عيون جود

عيون جود اللي تفيض المدامع = مع كلّ ذكرى تبتسم بين الآمال
أضحك ولو ماني مع الناس سامع = لي سجّة ٍ وسط الهواجيس تحتال
ما غابت الذكرى ولا فيك طامع = مير المحبّه في حشا القلب تختال
أرخصت لك منتج جزيل الصوامع = وعين القصايد في حضورك تهمّال
شفت الغيوم اللي بروقه تلامع = سامرتها والليل ضيّق بنا البال
لا سجّ خاطر بالمسافات رامع = ذبلت عيوني من مداميع تنسال
ما للفرح بالوجه رسم ٍ يجامع = لو ضحكتي علّت شواهيق وأميال
على ظلال الوقت صفحة تشامع = علّقتها لجل إتّناقل بالأجيال
ميّلت راس ٍ ما لغيره تخامع = ولبّيه من قبل المطاليب تنقال
يا وقت علّم بالفضا كان سامع = قلّه حبيبي مسكنه بين الأقفال

وسلامتكم أخوكم / طلال الشمري
تعليقاتكم ونقدكم شرف لي ..


واعذرونا على القصور والانقطاعات اللي قاعده تصير
وان شاء الله نكون عند حسن ظنكم ..

طلال
قصيده رائعه

حي هالحضور الجزل وراعيه
صح لسانك وتسلم يمينك

جملتنا الله يجمل حالك

صح لسانك رائعه وهطول ماطر حد الارتــــواء ... نترقب جديدك

ابيات راائعه
صح لسانك شاعرنا
والله يعطيك الف عافيه .

صح لسانك وتسلم يمينك

صح لساااانك طلال
من طول الغيبااات جاب الغنايم
عاد جبت لنا هالدره
جعلك سالم
تقديري لك

صح لسانك على الجزاله
كلمات سامية ورائعه المعنى والتصوير
ابدعت والله يعطيك الف عافيه
اخوي طلال
تحياتي ..

صح لسانك شاعرنا طلال الشمري
قصيدة رائعه امتعتنا بها
سلمت يمينك
ساره