انايادعاني واحدن مثل ابوزيدان

[poem=font="simplified arabic,7,black,bold,normal" bkcolor="white" bkimage="" border="double,9,darkblue" type=2 line=0 align=center use=ex num="0,black""]
انايادعاني واحدٍ مثل ابوزيدان=تحضر بحور الشعر وانقى خزايزها

ازخرف بيوت الشعر باللول والمرجان=نوادرٍ من غالي اللالماس ابروزها

يستاهل اكتب فيه من ندر القيفان=طلق الحجاج اللي به المفرده تزها

جينا نبارك عرسكم يارفيع الشأن=اجمل تهانينا من القلب نبرزها

لانك تحلا بالكرم والكريم معان=ومن التواضع خير الاخلاق وابرزها

ومن لابتن مايجهله كاينن من كان=يوم السنين شحاح تعرف غرايزها

قبيلة الاسلم هل الفعل بالميدان=عند الحميه صعب والله مبارزها

هلااللحيسه كان شح الزمان وشان=بصيانيٍ باالزاد تتعب ركايزها

من روس شمرمنبع المجدوالاحسان=قبيلةٍ باالطيب تعرف مراكزها

شمرهلى الطولات من سالف الازمان=اصل السخاء غريزةٍ من غرايزها

وابي السموحه كان مني حصل نقصان=ببياتي اللي يمكم جيت امايزها

وتمت وصلى الله على خاتم الأديان=رسولٍ تقدم للرساله وعززها
[/poem]

(((مشعل عسام الغافل التريباني )))في 1444/10/29هــ

الموضوع الأصلي: انايادعاني واحدن مثل ابوزيدان || الكاتب: مشعل التريباني || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

هلابك يابوعبدالرحمن وصح لسانك ولاهنت
والنعم فيك وفي من مدحت لاعدمنا وجودك.

[blink]
تم التنســــــــيق
[/blink]

صح بدنك يبعدي ماعليك زود يابوطارق لاعدمتك

بيض الله وجهك شاعرنا مشعل على الراقيه

أبدعت في رسم الحرف لوحة تشكيلة..
سعدت بقراءتها
عبر النظم البديع.

صح لسانك مليون ولا يسدون يالجزل
نص فاخر وجزل من الطراز الاول
سلمت ولاهنت شاعرنا
سجل اعجابي
وتقديري

اخواني الافاضل
صحت ابدانكم جميعا شكرا للجميع على المرور الله لايهينكم

صح لسانك مليون ولا يسدون يالجزل
نص فاخر وجزل سلمت ولاهنت شاعرنا
سجل اعجابي
وتقديري

صح لسانك لافقدنا روائعك

اخواني الافاضل
صحت ابدانكم لاعدمناكم
شكرا لكم على المرور لاهنتوجميعا

ابدعت وتفننت صح لسانك مليون
ولا يكفون

تقبل المرور
دمت بسرور

صح لسانك ابيات جميله شكرا