توظيف النسآء في المحلات !

:

السلام عليكم ورحمة الله وبركآته ..
اآخباركم ان شاءالله بخير
وكيف الاستعداد للاختبارات >تبي تسد انفسهم
واللي حاب مساعده مني اومناك تروني فاضيه اعين واعاون


,


طبعا" انا كل مااروح للسوق ارجع مرتفع ضغطي ومنقهره > صحيح محدا يمي بس غصب
هلحين لما سسمحوآ للحريم انهم يتوظفوا في محلات الالبسه الخاصه بالنسساء ماصار بتنفيذ القرار
اي شيء ايجابي اشوفه ابدا" ابدا" !

اول شيء على اساس انه هالالبسه ماتاخذينها من البائع كونه رجل طيب ماهو في النهايه
انا بحاسب عند محاسب ويجلس ينفل الكيس لين كلن يشوفه ويسال طيب ماكان
البائع رجل بس المحاسبين رجال ( تيتي ماتيتي مثل مارحتي جيتي )
حياتنا كله كذا نشري منهم وكلهم هنود ماعمري شفت سعودي يشتغل في هالاماكن ماحسوآ ان الهنود رجال الا هلحين !

الشيء الثاني على اي اساس يسمحون للبنات يشتغلون في محلات مفتوحه وحواليها اليمنيه لوقت طويل
ولاوقات متآخره بالليل بالعطله السوق مايقفل الا وحده او ثنتين من اخر الليل
وبرمضان مايقفل الا 3 الفجر
كيف اخلي بنت تكون في محل مع العماله الاجنبيه طوال هالوقت !

انا انصدمت يوم دخلت وشفتهم مستحيل سعوديه تكون بجنب بائع يمني وتبيع طوال الوقت ليش !
لااحد يقول محتاجه المحتاج مايعرض نفسه لهيك موقف خصوصا" انها بنت !
اللي تشتري وتمشي بس ماسلمت من مواقف التحرش او اي شيء يجلس يسولف ساعه تبين كذا او كذا
كيف واقفه معاهم ويعرفونها وطوال الوقت هي عندهم ..


شيء يحز بالنفس !
واذا كانت محتاجه برغم من اني شايله هالافتراض من راسي ليش يحدونهم على هالشغله في هالاماكن
ليش مايكون في اماكن مغلقه مخصصه للنساء بس !

ليش نفذوا القرار بهالسرعه وبهالسهوله !
انا سالت اكثر من وحده من برى حايل كل اللي قالوا لي انهم مو مثلنا اللي اشتغلوا اشتغلوا في اماكن مغلقه ولحد
الان ماشافوا بنات اشتغلوا في اماكن مفتوحه !
ليش احنا ي حايل نخليهم يشتغلون هالشغله في اماكن مفتوحه كيف يآمنون على اهاليهم حول هالعماله اللي 1% مآتئمنهم !




نقاشكم على هالموضوع ..
هالقرار ايش الياته ليش اتنفذ بهالسهوله بهالسرعه اللي احسه اول قرار اتنفذ بسرعه
تؤيدون هالوظيفه في هالاماكن وهل هي آمنه بالنسبه للبنت وكونها محتاجه يشفع لها تشتغل كذا !( بنضرتي اللي شفته بعيوني
اليوم بالذات كانوا جالسين وسوالف وضحك يوم سالتهن وحده وين هالمقاس قالت لها وحده منهن معلقات عندك شوفيهن
يعني مااعتقد محتاجه وكذا تصرفاتهم !


القرار بيصبني بالمراره والله
وحرمت السوق عشان مااشوف وانقهر


,
> مامن ورد خلص كل موضوع اعطيكم ورد


.

