لا تحاتي ... قلبي مِتعَوِّد يشيل :

قول عادي .. بالي الليله طويل ..
شُوف لِك عذرٍ قديمٍ / وأقبِلَهـ !!

لا تحاتي ...
قلبي مِتعَوِّد يشيل :

( الجُروح ) اللي تجي له مُقبِلَهـ

" طيبتي " صارت مثل ( كف البخيل )
أيِّ شَي طايح .. تِشُوفـه ؟ تحمِلَهـ

و " عزِّتي " تقدر تِسَمِّيها : النخيل
لأني شامِخ .. والعواصف قاتِلَهـ
وعادي جداً .. إنِّي الليله (عليل ) ..
الحزن :: يحْسِبني واحد مِنْ هَلَهـ !!

ومو غريبه .. لو تِمَنِّيت الرحيل
البقاء أحيان , يعني .. البهذلَهـ !!

في غيابك .. ما لَهَا الضيقه مثيل ..!
وربِّي اللِّي .. ما يشاءه , يفعلَهـ

مِنْ يلاقي لـ دنيتي هذي بديل ..؟
خل يجيني أي شخص .. أبَدِّلَهــ

وعيب راسي لا بغى شي " مستحيل "
يوصله مو طيب .. غصبٍ يوصلَهـ

ليه راجع ؟!
ليه ذاكر ..؟
يـ الأصيل ..؟؟
إنت ضايق .. ؟!
في خطأ بالمسألَهـ !!

وليه تبكي مِنْ كلامي يـ الدخيل ..؟
المشاعر .. ما لَهَا بقلبك صِلَهـ ؟!

و( البلا ) .. إن حَبْ رجالٍ " ثقيل "
ينسى مِن حُوله ويسْمَع ( مُذهلَه ) !!

مِن عرفتك .. ما بقى بـ اليَد .. حيل
ولو بكيفي ..؟ [ قلبي ] محدٍ يدخلَهـ

ومِن عرفتِك .. حظِّي العاثر يميل ..
أعترف لِكْ إنِّي ( عاجز ) أعدِلَهـ !!

فاقد الإحساس / ما يعطي القليل
وإن عطيته إحساس قلبك ؟ يقتِلَهــ !!

إيه بـ أرحل والطريق أدري .. طويل ..
مشكلهـ " قربك " .. وبُعدِك مشكلَهـ ..

وإن خذاني المُوت إترك قال وقيل ..
قول هـ الجُمله .. وخطاك محلِّلَه :

[ ربِّي إلهَم أهلهـ الصَبر الجَميل
وإرحمـه يا رب وإحسِن مدخلَه ]

الموضوع الأصلي: لا تحاتي ... قلبي مِتعَوِّد يشيل : || الكاتب: الغند || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

مَ أجمل هذا الإنتقآء الآسر
نقية أنتِ وإختيارك
شكراً كثيراً ي كريمة
محبتي

اقتباس المشاركة الأصلية كتبت بواسطة رواء الروح مَ أجمل هذا الإنتقآء الآسر نقية أنتِ وإختيارك شكراً كثيراً ي كريمة محبتي

سلم لي هالمرور العذب كأنتي ياروااااء
وارويتيني من حروفه الجميله

أنتقآء عذب
سلمت الذآئقه المترفه ,,

الله الله يالعنود اختيار
رااائع
كروعتك الله يسعدك ويرعاك

اقتباس المشاركة الأصلية كتبت بواسطة على النيه أنتقآء عذب سلمت الذآئقه المترفه ,,

يامراااحب
وياهلا بتواجدك المستمر والمتاابعه المتميزه

شكرا لك

اقتباس المشاركة الأصلية كتبت بواسطة برق البروق الله الله يالعنود اختيار رااائع كروعتك الله يسعدك ويرعاك

يامراااحب
وياهلا بتواجدك المستمر والمتاابعه المتميزه

شكرا لك

ذائقه عذبه كَ عادتك
يسلّم قلبك يّ جميله
ماننحرم يّ حق
~

اقتباس المشاركة الأصلية كتبت بواسطة وتم بعيد ذائقه عذبه كَ عادتك يسلّم قلبك يّ جميله ماننحرم يّ حق ~

يامراااحب
وياهلا بتواجدك المستمر والمتاابعه المتميزه

شكرا لك