ليت العتب في وجه الأيّام../ ينْفع
ماكان عشت بغيبتك صمت الأيّام
-
تسْري.بي اصوات الحزن فيك وارجع
مثل الصدى من صوت الاحزان قـدّام !
-
لا ليلةٍ تُوحي ، ولا صبْح يسمع
كِن الأمل فيني تِكسّر.. ولا قام !
-
أنثر وجع عيني والاقدار ( تزرع
نفس الوجع) أللي نثرته قبل عام !
-
ياسيّد جروح الهوى |ردْ| واجْمع
بضلوع من حبّك عصافير الاحلام
-
ودّي بشوفك جوع الاهداب يشْبع..
واسْمع عقب عينك.. هلاهيل الأيّام
تعبت أقول لــ ضيقتي سهود ومهود
إلى متى هــ العذر بيكون عذري
البارحه يوم اكثر العالم رقود
عادت عليّ اللي تجي منين مدري
الضيقه اللي كل ما راحت تعود
مكانها ما بين قلبي وصدري
ناس تنام مدهنه في دهن عود
وناس تنام مدهنه بزيت مقري
،
العضو الأكثر نشاطاً هذا اليوم 
العرض العادي
