دونك لحيتي إمتلت من دموع عيني ..

دونك لحيتي إمتلت من دموع عيني = من بعدكم قام حزن الوقت يطويني
أسدل علي سواده وبصوته يدعيني = والله إني من بعادكم منضام
بعادكم يسرق الروح من الأعماق = ومن الكدر مالي منه مفر ونطاق
ما يشرى غلاكم مع غلا الأسواق = والقلب لعويناتك يندفع مقدام
أنسج لك من حوريات أفكاري حرار = إتلالا مثل اللولو بوسط محار
إما قلطتها لك على صحون كبار = ولا أرسلتها لك برجلين الحمام
من كثر ما أرثي حالي الغصن مال = طاح وتهشم من فرقاكم اللي طال
يستقوي الغصن بشوفتك تعطيه آمال = إنتي سيله وديمه لا تلبدن الغمام
وإنتي مضخة الدم من الخفوق = وإنتي مسيال الدم مع العروق
وإنتي من ترجعين بالي المسروق = غيابك ملخبط الجينات والأرقام
أدري إنها ما راح تطول المده = وإنه يبي يجي الفرج بعد الشده
مار الهوى لا صار لك يرف وش يرده = خمسه يا صبور صبرني هالأيام
تقول خمس سنين والساعه ما تدور = ويذكرني طاريكم بتغريد العصفور
وأذكر مكانك لا صارت الشمس بحدور = الله على هكالأيام عساها دوام
قلبي وأفكاري يا أنفاس العبير = والغصن وشرايينه من كبير وصغير
والساعه اللي عقاربها ما تدير = ننتظر تبثين بنا حياة الغرام

وسلامتكم // طلال الأسلمي الشمري ..

طلال الاسلمي


صح لسانك وعلا شانك الغالي


سلم فكرك وبؤووح قلبك


ودمت بالف خير

تحياااتي لك

طلال الشمري
صح لسانك
قصيده جميله في عذوبة كاتبها وروعة أحساسه
قصيدة تحتاج منك الكثير والكثير
لن أزيد أتمنى لك التوفيق

صح الله لسانكم يا الغالي ..

وشو اللي يحتاج يا الغلا .. ؟؟

تسلم الأيادي وصح لسانك