كم انتي امراءة عظيمة أيتها الشغالة رحومة حنونه مخلصه

السلام عليكم ورحمة الله وبركاته

الشغالة يا لها من امراءة عظيمة في كل شي لقد اصبحت أهم أنسانة في حياتنا ..
فهي اللتي تقوم في كل شي في المنزل
تنظف تطبخ تكوي تغسل وفي بعض الاحيان هي الأم الحنونة !!!
لماذا وصل الحال الى ما نحن علية هل أنتهى زمن أمهاتنا ؟
وش اللي صاير بالظبط والله شي يحير !!!
الشغالة اصبحت الكل بالكل في المنزل ؟
وأكثر من هذا لماذا الرحمة أنتهت من اغلب قلوب الأمهات..؟
والله أني شفت وحده تضرب أبنها ضرب ما يضربه اليهود لأبناء فلسطين وين الرحمة شلون تسمح لنفسها تضرب فلذة كبدها هذا الضرب؟؟
اذا أخطئ الطفل أضربه ضرب معقول مو كذا ياحراام أيها الطفل لقد ذهب الحنان من والدتك وانتقل الى والدتك اللتي لم تلدك( الشغالة) أذا جاع الطفل تعالى يالشغالة أعطية أكل وأذا طاح الشغالة هي من يحتضنة وتواسية وأذا صحى من النوم ما يلقى الأالشغالة هي من تحتضنة وتعطية الفطور وتغير له(الله يكرمكم) واذا راح يلعب ما ينتبه له الا الشغالة وتلعب معاه...
وين دور الأم؟؟
ليش أمهات الجيل الجديد اغلبهن ماعندهن الا سهر ونوم واسواق وكأن ماعندهن أطفال أو مسئوليات أخرى؟!!
والمصيبة الكبرى أاذا كانت موظفة تنسى الأطفال والزوج والبيت دوام وبعد الظهر الغداء جاهز من ( الشغالة) تتغدى ونوم الى المغرب وبعدها الله يعين كل مكان ...!!؟
الشغالة= الغداء
الشغالة= الاطفال
الشغالة= التنظيف
الشغالة= الغسيل
الشغالة=كل شي في البيت
نعم الغداء من المطعم الثياب عند المغسله الحلا من المحلات حتى الكيك الشغاله تكنس وتنظف الحريم مالهن شغل الا حوجتن صغيره بس لا وبمنه بعد وبطلوع الروح
( مصدعه مالي نفس علي .....)
هل يجي يوم وتكون الشغالة هي الزوجة!!؟

الموضوع الأصلي: كم انتي امراءة عظيمة أيتها الشغالة رحومة حنونه مخلصه || الكاتب: عارف الخافي || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

[align=center]
عارف تحياتي لك وخلينا صريحيين وبدون زعل
دائما ضعاف اللنفوس هم الي ينزل نفسه لشغاله
ياخي استحقر الرجل الي يناظر لشغالته حته لو كانت اجمل من زوجته
وموضوعك صراحه ماخوذ خيره شي طبيعي ان الغدا الشغاله والكنس والاطفال الشغاله
هي ليش جايه الا لهالشي وبعدين الرجل الي يبي يتشكى لا يجيبه من اساس فعلن الناس تفكر بصناعة الات وقنابل واختراع ادويه جديده وحنا تفكيرنا على شغالات وحريم
تحياتي......
[/align]

هههههههههههه مستحيله وشبتس ياحيي معصبه والا اقول بعذرتس

اقتباس هل يجي يوم وتكونالشغالة هي الزوجة!!؟

حامض على بوزوه

وبعدين انا ضد الشغاله في البيت احسه خنقة بالبيت الواحد مايقدر ياخذ حريتوه
لا مع زوجتوه ولامع اولادوه ولا حتى ياخذ الواحد راحتوه حتى بلبسوه
فعلشان كذا عمري مافكرت اجيبه عندي بالبيت بس بالنسبه للي يتضجرون من الشغالة ليش يجيبه من اساسوه دام هالشي يضايقوه وهي لما تقوم بكل شي بالبيت هذا علشان اخر الشهر بتاخذ هبشة على قلبه مو علشان سواد عيونوه.. ياليت مايقارن الرجل بين زوجته والشغاله على الاقل ليرتقي شوي ..

