي
مشرفين
واعضا
وعضوات
منتديات بعدحيي صحت ابدانكم جميعا الله لايهينكم شكرالكم جميعا على تفاعلكم الله لايهينكم جميعا