كم هيا مؤلمه اكثر من انها مفرحه <المقالب>

السلام عليكم ورحمة الله وبركاته
مسآآآآآآآكم\ صبآآآآآآحكم ورد والجوري وفل وياسمين وكل حاجه حلوة بالدنيا

مني عارفه كيف ادخل بالموضوع او كيف انمق العبارات

بس حابه اتكلم عن موضوع قبل فتره سمعته بالراديو كانو يتكلمو عنو

المقالب او المزح كما يزعمو بتسميته

هنالك اناس يضنون انفسهم بانهم اصحاب دم خفيف من جراء المقالب التي يصنعونها
وهم بالعكس تماماً من ذلك
حيث انهم يصنعون مقلباً ربما يكلفهم حياة اشخاص اخرين وياتي بعد ذلك الندم والتحسر

ربما يصنعون مقلباً من جراء هذا المقلب الشخص الذي صنع به المقلب يموت من جراء الفجعة
وربما يذهب عقله من جراء هذا المقلب الذي بالزعم منهم بانه مزاح
ولكن ماذا ينفعهم بعد ان فقدو صديقهم لقدر الله
او ذهاب عقل صديقهم لقدر الله
ذكر مقلب }ْ~
هنالك صدقاء كانو طالعين طلعه بالبر وكان واحد من اصحابهم ماجاء معاهم قال اخلص شغلي والحقكم اصحابه قالو نبغى نسوي فيه مقلب على بال هوه مايجي حفرو حفره وخلو واحد من اصحابهم ينام فيها كانو قبر طبعاً الا راسه طالع وغطوه بجاكيت او شي زي كذا
المهم لما جاء صديقهم جلسو تقهوو وتعشو عاد حسو بالبرد قالو لصاحبهم شوف هناك فيه جكيت جيبه نتغطاء فيه لما رفع الجاكيت شاف صديقه هوه يحسبه مات فمن الفجعه صابته هستريا صار يجري بالبر وهم اصحابه يضحكون يبغو يمسكونه عشان يقولون له انو مقلب ماقدرو ميسكونه غير ركبو السياراتهم ويمشون وراه وحاوطوه بالسيارات ومسكوه لما مسكوه قديهم ضيعو المكان لي كانو نازلين فيه طبعاً الشخص الي بالحفره رجعو يدورون عليه وبلغو الشرطه عشان يلقونه طبعاً لقيوه بعد فوات الاوان قيد صاحبهم مات خلاص لقيو الجثه باديه تتحلل
عن جد مقلب اليم ولا يعرفون يسوون مقالب

كثيره هيه تساولاتي ولكن لااعرف كيف اصيغها فاعذروني على ردائة الصياغة !
هل انتَ \انتِ تحب ان تصنع المقالب بين اصحابك ؟
وهل تحب ان يصنع بك احدهم مقلب ؟!
كم مره صنعت مقلب سبب الحزن لشخص الذي صنعت به المقلب ؟!
اذكر\ اذكري لنا مقلب كنت تريده مفرح وصبح محزن لقدرالله ؟
واذكر لنا مقلب صنعه احد اصحابك بك ؟
هل تفكر بردة فعل صاحبك قبل قيامك بالمقلب ؟
كم شخص ساويت فيه مقلب وزعل منك ؟

انا ضد المقالب المبالغ فيه فيه مقالب لحظيه فكاهيه تفرح الحضور وتكون بينهم اما اني استحضر لها واعد لها العده من اجل افراح مجموعه وقد تكون بمثابه الهلاك للاخر لن ولن اقبلها مهما كانت الفكره

انا اتذكر اننا في يوم من الايام طلعنا في البر وكان العدد ثلاثة عشر شاباً وكان بيننا شاب يحب المقالب المهم كنا نتحدث عن الجن والعياذ با الله استغل الشخص هذا خوفنا وتسلق الجبل ووضع مسجل معد له مسبقا ووضع ربع ساعه من الشريط فاضي وشغل الشريط واثنا نزوله والاستماع معنا سمعنا اصوات وقربعه وصوت اشخاص مرعب واطفال وصحون تطيح شي مرعب الاغلب خاف وصار البعض منا يقرا اية الكرسي وغيرها وماكان منا الا ان ركب بعضنا السياره وسابق الريح حتى البعض منا كان بيتسبب بحادث دهس لاحد الاخوان وفي اثنا ذلك ضحك الشاب ومعه كم واحد من الي خططو للمقلب وصار ينادونا يافلان ياناس وتصفير تعالو كنا نمزح معكم انا حقيقه رجعت مع البقيه وبعدها رحلت الي الابد كان بتصير تعاسه بدل ماهي افراح حتى ان احد اصحابه لو لم نمسكه كان بيضرب المتسبب في المقلب الان اننا تداركنا الوضع وكلا ركب سيارته ونتهت الطلعه في سخط وسب وشتم بعد ان كنا نعد لها العده والوليمه والحلويات

اما من ناحيت المقلب لم اقم في اي منها ابدا لاني عارف ردودها العكسيه علينا

اشكرك على الموضوع اختى حلا

شكرا لك على الموضوع

بصراحه ماحب المقالب ............ يقطع قلبك وبعدين يقول امزح

بصراحة انا ازعل ويمكن افقع وجهه

من جد غريب الاحساس انت رائع
ربي يكثر من امثالك

جنون الشوووق اطلاله مميزه الله يعافيك

حلا
الله يعطيك الف عافيه على هالطرح ..

انا مااحب المقالب ,, ولا عمري ساويت لأحد مقلب .

هلا فيك ملامح غلاتي
عفيه عليك يا الشطوره ..... بالله ما استانستي من كلمة شطوره...هههه

لآبأس بالمقالب الخفيفه والمضحكه بس مب لهالدرجه عاد من مقالب!!
لأنه مثل ماقلتي من الممكن تروح حياة شخص بسبب مقلب

هذا مقلب حصل لنا من فترة ليست ببعيدة
خالي وربعه كانوا طالعين طلعه شباب ,, وهم من محبين السرعه والتحديات وكانوا ف منطقة يتسابقون انتهئ السباق واستأذن منهم بيرجع للبيت
واحد من الشباب حب يسوي مقلب ارسل مسج ببلاك العلوم "البلايك بيري" أنه فلان كان يتسابق وسواء حادث ومات << طبعا يقصد خالي وهذا الكلام المساء
وانتشر البرودكاست ع الجميع ووصل لجدتي الخبر ,, اللي ستر ع الموضوع انه وقت ماوصل الخبر لجدتي من حرمه اتصلت عليها كان هو جالس عدالها يتريق وبيروح للدوام
ف دوامه انزعج المسؤول من الموضوع وقاله ارجع البيت لأهلك حتى يطمنون عليك الناس تتصل وتسأل عنك.. ومحد راضي يقتنع انه هذا خبر كذب وكان مقلب!!
حرمه صاحبه ضغط وسكر ولو ماكان عندها موجود شو راح يصير فيها!!؟
هذي مو مقالب هذي ثقالة دم وسخاافة وأصحابها يالهم ضرب

وانتي الصادق روووح
من جد سخيفين
الف شكر لتعطيرك متصفحي

يعطيك العافية ..
اولاَ القصة ربما مبالغ فيها .. الحين لا دفنت واحد وما طلعت إلا راسة ما راح يصبر عشر دقايق
هذا خويهم جاهم وتقهوى وتعشا ماشاء الله , وبالأخير روح جيب الجاكيتَ اللي دافنينه على هالوقت
ههذآ كله بيفطس .. بتتصلب الشرايين والدم يتوقف وماييضخ للقلب ويموتُ !! السالفة بها تنسيم شويَ
والمزح جميل في حدود المعقول ,, ما احب امزح مع أحد أبداَ إلا في الكلام فقطط من باب المزح .. لكن أحد
يمزح معي بأي شكل من الأشكال عادي جداَ .. لأن ردة الفعل بتكون مُسايسة لفعلته لا اكثر ولا اقل .

موفقة يابعدي

يا ملا العافيه ياشيخ
مشكور نورت متصفحي