البرمن بعد المطر زان جوّه

[poem=font="simplified arabic,7,black,bold,normal" bkcolor="white" bkimage="" border="solid,8,black" type=2 line=0 align=center use=ex num="0,black""]
‏البر من بعد المطر زان جوّه=وقامت فيافي نجد عقب الرقودي

والارض من فيض السحايب تروّه=وتجملت ريضانها با الورودي

تزينت وابدت محاسن نموّه=وتعطرت وارخت فليل الجعودي

توه صفا ذعذاع الارياح توّه=وفاحت روايح عشبها بالورودي

وين انت ياللي فيك للبر خوّه=ولم فراشك ياعريب الجدودي

جهز متاع البر والفرش طوّه=نبي الفياض اللي شمال النفودي

نزّل دلالك واشقر الكيف سوّه=في حاجرٍ فيه النفل له فنودي

في فيضةٍ من رايح الوبل توّه=سيله من الوابل تعدى الحدودي

نشم ذعذاع الهوى في صفوّه=عقب السحاب اللي يغيث الكبوْدي

سحبٍ رعوده بالدجى يوم دوّه=يصحي بها اللي غارقٍ بالرقودي
[/poem]

مشعل عسام الغافل التريباني الشمري في 1442/4/16 هجري

الموضوع الأصلي: البرمن بعد المطر زان جوّه || الكاتب: مشعل التريباني || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

توه صفا ذعذاع الارياح توّه
وفاحت روايح عشبها بالورودي
شاعرناا القدير/ مشعل التريباني .... تسلم وصح الله لساانك ولاهنت
شكرا لك ..

ي الف مراحب
ب شاعرنا القدير مشعل التريباني
صح لسانك
ابيات جميله جزله روعه
تتذوقها الشهد
روعه وانيقه
يعطيك الف عافيه
تحياتي لك

هلابك يابوعبدالرحمن وصح لسانك ملاااايييين وبيض الله وجهك
وصف رااائع للأجواء الربيعية التي تلي الأمطار
أسأل الله تعالى أن يجعله صيباً نافعاً للبلاد والعباد.

تم التنســـيق

صح لسااانك للنص الجزل والوصف الرائع
سلمت شاعرنا القدير وعساك على القوة

اخواني
واخواتي
شكرالكم جميعا على تفاعلكم الله لايهينكم جميعا

شاعرنا القدير والكبير مشعل صح لسانك
ابيات جميلة نالت الاستحسان

صح بدنك اخوي مشرف قسم الاميرطلال
شاكر ومقدر لك ولجميع من تابعني

ابيات جميله بَ جمال حضورك يّ عذب
يسلّم قلبك شاعرنا المميز
الهي يسعدك وَ يديمك

صح لسانك ابو عبدالرحمن

صح لسانك ابيات جميله شكرا

صح السانك وسلم بوحك وفكرك ووجدانك


ابيات عذبه وراااائعه


من شاعر جزل ومبدع

اخواني الافاضل
اخواتي الفاضلات
صحت ابدانكم جميعا شكراللحميع على المتابعه والاطرى

صح لسانك وبوحك
قصيدة جدا جميلة
سلمت ولا ندمت

صح بدنكي
لاهنتي اختي نسمات