الا ويل من مثلي تشوحه مهاة الجوف

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,4,black" type=2 line=0 align=center use=ex num="0,black""]

الا ويل من مـثـلي تـشـوحـه مـهـاة الجـوف=وهو قبلها صعـبن من البـيـض ينشاحـي
انا مـاقـدرت ادفـع غـلا ضامـر السرجـوف=وانا عارفـن رمـشـه قـطوعـن وذباحـي
انا غـلـطـتي لعبي مـعـاها علـى المكـشـوف=مع ان المـها تلعب على ذبـح الارواحـي
احـسـب الغلا تـرحـم وتكـسب بـنا معـروف=وهي عاصفن يـنـثــر سبـل كـل فلاحـي
عـنـودن بدون نقاط واسـمــه ثـلاث حـروف=رمـتـنـي وراهـا لاسفــيـهــن ولاصاحـي
وانا قبـلها حـذرن خـجـولـن شـديـد الخـوف=ولافـادنـي خـوفـي مـدام الحـشـى راحـي
هـنـوفـن حـلاهـا بالـعـنـايـد غدى موصـوف=خـدوده تــلالا زيـنـهــا تـقــل مـصباحي
بها الزين والمـبـسـم وجـسـمـن زهـاه ردوف=وهرجن جرح قلبي بلا رمـي وسلاحـي
رمـتـنـي بـمـوجـات البحـر ضايعـن مكتـوف=وهـو هـايـجـن مايـدخـلـه كـل سـبـاحـي
الامـواج لاهـاجـت وذعــذع لـهـا الـعاصوف=عواصيـفها ترجـف تـقـل صـوت نباحـي
انـاظـر ومـن هـول الـعواصف تقل ماشوف=ولابـان شاطـيــهـا لـعـيــنـي ولا لاحــي
خـطـيـرن يروح الـشـوف مـن برقها مخطوف=يهـيـلك شهابن في ظـلام البحـر طاحـي
خفوقي غدى شـفـقـن عـلـى صاحبه ملهوف=والامواج بعيونه غـدت مثـل الاشـبـاحـي
اذا ضاح بارقـهـا تـقـول السمـاء مـسـقـوف=تهابه صواريـمـن مـثـل قـلـب شولاحـي
وانا بالهوى غـرقـان مـع زيـنـة النـفـنـوف=شـفـوقـن على شـوف الغلا لاجل نرتاحي
اذا طاف بي طـيـفـه نـثـر دمـعـي المـذروف=تهامـل على خـد الشـقـى تقل مـسـبـاحي
علام الحـشـى كـنـه بـسهر الـعـرب مكلـوف=يـدوج الخـلا كـنـه على الدرب مساحـي
يشادي كسـيـر الساق فوق النـظـا مـشـنوف=سهـيـرن وسـاقـه تلـتـعـج تـقـل ملواحـي
وتحـتـه قعـودن في مـسـيره مهو مـعـسـوف=مع المـشـي كن الجـمـر في ضامره فاحي
لما طـحـت باسبابه كما الشايـب المكـفـوف=وحـيـدن يهـيجـن من قصيد ابـن قرقاحـي
كبيرن وشـمـس العـمر جاها الزمن بكسوف=ولافـيـه مـن ربـعـه رحـيـمـن ومـنـصاحـي
وكم واحـدن قبلي سهر مـن غـلا الغطروف=عزيزن ودمـعه من هـوى البـيـض سفاحـي
وكم واحـدن يـشـكي ويـنـدب جـدايـل نـوف=زناد الجـفــى بـيـن الـمـعـالـيـق قـداحـي
واذا راح معـلـوقي تروا ماعـلـيـه احسـوف=ومـشـكـور يارمـشن ذبح زيـن الامـداحـي
سلامي على قـلـبـن سرى مع مـهـاة الجوف=وهـي قـصدها في حـبـها ذبـح الارواحـي [/poem]

الموضوع الأصلي: الا ويل من مثلي تشوحه مهاة الجوف || الكاتب: فواز الغسلان || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات