حزين ياملح البحر / صاحبك ... ليه ؟
.............ماشلت منّه ( بعض منّه ) .. دخيلك !
يرمي بـ حضنك ذكرياته .... وترميه !
............. ماكنه اللي كان دايم ...... يشيلك !!
كم كان يرسم في عيونك .. موانيه !!
............. وكم من مواني في عيونه ..تسيلك !
كم ليل صحّى مع جنابك ... طواريه !!
.............و كم جرح خاوى ..هفـهفاتك وليلك !!
كم من ( عهد ) خطّه ترابك وتمحيه !
.............وكم من نهاية كانت أشهى حصيلك !
كم كانت آماله تنافس .... خطاويه !!
............. وكم كان يتعب من أسى ويحبي لك !!
وهذا الخفوق اللي انا مبتلش فيه !!
............. باقي خليلك !؟ وإلا ماهو ... خليلك !!
خله معك ماعدت أنا اطيق ... طاريه !!
............. وإلا اذبحه من شان .. يكمل جميلك !!
حزين ياملح البحر / صاحبك .... ليه !!؟
............. ماشلت منّه ( كل كله ) .... دخيلك !!؟
واجهلي ماصار في هذا البحر !!
عاشق أغبي مايكون افـ هالزمان ..
حبّه له طفله
تغيظ النور ..
والبللور ..
حتى الزعفران !!
سالفة قد ٍ يسافر بالرياح !!
سالفة خد ٍ قطف منها / الـ صباح ..
وهذا كله غير .........( سالفة النحر ) !!
ذاقها مره وحسّت بالأمان !
ذاقها مّره ..
نساها ..
وانتحر ....!!!
كانت القمرا هِنا .. وأنتي هِنا !!
.......... وكانت الدمعة تجي .. كل ماتجين !!
مو سؤال إن قلت حنّا ... أيّنا !
.......... وايّنا حنّا !؟ ؟.. وحنّا ... من حنين !
قولي إن الضي هذا .... مننّا !!
.......... وإننّا عشّاق ... يا . سود السنين !!
وهذا الخفوق اللي انا مبتلش فيه !!
............. باقي خليلك !؟ وإلا ماهو ... خليلك !!
خله معك ماعدت أنا اطيق ... طاريه !!
............. وإلا اذبحه من شان .. يكمل جميلك !!
حزين ياملح البحر / صاحبك .... ليه !!؟
............. ماشلت منّه ( كل كله ) .... دخيلك !!؟
تسلم يدك
اخو ي قاطف الورد
مساحات هنا لاتنتهي من نبضك
تعبير الحب والفراق والبعد وتسال الغايب
نص باذخ بالابداع
إنتقاء في قمة الروووعة
لم ارى حرفا يتلحفه البياض ويتنفسه الخلود كحرفك
رائــعــه بـــروعـــة حــضــورك
العضو الأكثر نشاطاً هذا اليوم 
العرض العادي