[align=center]
انفاس لاتلوميني وصلت حده وانا اختك شغاله وشغاله حتى حنا بناخذ السواقين يودون ويجيبون وانتم كل واحد بستراحته ولا همه شين لا وحيانن بران ويصورون طلعتهم يووووووه حامت تسبدي حيييل قديميين نفسي احصل واحد حاط صورة اختراع بدل الكاتم ولا غازن كاسته قدام الكاميرا يصوره ويرزه بالمنتدى خلاص خلاص ماراح اتكلم بالوقت هذا اجيب العيد
[/align]

الشغاله لايستغنى عنها خاصة ان كانت المراه عامله لاكن لايمكن ان تكون الشغاله ايضا هي الحنان

لانها وقتها تمثل ولا تتصنع ولا تقارن بحنان الام مهما يكون واكبر دليل مصائبهن الكثيره من حرق للأطفال مثل قصة الاثيوبيه اللي صبت ماء

حار على الطفل بحجة ان ربة المنزل توبخها واللي حطته بالفرن واللي خطفته واللي يشرحونه ويبيعون اعضاؤه وغير وغير من الجرائم المتعدده


اما ان كانت ربة منزل كما يقال اكيد بتكون متفرغه فلماذا تطبخ الشغاله حتى نفس المراه اطيب بكثير من نفس الشغاله

وايضا لا يؤمن لهن من حيث النظافه

اقتباس نعم الغداء من المطعم الثياب عند المغسله الحلا من المحلات حتى الكيك

ان كان الغداء من المطعم لا وبعد الثياب عند المغسله هذا يكون احيانا مو دايم اجل وش دور الزوجه والشغاله ليه ماتغسل الغسيل
وش فائدتها اجل

اقتباس هل يجي يوم وتكون الشغالة هي الزوجة!!؟

طيب ليش يعني ينزل نفسه للشغاله ولا حتى يفكر مجرد تفكير فيها

اتسائل هنا مالقى الا الشغاله من جد اهانه وطعنة خيانه بالظهر


مشكور اخوي لطرحك المفيد

يعطيك العافية اخوي " عارف الخافي ..
مقدر اتكلم واتحدث عن هذا الموضوع , بختصار ماعندنا شغالة ولا عمرنا جبنا شغالة
ولله الحمد والمنة , لذلك لا استطيع ان افيد بهذا الشأن .!

ودي

/

بالنسبه لي انا بابا يعمل دكتور وماما معلمة حاسب الي ولديها صالون تجميل صغير تشتغل فيه مصففة شعر ومكياج .. الخ
ساعات طويله من العمل لكن بيحاولوا ينسقوا ويعطونا من وقتهم وبصراحه يتقاسمون الشغل بالبيت من تنظيف وطبخ والدروس سواء انا واخواتي تؤام بالصف الاول
يهتمون بنا احنا الثلاثه وبمدارسنا وشغل البيت وشغلهم واللي يكون تعبان الثاني يشيل عنه صحيح يتعبوا لكن بالتعاون بينهم يهون كثير من الامر ومافكرنا بيوم نجيب خادمه للبيت مع ان اهلي بيكونوا مشغولين كثير
انا اشوف لو الرجل يساعد زوجته بالعمل والاطفال مابيكون في حاجه اصلا للخادمه
اوقات ماما ترجع من العمل تعبانه لكن تحاول تخلص كل شي وتخلص شغلنا بعدين ترتاح وبابا نفس الحكايه يعني الحمدلله في تعاون من الطرفين بدون الحاجه لدخول فرد غريب بيننا
اما نظره الرجل للخادمه يعني ليش هيك لازم يكون في مقامات وانو يترفع بنفسه شوي ويعلي من قيمة نفسه ماتصل فيه لهذي الدرجه
بعدين من اللي حكم ان العمل بالبيت على الزوجه لوحدها وكمان لو قصرت شوي خلاص زاغت عينه
كل شخص لازم يصلح من نفسه
اشكرك عالموضوع

