(نسر عتيبه) الشاعر بندر بن سرور العتيبي(متنبي نجد)

((الشاعر بندر بن سرور ))


هو بندر بن سرور بن خضير القسامي العتيبي

ولد وترعرع في القراره بمدينه الدوادمي سنه 1360هجري

توفي والده وهو صغير السن وعاش مع عمه بعد زواج ن_والدته من رجل اخر.

عاش الحرمان منذ صغره وربما السبب فيما وصل اليه بندر من موهبة شعريه فذه لان اكثر من برع في الشعر

كان بسبب الحرمان او اللوعه التي مر بها في حياته فزلزلت مكامن صدره الخافيه لتجيش بأفضل وأرق المعاني

والامثال0 وكان بندر بن سرور مثالا للعربي الأبي الذي لايرضى الهوان ابدا وكثيرا ماردد ذلك في شعره مثل:


[poem=font="Simplified Arabic,6,black,normal,italic" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
الـهـاف روّح وحــط طـريـف مـن دونــه=عــقّــب حـدود الـسـعـوديّـة لـعـمّـاني
وان كـان شـغـل الخـواجـه جـاب طـبلونه=اضرب عـليه الخطر كان الله احياني
لاصار راع الـفـقـر رزقـه عـلـى شـونـه=رزقـي عـلـى واحـدن مـاهـو بـمـناني[/poem]

وكان يفتخر دائما بعدم رضاه قبول الهون ويفتخر برحيله المستمر واسفاره المتكرره والتي كانت بسبب ضيقة

الصدر التي يشعر بها وكذلك لكونه عمل بالتهريب الذي لايجسر عليه الا صاحب القلب القوي الشجاع فقال:


[poem=font="Simplified Arabic,6,black,normal,italic" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
الا يـانـديـبـي فـوق مـن يـنــطـح الـتـهـريـب=لـيـا عـدّ مـيّـه قـام يـلـعـب دركـسـونـه
أبـاعـد عـن الـشــرطـة وأفـارق جـنـود الـذيب=لـدارن يـبـيـدن الــونـيـتـات مـن دونه
ويـاحـن قـلـبـي حـن فـرت بـعــد تـوضـيـــب=تـحــت خـارجـيٍ مـاطـفـت نـارغـلـيونه[/poem]




من اشهر قصائد بندر ابن سرور علي الاطلاق والتى يرددها الجميع( ياسخيف الذرعان)

وحكايتهاعندما قام بندر بن سرور بطرق باب الامير تركي بن ربيعان في وقت متأخر وكانت احدي الفتيات تخاطبه

من خلف الباب وسألته من هو وما يريد قال انا بندر اريد والدك وعند ما سأل الامير تركي الفتاه عن الطارق قالت

هذا المرجوج بندر وقد سمعها حين قالت المرجوج واخذت كلمتها تلك موقعٍ من الاسى في نفسه

وكان بندر معروف لدي الجميع وقد انشد قصيدته الرائعه يخاطبها ويوضح ان الزمن هو سبب ماوصل اليه:

[poem=font="Simplified Arabic,6,black,normal,italic" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

ياسخيف الذرعان مانيـب مرجـوج=رجــتــنـي الأيـام غــدر وحيـلـه
يابنت لولا اللي على تاسـع الفـوج=تركـت نجـد وعــزوتي والقــبيـلـة
لاشك حاديني علـى نجـد هـادوج=مسقي الفــيافـي ليـن يـدرج مــسيلـه
تركي ليا مــن اللــيالـي غـدن عـوج=حــملـة عــتيـبـة كلـهـا ماتشيـلـه
يرسي كما ترسي البواخر على الموج=ومـنيـن ماصـك البحـر يرتكيـلـه
مـادام تركـي حـي مـاودي أدوج=وإن غاب غــبت من الرجــوم الطويلـة [/poem]


مهما قلنا عن الشاعر بندر بن سرور من شرح فلن نفي كل مايستحق ويكفي انه يلقب (متنبي نجد)ولم يستطع

احد ان يسد مكانه من شعراء عتيبه بعد رحيله وذلك لشاعريته الجزله وروحه الرجوليه ومكانته في قلوب كل

اهل نجد ولاسيما عتيبه منهم لذلك سأكتفي بعرض نماذج من جواهره الشعريه التي يعجز عن مثلها الكثيرون0


[poem=font="Simplified Arabic,6,black,normal,italic" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
مـانـي وانـا بـنـدر بـراعٍ ولـد راع=انـا الـحـصـان الـلـي طـوالٍ حـبـالـه
إبـن سـلايـل خـيـر مـن شالت القاع=الـمـصـطـفـى الـهـادي وديع الرسالة[/poem]