وعليكم السلام

اللي اعرفه ان يكونوا النساء اللي موظفة في محلات بالاسواق
تكون هذه الاسواق مغلقة وليست مفتوحة والى الان لم اشاهد امراءة في سوق عام
وان حصل هذا بحائل مادري وين دور الهيئة عنهم ومنع هؤلاء النساء .. الافضل ان
تكون الحرمة تبيع باسواق مغلقة افضل من العامة يعني الحريم بينهم بين والله يعطيك العافية

^

للاسف هذا اللي سمعته يوم طرح القرار انه في اماكن امغلقه !
بس اتفاجئت يوم شفت اللي شفته !
وحتى المحلات معروفه يعني الكل يعرفها والكل يدخلها !

كلامك صحيح : (
الله يستر على الجمميع
ويعافيك ي هلابك وبتواجدك

,

مدري والله حوسه انا من حايل وماشفت حريم تشتغل
في برزان الا راعيات البسطات الا اذ قصدك بسماح معرفش
والشي الثاني الي متاكده منه انهم الان بدو بالمسات الاخيره بالمجمع
النسائي الي عند طلعة صديان واجار المحل 400 ريال شهري فقط للبنات
المستثمرات وطبعا مطاعم وكوفي شوب كله نسائي
اما اذ قصدك الامن فاانا اشوف عكس كلامك مافيها شي اذ توظفت البنت
بمحل مفتوح ومحافظه على قيمه واخلاقه بالعكس السوق مليان هيئه وناس
مايفضي ابد الحين برمضان تجمع هالحريم ماتطلع الا 3 الفجر يعني مافيه
خلوه ولا خوف وصدقيني الي ماشيه سيدا محد يتحرش فيها
ابي اذكر لك قصتي في برزان وللمعلوميه انا شجاعه وقياديه ولكن شكلي
يوحي الغير لو تبين تنفخين طرت هههه هذا الي طمع هندي فيني

مره من المرات رحت مع بنت خالتي لسوق ويوم اذن المغرب انا داخل
السوق كانو العسكر يطلعوننا تخبرين ممنوع وقت الصلاه نجلس داخل
السوق وانا وبنت خالتي جايين مسرعين نبي نطلع من الخوف جايين من عند
الجار الله يمار هاكالهندي يسكر محله اول ماشافني مقبله وقف وخلا باب المحل مفتوح
يوم مريت وهو يمسك يدي ويسحبن يبي يدخلن المحل وانا اصرخ ونادي مضاوي بنت خالتي
وهي ترجع اول ماشافه اتركن تقولين رحت لا طلعت فستاني الي معاي بالكيس
واخذت العلاق وضربته فيه وضرب على جيت العسكري واقوله الي صار وخذوه
وطلبو كفيله وحنا الحمدلله عدت على خير

ادري طولت لكن الذبده من القصه والله ياخيتي اذ مشيتي سيدا يحتار عدوك فيك
في اي مكان مو بس السوق

اقتباس مدري والله حوسه انا من حايل وماشفت حريم تشتغل في برزان الا راعيات البسطات الا اذ قصدك بسماح معرفش

لا اتكلم عن برزان وسالفة سماح شيء ثاني بالامن حقاتهن!
ي انتس مبطيه عن السوق ي انتس ماتجين هالمحلات
واختصر لك روحي للحسون وشوفي هذا اقرب محل تتآكدين منه

,

,

اقتباس والشي الثاني الي متاكده منه انهم الان بدو بالمسات الاخيره بالمجمع النسائي الي عند طلعة صديان واجار المحل 400 ريال شهري فقط للبنات المستثمرات وطبعا مطاعم وكوفي شوب كله نسائي

مو معقوله 400 ريال مستحيل ووين اجار محل بعد !
هذا خيمه ماتشرينها بهالمبلغ غير تآجرين محل وتستثمرين بهالمبلغ !

طيب انا ماشفته ولاسمعته بس دامهم يشتغلون على هالاماكن ليش
سمحوا لهن هلحين يشتغل في الاماكن المفتوحه ليش ماصبروآ !

,

اقتباس اما اذ قصدك الامن فاانا اشوف عكس كلامك مافيها شي اذ توظفت البنت بمحل مفتوح ومحافظه على قيمه واخلاقه بالعكس السوق مليان هيئه وناس مايفضي ابد الحين برمضان تجمع هالحريم ماتطلع الا 3 الفجر يعني مافيه خلوه ولا خوف وصدقيني الي ماشيه سيدا محد يتحرش فيها

يعني انتي تتقبلين تتوظفين هيك وظيفه في هيك اماكن
لاتقولين الناس مليانه عمرك جيتي السوق في اوقات المدارس !
عمرك جيتي السوق في اوقات الظهر بالعطله !
مااعتقد انا اكثر من مره انزل للسوق للمشاغل الساعه 12 الظهر ومافيه احد كل الناس اللي تنزل للمشاغل
والمحلات مفتوحه بس مافيها احد !

وسالفة الامن شفتهن بس بسماح وبرضوا نفس الشيء
احط الحطب عالنار واقول احتمال ماتشتعل اجيب البنت في هيك اماكن اقول متستره > طيب هي لابسه كتف
فاتحه نقابها عشان تشوف مو !
اسالي واذا شفتي اي منطقه غير حايل سمحتهم لهم او لا !
معي وحده امارتيه ناس كاشششفه ومتحرره شوي واعتقد الكل يعرف الامارات تكلمت معها بهالموضوع
تدرين شنو قالت !
( قالت صحيح نكشف صحيح نسوق صحيح نطلع لحالنا بس مستحيل تلقين بنت امارتيه متوظفه في السوق الحر اللي هو المفتوح
عندنا ) !
ماهي سالفة عيب سالفة حرص وغيره !


اوما سالفة امشي سيدا ويحتار عدوك فيه مو بهالزمن ابدا"
اعتقد فيه اكثر من سالفه وحتى كتبت هنا في المنتدى والاخبار عن محاولات اختتطاف لحريم كبار في السن
عن اطفال عن بنات متوسط مبزره يعني ذولي مو ماشيات سيدآ والا ايش !
يعني اللي يتحرشون في البنات في السوق كلهن مو ماشيات سيدآ !

اللي بقلبه شر وداخله ضعف ايمان بيسوي في اللي ماشيه سيدآ او غيرها !

,

اقتباس مره من المرات رحت مع بنت خالتي لسوق ويوم اذن المغرب انا داخل السوق كانو العسكر يطلعوننا تخبرين ممنوع وقت الصلاه نجلس داخل السوق وانا وبنت خالتي جايين مسرعين نبي نطلع من الخوف جايين من عند الجار الله يمار هاكالهندي يسكر محله اول ماشافني مقبله وقف وخلا باب المحل مفتوح يوم مريت وهو يمسك يدي ويسحبن يبي يدخلن المحل وانا اصرخ ونادي مضاوي بنت خالتي وهي ترجع اول ماشافه اتركن تقولين رحت لا طلعت فستاني الي معاي بالكيس واخذت العلاق وضربته فيه وضرب على جيت العسكري واقوله الي صار وخذوه وطلبو كفيله وحنا الحمدلله عدت على خير ادري طولت لكن الذبده من القصه والله ياخيتي اذ مشيتي سيدا يحتار عدوك فيك في اي مكان مو بس السوق

الحمدلله على السلامه ي جدي
وسالفتس ذي تؤكد كلامي يعني انتي ماكنتي ماشيه سيدآ كنتي متبرجه كان فيك شيء يوم يتعرض لك او لا !
معناته سواء محترمه او لا التعرض وارد وارد في كل الحالات !



,


وي هلابتس ي عيني وبتواجدتس ورائيتس
حياتس

,

وانتي ياهلابتس ابي ارد عليك من الاخير لحد البدايه
انا ماكنت متبرجه بالعكس السالفه هذي من ثمان
سنوات مو من الحين وكنت لابسه عباة راس واسلاميه
يمكن هو لعبه الشيطان وكان من حضي لكن الحمدلله
عدة على خير

اوما السوق ايوالله مبطيه عنه ما اطلع كثير لسوق
بحكم اني اذ سافرت اجيب ملابس سنه قدام
من اي مكان اسافر له وغير كذا قليله طلعاتي
ما اشقى بالبس خيتو
لكن الصدمه انك قلتي الحسون لا الحسون كله يمانيه
وصار عليه كثير شكاوي وقفل عدة مرات انا افتكرت
انهن نفس العجز كشكات خاصه لهن متى مابغن فتحنه
ومتى مابغن قفلنه

اما المجمع الي اقولك ايه 400 قيمة اجار المحل
شهري لان المجمع حكومي ويبون يخدمون بنات
الوطن على قولتهم واعلنو عنه من شهرين تقريبا
وكان التقديم بالغرفه التجاريه

وبنهايه عسى الله يصلح حال الامه لما فيه خير
ويثبتنا على ديننا هذا المهم وانا اشوفه قل في
قلوب الاوادم

تحياتي حوستي .....

اقتباس وانتي ياهلابتس ابي ارد عليك من الاخير لحد البدايه انا ماكنت متبرجه بالعكس السالفه هذي من ثمان سنوات مو من الحين وكنت لابسه عباة راس واسلاميه يمكن هو لعبه الشيطان وكان من حضي لكن الحمدلله عدة على خير

الله يسعدتس ي جدي ولاني شاكه في هالشيء
بس حبيت اوضح لك انه ماهو كل متستره مايتعرض لها بس

,

اقتباس لكن الصدمه انك قلتي الحسون لا الحسون كله يمانيه

شايفه كيف وش اللي خلاني اكتب هالموضوع واترفز الا انه كله يمنيه
ومثل ماقلتي صايره مشاكل كثيره عليه هالمحل بالذات وكثير نسمع سواليف صايره فيه
يعني تجي وتتوظف فيه بهالسهوله!
وغيره نفس الشيء ..
,

امين والجميع ي رب
الله يسعدتس ويخليتس

,

وعليكم السلام ورحمه الله وبركاته ..


حوسة مشآعر ..

اهلاَ وسهلاَ , والحقيقة ماقصروا الاخوان في الرد وكذلك حتى اسئلتك اللي من خلال
طرحححك الجميل كانت اسئلة في الصميم ورد بنفس الوقتُ على كل سؤال ..!! ف
على سبيل المثال " تاخر الموظفات إلى اخر الليل ووجود العمالة ووو إلخ .. هنا سؤال تم
الرد علية بوجود عمالة ربما يقومون بأذية هؤلاء النساء .

فعلاَ هي طلب معيشة ورزقهنَ ولكن بوسط هالخملق مايصير !! واستغرب الحقيقة ان الامر
بحايل ففي الرياض اللي هي الرياض اللي مجمعين اشكال والوان ماشفت بالاسواق العامـه
نساء يبعنَ اللي اعرفهُ بأسواق مُغلقة وهذا الاصل .. على ايام مر سنوات ماضية في حفرالباطن
في عقارية حفرالباطن الدور الثالث فقط للنساء ووجود حارس امن امام مصاعد الدور الثالث
جالسن على كرسية واللي يبع نساء ويشترن نساء وهذا الاصل والجميل بصراحه واتمنى تطبيق
الاسواق المغلقة او حتى بنفس السوق يكون هنآك نظام مثل نظام عقارية حفرالباطن الجميلة التي
لا طالم صُلتَ وجُلتَ بهآ مُقطعاَ السيول والوديآنَ من أجل الظفر بساندويتش شاورما ايام الشاورما
اشكرككك جزيل الشكر والتقدير والإمتنان على طرحكَ وياليت يشوفون المسؤولين والقائمين حل
لهذه الحالة من النساء حتى لا يتعرضن للأذئ ومن اجل البعد والإبتعاد عن الفتن والشبهاتُ .!

