ملحمة الدواسر للشاعر سفر

بسم الله الرحمن الرحيم
السلام عليكم ورحمه الله وبركاته
أما بعد أخواني أخواتي الأعضاء هذه قصيده قالها الشاعر :- سفر بن علي بن منيف آل بريك الدوسري في قبيلتنا بعدما حصلت له مضايقه وكلام ما ينقال في قبيلتنا من زملاءه في العمل
فقال هذه القصيده ردعاً لأمثال هؤلاء وهو يذكر بعض أفعال قبيلته

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=1 align=center use=sp num="0,black"]

يالله ياللي ما أغلق الباب دون المستجـاب = يا كريمـاً كـل الأمـه جميعـاً تسألـه
طالبك غفران ذنبـي وتخفيـف العـذاب = والثبات لعبـدك اللـي حفيظـه يسألـه
لا بغيت أقول قأولي على حسنـاً و آداب = والكـلام الخجـل هـذاك مانـي قايلـه
عقب ذا بطلت للمستمـع تسعيـن بـاب = شي عنـدي لـه جوابـاً وشـي أجهلـه
أنت يالسايـل تنبـى وياتيـك الجـواب = سمي الوادي علينـا وحـن ترثـة أهلـه
حنا أهل العادات لا جات حزات الصعاب = الزبيـن أنزبـنـه والقصـيـر نــدلله
أنشد بن مطرف يـوم ريّـب واستـراب = وعلم اللي جاهـلاً فـي بقايـا المسألـه
وش عند وسيم وأن حرمت زين الخضاب = تلعن الحرب المسمى علـى سبـة أهلـه
حن رسينا في وطنا كما ترس الهضـاب= ما يزعزعنـا النـذر والحكـا والدهولـه
لا ركبنا فوق قحص الرمك والحض طاب = نعجب اللي فوق عـوج الحنايـا مذهلـه
منا أهل عشر الركايب مناجيب النجـاب = وردوها كل صبيـاً يبـي سمعـة أهلـه
ووقفت أبن حفيظ عند الركايب في صواب = فرزن الربع القليـل بفعـلً مـا أجملـه
والغيثي وقفته تجعـل الشايـب شبـاب= لحقوا الظفران والجيش عيووا بـه أهلـه
من عيال صهيب نعماً ليـا رد الجـواب = مروية حـدب الهنـادي بعلـه ونهلـه
وألاد سالم محزم المحتزم ربعاً حضـاب= كل علماً زين منهم وحيـث أنهـم أهلـه
ولا أعتزينا المسعريه نجري من يهـاب = كـم عـدواً لا تبيّـن نحـانـا ندقـلـه
وكم شباباً من سبب حربنا والرآس شاب =خص به لا جا لحـس الثميـدي زلزلـه
وحن عيال العود جرياً اليا أصطك الحجاب = أنشـد التاريـخ منـا وينبيـك بهـلـه
ألاد أبو عبدلً لا جا الزهم عند الركـاب= غطرفت من زين الأفعـال كـل مـدلله
حن مصالية الحرايب وولـد الآش هـاب= والنمش تبغـي يمانـي رجـالاً تصقلـه
شارع بن قويد خاض المنايا مـا يهـاب = تعرفه حـدب الهنـادي وبـره وسهلـه
والقضيع مبارك جاره الله مـن العـذاب = جعله الله فـي جنـان الخلـود بمنزلـه
منوة المضيوم لا صك نابـاً رآس نـاب = يمتني خالـي أليـا صـار كـلاً هملـه
عقب ذا صلاة ربي عدد منش السحـاب= عد ما هلت مزونـه ومـا هـل هملـه [/poem]

وسلامتكم يالنشاما
أوفي حق قبيلتي العزيزه وسلامتكم يا طويلين العمار

الموضوع الأصلي: ملحمة الدواسر للشاعر سفر || الكاتب: هادي الدوسري || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

ونعم بالدواسر والله
وصح لسااان الشاعر سفر الدوسري

هادي الدوسري

تسلم على القصيده الرائعه
وربي يعطيك العافيه

لاتحرمنا من جديدك

وردة العين

ياعلك تسلمي
وما عليك زود يالورده العزيزه
يطوول عمرك

والله ونعم يابعدي

وافــي بابعد حيي وهذا الواجب يالغااالي

صح لساان الشاعر وابدع في القصيده

لاهنت يالغلاا

وحيااك الله بمنتدى بعد حيي

شرفــت وهذاا محلك يالغاالي

تقديري لكـ

عشوق

والنعم بك يالنشمي وبكل الدواسر

ونعمين والف نعم
فيكم

صح لسان الشاعر المعروف

والنعم بدواسرنا ياولد عمي ههههههه

هادي الدوسري الله يسعد قلبك على القصيدة..

تقبل مروري ..
بقايا حلم..

النعم والله فيكم يالاجواد
الله يسعدلي اياامكم بالخير والمسراات
سعيد جدا بهذا الحضور
الف شكرا لكم جميعا
اخوكم
هادي

هلا وغلا الدوسري
مشكور على القصيده التي يستحقونها الدواسر الكواسر
لاهنت يابعدي
وانا من متابعين لهذا الشاعر
وأتمنى أن نرى المزيد
أشكرك وأتمنى لك التوفيق

الساري

ونعم بالدواسر
وحياك اخوي تسلم على النقل للقصيده
صح لسانه مسفر
له الفخر بقبيلته

والله والنعم اخوي هادي الدوسري

وصح لسان الشاعر

وكل الشكر لك على نقلها لنا

هادي الدوسري



وافيين ياخوالي وافيين يا طولين الاشيار

فرحة المضيوم وزبن الاهدالي


ونعم والله فيك وبالدواسر الد زايد


ونعم بكل القبايل



وصح الله لساااااان الشاعر مدد

عز الله انه قال ووفى

بهالجزله

ولاهنت يابعدي على هالقصيده الطيبه

وبتظار كل ماهو جديد منك



لك مني التحاياااااااااااا ياخااااااااال




اخووووك



سرحان

وانعم فيكم ماعليكم زود
ياغالين
سعدت بمروركم الرائع

والله لايحرمني الطله الحلووووهـ

الله يسعدلي اياامكم بالخير والمسراات
سعيد جدا بهذا الحضور
الف شكرا لكم جميعا

ونعم بالدواسر
وحياك اخوي تسلم على النقل للقصيده