(وقال ايضا رحمه الله)

[poem=font="Simplified Arabic,6,black,normal,italic" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

يالـلـه يـاجـال الأمـــور الـمـهـمــة=تـجـلـى وهــق قـلـبن بـرى حــال راعـيــه
الـبـر دجـتـه والـبـحـر رحت يـمّـه =أطرد سـبـب حـظن عـلـى الـلـه مـسـاعـيـه
يـوم إن ولـد الـلاش رزقـه عـلـى أمه=رزقـي عـلى الـلـي مـيّـت الـقـشع يحـيـيـه
مـانـي وانـا بـنـدر بـبـــيــاع دمــه=يـقـطــــعــك يـابـيّـــاع دمّــــه ومــهــفــيــه
الـلـي يــبـيّـــع لابـســات الأزمـــه=ثــورن يــبــي بــيــض الــعـمـاهــيـج تـغـنـيه
يــزعـل لـيـا جــت لـيـلـة الـدور يمّه=يـرضى بـسـوق الـمــال بـأخــيــه وأبــيــه
خـطـو الـبـخـيـل اللـي يـكـبّـر مـعـمـه =يـقـرا الـكـتـاب و واجـب الـلــه مـخـلـيـه
أمـا هـرج لـه فـي رفـيـقــه بـنـــمّـــه=والا عـطــا وأمــه تـضـيّــع هــقــاويـــه
يــامــل قـلــب كـل مـامــات هـمّـه =دارت دوالــيــب الــدهــر لـيــن تــحــيــيــه
فــرّاق شـمــل الــنــاس عـيّـا يـلـمــه=وقـتــن يــشــيــب الـراس مـن شـايـة فـيـه
أحــدن يــنـام وحــط راســه بـكـمـه=وأحــدن تــخــم الـنــوم عـيـنــه وتـخـطـيـه
و أحــدن يـحــاول بـالــردى بـنـت عـمـه=وأحـدن يـحــاول سـتــر عــذرا عـوانيه [/poem]


وقال ايضا رحمه الله 00

[poem=font="Simplified Arabic,6,black,normal,italic" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
مـاني وانـا بـنـدر بـهـيـسـن ولـد هـيـس=هـيـسـن دنـوعـن عـنـد حـرمـة قـصـيـره
لـيـا بـغـيـت اجـلـس تـرى لـي مـجـالـيس=ولـيـا بـغـيـت انـهــج دروبـي عـسـيـرة[/poem]

وقال ايضا000
[poem=font="Simplified Arabic,6,black,normal,italic" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

مـانـي وانـا بـنـدر بـهــيـتـن ولـد هـيـت=هـيـتـن مـقـابـل خــمّـةٍ يـكـرهـونـه
مـن كـثـر مـاجـرّبـت وأقـبـلـت و أقـفـيت=قـولـة هــلا مـن لايـودّك مـهـونــة[/poem]

وقال ايضا000

[poem=font="Simplified Arabic,6,black,normal,italic" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
مـانـي وانـا بـنـدر عـلـى درب الأنـجـاس=الـلـي قـريـبٍ تـفـلـهـا مــن لـحـاهـا
أنـا بـدرب الـصـيـرمـي عـدم الأجـنـــاس=زيـزوم روق لـيـا تـنـصّـت عـداها[/poem]

وقال ايضا00


[poem=font="Simplified Arabic,6,black,normal,italic" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
راكـب الـلـي مـن حـفـيـزه لـلـحـدودي=عـقّـب الـعـشـريـن طـبـلـون امـيـتــيــنـه
فـرت نـوع كـلاسـيـكـي مـالـه طـرودي=أبـيـضن فـي الـبـيـت الأبـيـض فارقـيـنه
يـرفـعـنــه نـايـــمــاتٍ بـالــعـــمـــودي=والـهــوى والــنـار يـرخــنّ الـمـكــيـنـه
يــوم مــرّ خــريـص مـع عـرق الـنـفودي=قـاومــه صـوت الــقـيـامـه فـي الـمدينة[/poem]

وقال ايضا000
[poem=font="Simplified Arabic,6,black,normal,italic" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

