سجل دخولك المنتدى ببيت شعر

.

عسىٰ مقابيل الِليالي تِباشير
‏عِلمٍ يِســر الخــاطر ولا يضـره

مايسهر الليل واحد خاطره " طيب "
الا الذي خاطره من الضيق " مجروحة "

.

بعض القُلوب إحساسها يشبه الورد
‏تِزهر لقـــــا وإن مرّها البُعد تذبل ..!

حتى لو احلامي ورى الشمس..مافيه
مثلي على وجه البسيطه ، ( بسيطة )

‏اللي معدنه طيب ما تغيره الظروف
‏والكفو يبقى كفو لو الزمن هد حيله

مسكين...من صد وبكى ..
كلن درابه ...إلا أحبابه ...

‏آخر أنفاس الصّبر نصراً مُبين
‏ما بعد ضيق الدُّروب إلا السّعة

لاتشتكي للناس مهما تألمت
الناس ماتدري عن القلب وش فيه

حفظت درس من الزمان وتعلمت
محد يحس بالجرح غير راعيه

‏يا عازف العـود لا تقسى على أوتـاره
‏ارفـق بـحـال الجـريـح وقـدر شعـوره

ماهو همنا وش قال سقراط وافلاطون
نحفظ الكتاب ونحفظ اقوال ماثوره