اكرم ولا ادوس الخطا لاتمشيت

السلام عليكم ورحمة الله وبركاته ....


اطل عليكم اليوم وكلي امل ان تحوز القصيده
على استحسانكم ........ وشهركم مبارك

بنت القصيد وبيت شعري تبنيت=مني وفي ونابعٍ من صميمي
انظم بيوت الشعر بيتٍ ورا بيت=على حديث الشعر والا قديمي
لاحسّني هاجوس شعري تغنيت= وسريت ليلي مع قصيدي نديمي
لامن دعاني شارد القاف لبيت=وجا للمعاني في خيالي رزيمي
طبيت في سوق الجزيل وتنقيت=ابيع واشري ماشريت الحطيمي
الشعر خاواني وانا معه خاويت=من صغر سني قاف شعري كريمي
ابدع جديد القاف بالحال مابطيت=في وادي الجزلات فكري يهيمي
اكرم ولا ادوس الخطا لاتمشيت=اشوم وابعد عن مدار الغشيمي
في طاعة الله كل ماصبحت وامسيت=فضل من الله ياعسى يستديمي
بين السطور بقاف شعري تجليت=اعتز في نفسي وطبعي حليمي
في هرجة الهراج لا قال ماوحيت=مارخي سموعي مثل بعض الحريمي
اخذ هواي واوفي الكيل لاعطيت=اعبد واخاف اللي بسري عليمي
شيهانةٍ في راس رجمي تعليت=ارقى سما مانزل بقاعٍ يضيمي
اعرف حدودي زين ماقد تعديت=ادل دربي واعرفه مستقيمي
اقبل على المقبل والا اقفيت قفيت=اعرف صديقي زين واعرف خصيمي
اصلي وفصلي عاليه ماتدنيت=القاسمي جدي وساسي قصيمي
قافي نخاني بالمديح وتنخويت=والمعذره لو زدت عن حد تيمي
بنت القصيد وبيت شعري تبنيت=مني وفي ونابعٍ من صميمي

وسلامتكم ....

اختكم بنت القصيد ....القاسميه

شيهانةٍ فـي راس رجمـي تعليـت
ارقى سما مانـزل بقـاعٍ يضيمـي
اعرف حدودي زين ماقـد تعديـت
ادل دربـي واعرفـه مستقيـمـي

ومبارك عليك الشهر ياغاليه
أبيآت فائقة الجمآل
ونص ينبض جزاله وشموخ
انسكآب حرف جميل وعذب
سلم الفكر والقلم
صح كلك ولآ هنتِ ..

هلابك ومرحباااعلى النيه
صح بدنك يالنشميه
الف شكر على كل كلمه
ومرورك شرف لي والله

وتسلمين على الديوان ياعل يديك ماهي للنار

تحيااتي
اختك القاسميه ..

ابيات حلوة صح لسانك وعلا شانك ..

تحياتي لك

ممتازة بارك الله فيكي

جزله .. شامخه كشموخ ابياتك

صح لسانك مليون ولا هنتي شاعرتنا

اعجابي

ابداع صح لسانك
وسلم فكرك
على القصيده الشيخه

رائعه كروعة حظووووورك

أبدعتي القاسميه...تحيـــــاتي

الله يعطيك العافيه صح السانك قصيده جزله لا عدمناك

القاسميه الشاعره الرائعه

ابدعتي في سبك الجمال
وتفننتي في نظم الشموخ

واصلي هالتميز يارائعه

رااائعه
صح لسانك يالغاليه
وتسلم يمينك ويعطيك العافيه على هالقصيده الراائعه .

اسكادا
الف شكر على كل كلمه
ومرورك شرف لي والله

اختك
بنت القصيد

هداج

مرورك غنيمه
صح بدنك ولاهنت

خـــــــالد
ياهلابك ومرحبا فيك يالنشمي
مرورك غنيمه
صح بدنك ولاهنت
نورتني

تحيات
اختك القاسميه

الخيالي
ياهلابك ومرحبا فيك يالنشمي
صح بدنك ولاهنت
نورتني

تحيات
اختك القاسميه .....