راكـب الـلـي مـخّ رجـلـيـه خـنـزيـر وهـوا =اشـهـبـن فـي مـقـدمـه بـارقـيـن وعـكــس تـاج
مـتـر فـي مـتـريـن مـسـتـبــرم كـلّــه ســوا =حـايـفــه حـطّـاب مـاسـمـكـره راعـي الـكراج
إن نـعـشــتـه بـالـثـلاثــة مــع الـلــفـه عوا =عـوي ذيــبـن مـحــتــديــنـه مــربّـيـة الـنـعـاج
ثـابـتـن مـايـخـتـلــف كـلـمـا لـــف إنـــزوا =وارتـفـع ثــم إرتـخـى مـثــل طـايـرة الـمــراج
كـن ضـرب الـمـرو فـي الـويــل قــدام وورا=ضـرب هـمـلــول الـبـرد وإن تـقـفّـاه الـعـجـاج
مـنـوة الـلــي مـشـفـقـن لاهـلـه ولـهــم نــوا =مـن بـعـد طـول الــمـســافــة يـبـي فـلّـة حجـاج[/poem]

وقال ايضا000

[poem=font="Simplified Arabic,6,black,normal,italic" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

الا واهـنـي اللـي تـمـرجـل بـصـك تـراب=ولـولا لـجـنـة الـتـرسـيـم مـاعـاش مع غيره
وانـا كـل ديـره جـيـتـهـا وادرك الاسـباب=ادور نـصـيـبـــن بـذ رجـلـي بـتــدويـــره
الا واوجــودي وجــد مـن صـك دونـه باب=بـقـفــل اعـجــمــي ومـغـلـقـاتـن مساميـره
عـدّو بــه عـلـى اللـي كـنّـه النـسر بالمرقاب=على الجمس الأصفر كامـلاتٍ شراشيــره
مـعـه فــرتٍ خـمـسـه طـن يـاخـذ مـيّـة ركّاب=مــن الـمــال عـيّـن يـنــقــلـنّـه تغايـيـره
دخـل هــو وحـمـلــه لـلحـكـومـه بغير حساب=وراعـيـه عـشـر سـنـيـن ويـعـاد تقريره
علـى اللـي كــوانـي كـيـة الـعـرق بالمشهاب=على اقصى عراوي القلب مركي مناشيـره
عـشــيـرن ورى الـكــوده وانـا مــن ورى مشعاب=قـريـبــن بـعــيـد تعيب ياكود تدويره
ولايـاصـلـه يـاكـود جـمـسـن عـلـيه اسطـاب=اذا حـاسـب السـواق تاشــر مــواخــيـره
صناعـة بــيـاطـرة الـكـفـر لابـســيـن الـكاب=عــصـاة الـيـهـود اللـي مـشاريـبه البيره
الا واهــنـي اللـي عــن الـعـشـق مـا قـد تـاب=وانـا تـبـت عـنه وعـدت لـه يـالله الخيره
ورايـه لـصـخـر الــقـاف لاعـب وانـا لـعاب=واذا مـاصـخـرتـه نـقــدونــي شــواعـيره[/poem]

وقال ايضا00

[poem=font="Simplified Arabic,6,black,normal,italic" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
يا عــبـيـد غـنّــن سـيـور الـهـاف =لا يـابـعـد كـل مـن غـنّـا
عـرق الابـيـتــر رمــاه خـــــلاف=مــا طــبّ لــه واحـدٍ مـنّا[/poem]


وقال ايضا000

[poem=font="Simplified Arabic,6,black,normal,italic" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
يا اهـل الـونـيـت الـلــي يـبـا مـشـتـل الـبـيـب=مـا دق صـدرة بـالـخـطـوط الـغـزيـرة
يـوم يـتـخــنــع فـي مــحـيــر الاداعـــيــب=يـشــدي تـخـــثّــع جـادلاً فـي حــريــره
لا تـجـرّبـونـه مـايـبـي الــفــرت تـجــريـب=قـد جــرّبــه بـالـبـيـت الابـيـض خـبـيره[/poem]



رحم الله بندر بن سرور العتيبي رحمة واسعه فقد كان نسرا يرتفع في وقت عجز

البعض عن الطيران والتحليق00

الموضوع الأصلي: (نسر عتيبه) الشاعر بندر بن سرور العتيبي(متنبي نجد) || الكاتب: فواز الغسلان || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

يعطيك العافية اخوي فواز الغسلان

الله يرحم بندر بن سرور العتيبي (متنبي نجد)

امتتعتنا يابوفهد شكرا لك ولقلمك الصادق

تحياتي لك..

الله يعطيك العافيه ..
كل الشكر لك رائعنا....


تقبل مروري..
بقايا حلم..

