عاشــق الدرب(( خليف الجهيلي))

(( عاشق الدرب ))


قررت أسافـر .. وأرتحـل .. وآتغـرب
حان السفر .. حان السفـر .. وأغترابـي

زرفل ذلولي زرفلة .. (( عاشق الدرب ))
الخرج .. وشـداد الذلـول .. وزهابـي

سقـت الذلـول وللفيـافـي .. تـزهـب
شـد الرحـال بليـل(ن) أضلـم سرابـي

ماعـاد بـه قطـرة حنيـن .. ولاحـب
عاف الغرام .. وعاف .. صاف العذابـي

دام الرحيل أعـلاج قلـب(ن) .. معـذب
الحر لامـن عـاف ماهـو .. أغرابـي

ينـزع سمـاء للعـز حـر(ن) أمجـرب
عزيز نفس(ن) مثل حضـرة .. جنابـي

نفسي عزيزه براس عيطا ء .. ومرقـب
مـن صـد جعلـه للفنـى .. والذهابـي

صّمل خفوقي عايف(ن) حب .. من حب
ماهي سواليـف(ن) .. وعجـة أترابـي

أول أحبه .. وأعشقه .. عشق .. وأرغب
يسوقنـي حبـه ذهــاب .. وآيـابـي

عقب الخيانه .. والغدر .. قلـت أرحـب
يامرحبـابـك يالـسـفـر بنسـحـابـي

غدر الحبايـب جـرح سيـف(ن) تلهـب
ولاالخنـاجـر طعنـهـا والـحـرابـي

جرح(ن) لجابـي ولـع القلـب وأعطـب
أنشهـد أنــه لوعـتـي .. وأكتـأبـي

كثرت هواجيسه ولا عـاد بـه .. طـب
عفت المنام .. وعفـت زاد .. وشرابـي

تاه الخفوق أبمركب الشـوق .. والحـب
زرعه وفاء بـس الحصـاد .. العذابـي

خلي حدانـي للجفـى .. والجفـى هـب
ليـت الفـراق اليـوم يعـلـن غيـابـي

ليـت الهبايـب بالجفـى ليتـه أتـهـب
ياجعـل شمسـه للكسـوف .. وغيابـي

ماينعرف يمـة جنوبـه .. مـن الغـرب
مثـل السـؤال ايضيـع مالـه جـوابـي

شمّل .. وشرق .. بالقطاعه .. وغـرب
أبعد أركابـك عـن مبـارك .. أركابـي

جنبت أنـا ياصاحبـي وأنـت .. جنـب
لاتنتثـر وتـقـول مـثـل السحـابـي

ماعاد أنا هـاوي .. ولافيـك .. معجـب
من باعنـي بعتـه برخـص .. الترابـي

اليـوم لاعاشـق .. ولاقلـب يـرغـب
ليتـه أيهـيـد بالخـفـوق الصـوابـي

خلاص أبرحل .. وأرتحـل .. وآتغـرب
ياليـت تقـراء بالقصيـد .. أغتـرابـي

خليف الجهيلـي ..

تحيـــــاتي للجميـــع

صح لسانه يالغالي وسلمت يمينك وتسلم ولا قصرت يالغالي ومشكور على المشاركه والله لايحرمنا منك ومن مشاركاتك يالغالي

ننتظر جديدك

تقبل فائق الاحترام والتقدير

اخوك
نزف المشاعر

مشكووووووووووور اخوي نزف المشاعر

على هذا الاطراء الجميل من شخص اجمــل

وتسلم وما قصرت على مرورك

تحياتي لك

صح لسانه يالغالي وسلمت يمينك وتسلم ولا قصرت يالغالي شرقاووووووووي منوووور المنتدى كله


وجودك معنا شرف لنااااااااااااااا نفسي عزيزه براس عيطا ء .. ومرقـب
مـن صـد جعلـه للفنـى .. والذهابـي


كفووووووووو والله شرقاوي


اخوك ال ساري

يسلموووو ال الساري

ومشكور وما قصرت على مرورك

تحياتي لك