ودي

/

اقتباس وعليكم السلام ورحمه الله وبركاته .. حوسة مشآعر .. اهلاَ وسهلاَ , والحقيقة ماقصروا الاخوان في الرد وكذلك حتى اسئلتك اللي من خلال طرحححك الجميل كانت اسئلة في الصميم ورد بنفس الوقتُ على كل سؤال ..!! ف على سبيل المثال " تاخر الموظفات إلى اخر الليل ووجود العمالة ووو إلخ .. هنا سؤال تم الرد علية بوجود عمالة ربما يقومون بأذية هؤلاء النساء . فعلاَ هي طلب معيشة ورزقهنَ ولكن بوسط هالخملق مايصير !! واستغرب الحقيقة ان الامر بحايل ففي الرياض اللي هي الرياض اللي مجمعين اشكال والوان ماشفت بالاسواق العامـه نساء يبعنَ اللي اعرفهُ بأسواق مُغلقة وهذا الاصل .. على ايام مر سنوات ماضية في حفرالباطن في عقارية حفرالباطن الدور الثالث فقط للنساء ووجود حارس امن امام مصاعد الدور الثالث جالسن على كرسية واللي يبع نساء ويشترن نساء وهذا الاصل والجميل بصراحه واتمنى تطبيق الاسواق المغلقة او حتى بنفس السوق يكون هنآك نظام مثل نظام عقارية حفرالباطن الجميلة التي لا طالم صُلتَ وجُلتَ بهآ مُقطعاَ السيول والوديآنَ من أجل الظفر بساندويتش شاورما ايام الشاورما اشكرككك جزيل الشكر والتقدير والإمتنان على طرحكَ وياليت يشوفون المسؤولين والقائمين حل لهذه الحالة من النساء حتى لا يتعرضن للأذئ ومن اجل البعد والإبتعاد عن الفتن والشبهاتُ .! ودي /

صحيح انا يوم سالت مافيه اي منطقه سمحوا لهم غير حايل !
اي والله شيء حلو يكون لهم خاص ومغلق وهذا الشيء اللي استغربت منه اسرعوا في تنفيذ
القرار قبل لايرتبونه وعلى ايش بالضبط يعتمدون عليه !

( شاورمآ ايه ي قدمها الظاهر يبيعونها هلحين حبتين بريال من قدمها كخخخخخخخخخخخخخخخ )

ي هلابك ي بعدي وبتواجدك وتقييمك
يسعدك ربي على حظورك
ماقصرت

,

موضوع غاية في الروعه والأهميه ويستحق الطرح والنقاش ..

و أنا عن نفسي أكره ما أكرهه أني أشوف رجل يبيع في محل ملابس نسائيه سواء محل فساتين او مكياج وعطورات وملابس وغيره ..
المفروض أن توظيف النساء في المحلات يكون على جميع المحلات النسائيه و لا يكون حكر على الملابس الداخليه فقط .. بالإضافه إلى أن يكون السوق للنساء فقط وهذا أفضل .. و المفروض بعد أنو يكون المحل كله عماله نسائيه ومايكون المحاسب رجال لأنو بهيك كأنك يا ابو زيد ما غزيت ..
القرار إرتجالي وعلى عُجاله وهذا ما أدى إلى الخلل الواضح في تنفيذ هالقرار .. أرجو إعادة النظر في هذا القرار لإصلاح ما يمكن إصلاحه ..


شكراً لك حوسة مشاعر على هالطرح الراقي والله يعطيك الف الف عافيه ..

ياهلا بالمبدعه حووسه

بصراحه انا استغرب الشي الي شفتيه وذكررتيه هذه خطوه تعتبر سلبيه جداً

عندما ذكر القرار اعتقدنا انه بيكون سوق خاص نسائي ميه بالميييه بس على ماذكرتي ماينفعش وقلنا نبي نفتك من ها اليمانيه وسواليفهم

ولكن شكل السالفه مطوووله وقراراة غير لاائقه واتمنى اعادة النظر بها

قواك الله وسلم حالك