مفاخر وامجاد ال عريعر زعماء قبيلة بني خالد (هبس)

مفاخر وامجاد ال عـريـعـر زعماء قبيلة بني خالد(هبس)




يا موقدين النار فالبـرد والصيـف=النـار شبوهـا وزيـدو حطبهـا
صفو عليهـا دلال شرابـة الكيـف=يطرب لها ياسعود منهـو شربهـا
وسوالفن ماهيب كذبـن وتزييـف=علوم الشيوخ اللي رفيعن حسبهـا
حكام هجر ونجد للشـام وطريـف=هم العريعـر راس خالـد نسبهـا
في نجد شاخو وافنو الترك بالسيف=واركو على العدوان حامي عطبهـا
حتى الحباري حيفو بيضها حيـف=ياويل من سيف العريعـر حربهـا
اهل الشجاعه والكرم والتواصيـف=تشهد لهم كل العجم مـع عربهـا
الى اعتلو قب المهـار المزاغيـف=مثل الصواعق يوم ترمـي لهبهـا
كم هجمتن خلـو بددهـا تناتيـف=بسيوفن يشيل الجماجـم غضبهـا
يقدولهم نمـرن تـدق المشاريـف=اهل العـزاوي ليتوالـت اسربهـا
دقلات هبس اهل السيوف المراهيف=صفقاتهم تخلـف سريعـن ندبهـا
اجيوشهم دايم اغـزاة و مناكيـف=ترهب اعداها لين تكسـب طلبهـا
حمّايـة ديـار النخيـل المهاديـف=ومراتـع اذوادن تبـاري جنبـهـا
الصلب والصمان لصار بـه ريـف=من قو هيبة هبس محـدن قربهـا
تلقى لهم فيها نـزول وطواريـف=واللي سمحله شيخ هبس وحسبهـا
وهاك النفوداللي عروقه مراديـف=يبون مشتاهـم غطايـس خببهـا
كبار البيوت البينـات الغطاريـف=وساع الربـاع مرفعاتـن قطبهـا
اهل السموت الطيبه والتصاريـف=الطيبيـن اللـي تهـدي صعبهـا
شوكة بني خالد ذرا الجار والضيف=سيف الله المسلـول خالـد جذبهـا
وصلاة ربي عد نبـت الشفاشيـف=على شفيع الخلـق حّـزة كربهـا


شـــعـــر
سـطـام بـن عـبـدالـلـه الـعـريـعـر


والله وستين نعم يالخوالد اشهر من نار على علم

عشوق

الموضوع الأصلي: مفاخر وامجاد ال عريعر زعماء قبيلة بني خالد (هبس) || الكاتب: عشوق || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

اهل الشجاعه والكرم والتواصيـف=تشهد لهم كل العجم مـع عربهـا
الى اعتلو قب المهـار المزاغيـف=مثل الصواعق يوم ترمـي لهبهـا

ونعمين فيهم
والله
وصح لسان الشاعر
سـطـام بـن عـبـدالـلـه الـعـريـعـر
له حق يفتخر بقبيلته

شكريات لك عاشق

الله يسلم قلبك عويشق على الموضوع الرائع..

تقبل مروري ..
بقايا حلم..

الغــلا عـــشوق


صح الله لساااان الشاعر ولساااااانك


ولاهنت يابعدي على القصيده بيض الله وجهك فديتك


وماعليك زود طال عمرك


وهذي من عوايدكم يالطنايااا

وصدق شاعركم يوم قال

حنا مثل البشر لكن طنايااا
حنا مثل البشر لكن سناعيس



لك مني كل الود والغلا والتقدير


دمت بسعد لاينتهي


اخوووك

سرحان

الف الف شكــر على هالردود المفرحه

كلن باسمه عاافاكم ربي يالغاااااالـــين

شكرا لكم على القسم التراثي

كم هجمتن خلـو بددهـا تناتيـف=بسيوفن يشيل الجماجـم غضبهـا
يقدولهم نمـرن تـدق المشاريـف=اهل العـزاوي ليتوالـت اسربهـا

صح لسانه الشاعر
وكل بقبيلته يفتخر
ونعمين فيهم
والحق يقال

تسلم يالغلا عشـــــــوق لاهنت يابعدي

اخوك
الساري

صح لسانه ماقصرت ياعاشق ربي يسعدك

ام هزاع

الله يعاافيكم وماقصرتوا على طلتكم

اجيوشهم دايم اغـزاة و مناكيـف=ترهب اعداها لين تكسـب طلبهـا
حمّايـة ديـار النخيـل المهاديـف=ومراتـع اذوادن تبـاري جنبـهـا


اخي عشوق

كل الشكر لك على نقل هذه الابيات

الرائعه

صح لسان سـطـام بـن عـبـدالـلـه الـعـريـعـر

عشوق

تسلم على نقل القصيده الرائعه
وربي يعطيك العافيه

وردة العين

اجوديه

ورده العيــن

الف شكر على مروركم الرايــق