| | شكراً لغيباتك وشكراً على الصمت | |

12-08-2010, 02:03 AM

,

تدري وش أقسى شي ممكن تعانيه
وأسوأ مراحل وحدتك في حياتك

هو انتظارك شخص يمكن تلاقيه !!
ويمكن يغيب ولا درى عن طراتك
بس الشعور اللي من الصعب تخفيه
إنك تحبه رغم كسرهـ لذاتك

.
.

ياللي غيابك غير عن كل من غاب
ارجع ورجّع فرحتي لو تكرمت

قلبي بعد فرقاك طايح ومنصاب
وأهل العذل في غيبتك تكثر الشمت

أقراك حلم في متاهات الاصحاب
وأهمس لوعدك كم عشانك أنا همت

أمرض وأطيب ولكن الجرح ماطاب
وأستر طعوني بالخفا ما تألمت

الشوق في صدري ترى كلمة عتاب
لو مانطقت بها لطيفك تندمت

أجاوب الجدران واشرح لها أسباب
ذاك الغياب اللي كسر شامخ الصمت

اضحك لوقتي وأرمقه نظرة إعجاب
ولا جيت أسولف بك عليّه تلعثمت

صاحبك من بعدك غدا ما هو بـ شاب
شيّب زماني بي وأنا ما تولمت

تدري وش اللي يجلب لقلبي أتعاب
أخاف تجرح وحشتي ما تكلمت

لكن على أيّة حال يا كل الأحباب
شكراً لغيباتك وشكراً على الصمت
.

,
تخاويني هواجيس الحزن وهموم تالي الليل
ويذبح فكري الخوف المريب وطاري غيابك
وأهيم بعالمي وحدي ولا به من يشد الحيل
وأصبّر نفسي بذكرك وأقول ان البخت جابك

لـ الشاعر / عبدالله الأسمري

أتمنى ترتقي لذآئقتكم