[align=center]رااااوي الجبل

لاهنت لاهنت لاهنت لاهنت

وبيض الله وجهك

بندر بن سرور الشااااعر الله يرحمة

وقصااااايده مشهوره بالجزيره العربيه ومعروفه

ولاهنت الله يعطيك العافيه على نقل هذي الدرر النادره


لك مني الغلا


اخوووك


سرحان[/align]

بسم الله الرحمن الرحيم




الــرآئــــع / فـــــوآز



الله يسكـنـه الـ ج ـنـــه
الله يــ ع ــطـيـك ألــف عــآفـيــه هـ المـوضـــُـوع
شــآكــر لك روعــة سـطــُـوركـ الـنـيّـرهـ
في أنتظــآر جــديـدكـ
كل الشكر والتقديــر


دمـــــــــت . . . بــــــــــــود


تـTiGeRـــآيــقــر

الله يرحم بندر بن سرور العتيبي
صح لسانه
وفكره الراقي

يسلمك ويعافيك فواز الغسلان

ماقصرت على هالجهد
ابو فهد
رحمه الله شاعر لاشك انه من كبار الشعراء ومن الفطاحله
المعروفين

يامالا العافيه يابعد حيي ابو فهد
سلمت لاهنت
يابعد حي والله

اقتباس المشاركة الأصلية كتبت بواسطة بنت الهيلا يعطيك العافية اخوي فواز الغسلان الله يرحم بندر بن سرور العتيبي (متنبي نجد) امتتعتنا يابوفهد شكرا لك ولقلمك الصادق تحياتي لك..

هلا وغلا بنت الهيلا العزيزه00

اشكرك جزيل الشكر على تشريفي بمرورك الغالي وتعليقك النبيل المحترم00


تقبلي تحياتي العطره الصادقه الراوي00

اقتباس المشاركة الأصلية كتبت بواسطة بقايا حلم الله يعطيك العافيه .. كل الشكر لك رائعنا.... تقبل مروري.. بقايا حلم..

العزيزه الغاليه بقايا حلم00


كل حرف من حروفك غالي وكل كلمه محبوبه ومشجعه لي واعتبرها

وساما على صدر ماانزلت هنا من حروف متواضعه

تحياتي العطره لك الراوي00

اقتباس المشاركة الأصلية كتبت بواسطة سرحان [align=center]رااااوي الجبل لاهنت لاهنت لاهنت لاهنت وبيض الله وجهك بندر بن سرور الشااااعر الله يرحمة وقصااااايده مشهوره بالجزيره العربيه ومعروفه ولاهنت الله يعطيك العافيه على نقل هذي الدرر النادره لك مني الغلا اخوووك سرحان[/align]

الاخ العزيز الذيب سرحان00


هلا وغلا اخوي العزيز الغالي00

حروفك مشجعه وكلماتك محبوبه ومرورك شرف وتعليقك نبل منك00

افتخر بماقلت وذكرت واراه من الفخر كافيا00

الراوي

اقتباس المشاركة الأصلية كتبت بواسطة TiGeR بسم الله الرحمن الرحيم الــرآئــــع / فـــــوآز الله يسكـنـه الـ ج ـنـــه الله يــ ع ــطـيـك ألــف عــآفـيــه هـ المـوضـــُـوع شــآكــر لك روعــة سـطــُـوركـ الـنـيّـرهـ في أنتظــآر جــديـدكـ كل الشكر والتقديــر دمـــــــــت . . . بــــــــــــود تـTiGeRـــآيــقــر

هلا وغلا مشرفنا العزيز تايجر00



اشكرك جزيل الشكر على تشريفي بمرورك الغالي وتعليقك النبيل المحترم00


تقبل تحياتي العطره الصادقه الراوي00

اقتباس المشاركة الأصلية كتبت بواسطة ولهان ومسير الله يرحم بندر بن سرور العتيبي صح لسانه وفكره الراقي يسلمك ويعافيك فواز الغسلان

هلا وغلا اخوي ولهان ومسير00



كل حرف من حروفك غالي وكل كلمه محبوبه ومشجعه لي واعتبرها

وساما على صدر ماانزلت هنا من حروف متواضعه

تحياتي العطره لك الراوي00

اقتباس المشاركة الأصلية كتبت بواسطة الو1في ماقصرت على هالجهد ابو فهد رحمه الله شاعر لاشك انه من كبار الشعراء ومن الفطاحله المعروفين

هلا وغلا اخوي الوافي00


ومشكور على مرورك الغالي وتعليقك النبيل00


انبسطت واجد يوم شفت توقيعك الجديد والله0

يستر عليك لاهنت ياسيدي
على الحقيقه
بالمشاركه