اقتباس المشاركة الأصلية كتبت بواسطة مستحيله [align=center] عارف تحياتي لك وخلينا صريحيين وبدون زعل دائما ضعاف اللنفوس هم الي ينزل نفسه لشغاله ياخي استحقر الرجل الي يناظر لشغالته حته لو كانت اجمل من زوجته وموضوعك صراحه ماخوذ خيره شي طبيعي ان الغدا الشغاله والكنس والاطفال الشغاله هي ليش جايه الا لهالشي وبعدين الرجل الي يبي يتشكى لا يجيبه من اساس فعلن الناس تفكر بصناعة الات وقنابل واختراع ادويه جديده وحنا تفكيرنا على شغالات وحريم تحياتي...... [/align]

موضوعي ماهو كتاب منزّل ؟؟
ويمكن بنظرك ماخوذ خيره .. كلن وتفكيره
(( رايك ونحترمه ))
اختنا الفاضله..
موضوعي يتكلم عن مشكله اجتماعيه واااقعه .. لاننكرها ولانتجاهلها؟ وليست بكل البيوت ولا كل الزوجات بهالطريقة ..
ولا انكر وجود الشغاله ؟
(( موضوعي يتكلم عن غياب دور اغلب الزوجات عن تحمل المسؤليه))

وقبل الاختراعات وصناعة الصواريخ والدبابات,, خلينا نعرف نتناقش ونتحاور باسلوب النقاش وبمعناه وبمفهومه؟؟..
واعتقد ان مافيه شي بالنقاش والحوار اسمه (( لااجيب العيد))

اقدر انفعالك .. واحترم رايك ووجهة نظرك .
لكن علينا ان نعرف ان النقاش لايفسد للود قضيه

اقتباس المشاركة الأصلية كتبت بواسطة عارف الخافي موضوعي ماهو كتاب منزّل ؟؟ ويمكن بنظرك ماخوذ خيره .. كلن وتفكيره (( رايك ونحترمه )) اختنا الفاضله.. موضوعي يتكلم عن مشكله اجتماعيه واااقعه .. لاننكرها ولانتجاهلها؟ وليست بكل البيوت ولا كل الزوجات بهالطريقة .. ولا انكر وجود الشغاله ؟ (( موضوعي يتكلم عن غياب دور اغلب الزوجات عن تحمل المسؤليه)) وقبل الاختراعات وصناعة الصواريخ والدبابات,, خلينا نعرف نتناقش ونتحاور باسلوب النقاش وبمعناه وبمفهومه؟؟.. واعتقد ان مافيه شي بالنقاش والحوار اسمه (( لااجيب العيد)) اقدر انفعالك .. واحترم رايك ووجهة نظرك . لكن علينا ان نعرف ان النقاش لايفسد للود قضيه

تحياتي من جديد نعم نتحاور بس كل انسان له طريقته بالكلام واعتقد اننا لانتكلم الفصحى في حياتنا وانا من يتقن الحوار ان شئت بالفصحى وان شئت بواقعنا انا وانت

انا لم اخرج عن مضمون الكلام انما اتكلم بشكل عام قد وضعت فروع لموضوعك واتسع المجال للحديث من قبل الاعضاء الباقون وهذا ينحسب لي انا كل ماهنالك انني انهيت النقاش قبل بدوئه بسؤالي

..لماذا تاتي ايها الرجل بمدبرة منزل وانت لاتريد

اذن الخطاء منك ايها الرجل فلا تجعلني شماعه ليــ اخطاءك

تحياتي اخي عارف فعلت ماتريد وارتقيت بحواري واجدت وشكرا لك لتفهمك شعوري في اول مشاركه لي فا أنا امراءه

عوافي مبدعنا عارف لاهنت على ها الطرح الواقعي

سيدي الفاضل أحد مشاكل المجتمع هن الخادمات أصبحت البيوت لا تخلوو من الخادمات لا ونشاهد ان الخادمه

اصبحت تقوم بأدوار من المفترض ان لا تقووم بها وأكبر دليل اخي ان البيوت اصبحت لا تستغني عن الخادمات كم وصل ايجارهن

في الفتره الماضيه من غير مبالغه وصل ال 6000 ريال

وماهي المشاكل التي حدثة بعد تسكير الأستقدام من اندونيسيا احصائيات كثيره تثبت ان البيوت غير قادره على الأستغناء عن الخادمات



هل يجي يوم وتكون الشغالة هي الزوجة!!؟

صيغة مبالغه في محلها سيدي مابقي الا هذا الشي ربك يزينها

لاهنت وجزيل الشكر

شاكر لكل من تفهم وفهم موضوعي وما يهدف له