ياعنودن غرقنا في عواصف بحرها

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,4,black" type=2 line=0 align=center use=ex num="0,black""]

ياعـنـودن غـرقـنـا في عواصف بـحـرها=ضاع دربي وتـهـت عن الـنـجـوم السواير
هـاج عاصوف صيفه مع زواجر مطرها=مع بروقن بـعـيـني مـثـل قـدح السـعاير
المراكـب تكـسـر مـن هـبـوبـن زجـرها=وصفق الامواج يذهب بالبصر والبصاير
وخافت الروح موته في مهاوي خـطرها=ومن بغى الربح يصبر للـخـطر والخساير
والـخـساير قـلـوبـن بالـنـواظـر سـحـرها=لـيـن ذابـت جــفـونـي باللـيــالـي سهـاير
صافي الجـلـد يلبـس مـن ثـيـابـه حمرها=والـفـسـاتـين صـارت من ردوفه قـصـايـر
سـم حـالــي وروحـي بالنواظر جـمرها=غصب عني مـشـيـت لداعـج العين طاير
حاس فكري برمـشـه والضـماير مزرها=وقـلـت حـظي رجع لي بالسعد والبشاير
لو ديـاره بـعـيـده مـاشـكـيـنـا سـفـرها=لاجـل شـوفـه وطـيـنا بالـدروب العـساير
ضاع هـرجـي قـبـالـه من سوادة شعرها=والـجـدايـل تـنــاثـر ضـافـيـاتـن عــطـاير
ارتوى القلب هـانـي فـي مـسايل نهرها=وافـتـرقـنـا وهـلـت نـور عـيـنـي عـباير
ثـم شفت الظعاين قـبـل يمـضـي شهرها=ساقت زمـول هجره والـدبـش والعشاير
وارتحـل عـن قـلـوبـن بالسـعاده عـمـرها=لانــقــضـنـا عــهــود ولا وطـيـنـا نـكـاير
شـب روحـي بهجـره والضـمـاير دمـرها=وقـام يطـعـن ظـلوعي بالرماح الشطاير
تـعـتـذر لـي وقـلـبـي بالهـوى ماعـذرها=يومي ترمي وليف(ن) مايسـوي جراير
وصارت الـروح تجمع صفوها مع كدرها=يوم نـسـنـاس ظـل ويـوم حـر الهـجـاير
عـيـن طـيرن صرومن والحباري حشرها=حاف جول الحباري في فياض الجزاير
طـالـع الـصـيـد واهـوى والـثنادي نـثرها=فـي كـفـوفـن جـروحـه نازفـاتن غزاير
ويل قـلـبـن حـسـيـرن والحبايب خسرها=ماتـفـيـد الشـكـاوي فـي جـمـيع الدواير
واظـلمت بالضماير عـقـب ضايح قـمـرها=وعـقـب لين المفارش نومـتي بالحصاير[/poem]

الموضوع الأصلي: ياعنودن غرقنا في عواصف بحرها || الكاتب: فواز الغسلان || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات