صوت وصدا ,,

,


الشاعر الكبير / صالح السهلي [ عنكبوت الشعر ]

أعتز كثيراً بمعرفة هذا الشخص ,,

وهو يعلم بقدرهـ عندي ,,

ووجهت له هالأبيات البسيطة ,,

بديت بإسم اللي عطـى لعظامـي= جلد استره بالزيـن مـن هندامـي
الفـرد عّـلام الغيـوب الـواحـد= عساه يقدرنـي وأسـوق إلهامـي
ارحب هلا بشيخ السهـول ارحبّـه=اعداد من صلى وطـاف وصامـي
واعـداد بـرّاق الحيّـا ومزونـه= من فوق نجـدٍ ,,ألمحـة قدامـي
والشاهـد الله يابوسيـفٍ إنــي= أحشم جنابك حِشمة اللـي ظامـي
لو جاه ماء يشرب . جلس ثم سمى= لإن الحيـاة بغيـر مـاء تنظامـي
والشاهـد الله مانطقـت بحرفـي= الا شِعْر.. ينطق غلاه بـ( عامي )
والشاهـد الله شوفتـك تفرحنـي= كني مشجع قام يتبـع ( سامي )
لا هّـز شبـاك النصـر بالكـورة= ولا قـام يتفنـن وهـو قـدامـي
الحرف سقته ثـم صغتـه فكـرة=والناس تفعـل والرجـال اقرامـي

رد الشاعر صالح السهلي ,,

الله يعينك يافهد على شطحاتي !!
ويعلم الله انك اكبر من الشعر ..

( الشعر من مخلاب فكري دامـي )= قصيدي / وصيدي / وذوقي سامـي
والشعر ينبوعي.. لاوالله تـدري := ( لاوالله الا بحـرك المترامـي )!!
فهـد.. فهـد يامرحبـا يالغـالـي= ياصاحبـي / يامسنـدي وحزامـي
من حسن ذاتك .. وانت ذوق ووافي= وشاعر جزل من جد بحرك طامـي
قصيدتـك جتنـي وانـا متوهـق!!= صايـم وقلبـي تلـنـي لهيـامـي
حتى قبل يوميـن وسـط المسعـى=وانـا بمكـه قبـل افـك احرامـي
وانا مكلمها واقـول : ( آحبتـس )=ومعطي معاليهـا جميـع ارقامـي
يعني انا ( رايح وطـي ) وبكيفـي=( لو رحت تبوله وحمص شامي )..
الا على طاري.. ( وطي ) ماتلاحظ:= ( متقدم يعيش بكنف متنامـي )!!
الـوقـت هــذا الله ايخارجـنـا= جعل العوض فـي مقبـل الايامـي
شكلي بجيب العيد ياابـن مهـوس=واكبس عقالي لـو ثنـى مرزامـي
يمكن تمـر اللـي فبالـي صدفـه= ويصيـر تأميـن القلـوب إلزامـي
و ( الشعر من مخلاب فكري دامي )= قصيدي / وصيدي / وذوقي سامـي
والشعر ينبوعي.. لاوالله تـدري =( لاوالله الا بحـرك المترامـي )!!

, , , ,


وهذا ردي البسيط


, , , ,

يـاقـاف جمـلـنـي وشـــدّ عـظـامـي= وارسـل تحيـاتـي وشـوقـي حـامـي
وسلـم علـى ابوسيـف سَـلِـم سَـلِـم= وقله تـراي اليـوم عنـد الْقطامـي*
مـن يـوم ماكبّـر وانــا مــن خلـفـه= حتى البشر بين الصفـوف ترامـي
واذكـر تلاوتـه حتـى اذكـر شكـلـة= واذكر بكى اللـي مـن بكـى قدامـي
والشـاهـد الله يــوم هـــل الـدمـعـه=حسيـت بظلوعـي وجسمـي زامـي
واسَرع وانا حسيت يـوم(ن) سلـم= واذكــر وقـوفـي احـتـري حَـزّامـي
واقبـلـت للمـوتـر وفـيـنـي بـسـمـة= والزمت فـي فكـري كثيـر الزامـي
انـي علـى رد الجمـيـل اعـمـل بــه= وانـي علـى فعـل الـرجـال احـامـي
وانــي عـلـى قـافـك ياصـالـح والله= مااقدر اجـاور كـود تجـري ايامـي
واذكـر مقولـة شيـخ يــوم يـنـادي= يـومــه يـشــد بـهـالإخـوّة هــامــي
وأذكــر اغـانـي قــد ربطـنـا فـيـهـا= خصر(ن) وطبّل له صبـاح اللامـي
واذكـر غرامـي يـوم قـالـت ويـنـك= وانــا مـزهـب حوسـتـي وحـزامـي
يـقـال إنــي مـاأعــرف الـسـفـره!!= وانـــا مـقـطّـع هـالــدول بلـجـامـي
القـول قولـي والوصـوف اوصافـه= والنـاس تُبـهـر لاشعـلـت إلهـامـي
والشـعـر حركـتـه وانـــا ماهـمـتـه= ماغيـر اطـوف بـدرب آمــي آمــي
يابـنـت حـظـك دام صـالـح عـنــدك= ويابـنـت حـظـي دامـنـي مهـتـامـي
والـقــول لـلــي حـاكـمـن بـأقـوالـه= ومـن قـال قــول يتمـمـه ويحـامـي
والنـوم ماظنـي يـجـي لــو لحـظـة= لـو قيـل صـالـح ضايـقـن مانـامـي
الشـعـر حركـتـه وانـــا قـــد قـلـتـه= وابصم على بيض الورق بإبهامي
وإنـي علـى مدحـك ياصـالـح ودي=اوصل جـزاٍ لـي وغايتـن بأحلامـي
واذكـرك بالـلـي مـضـى قــد فـاتـك= إن كـان تذكـر مقصـدي بالضامـي
وانـي علـى شـوفـك ضـامـي جــداً= وانـك تشـرّفني مـثـل أعمـامـي
وامسـك ياصالـح سـر لك آقولـه= مـن يـوم ماراحـت وانــا بهيـامـي
حـتــى اتــذكــر قـولـهــا تـأبـرنــي= تقصـد تلاطفنـي بقـول(ن) شـامـي
واذكر طفولتها معـي فـ( الحـارة )= واذكــر جلّـدنـا جـدهـم وعـسـامـي
واذكـر متـى مارحـت يــم الـحـارة= فـي وسـط حـايـل بيتـهـا بزمـامـي
يـابـنـت ويـنــك ماعـرفـتـي خـلــك= اصـبـح بحـرفـه مُـبـدع وإجـرامـي

* القطامي = الشيخ ناصر القطامي إمام جامع القاضي فـ الرياض

لإرواحكم حدائق من الزهور

هلا والله ابو مهوس
صح لساااااااااااااانك ولسانه
اهنيك صراحه على الفلفسه بالشعر
والابدااااع
ولكن سؤال يافهد
الشعر وراثه او موهبه كذا ؟؟
الله يسعد لي هاللسان الطيب

مبدع مبدع
صح لسانك ولسانه
ربنا يوفقكم

صح لسانك ولسان الشاعر صالح السهلي


تسلم يمناك على هذه القصيده والمجاراة الرائعه


كلكم مبدعين لاعدمنا بوحكم الطيب


ننتظر جديدك


دمت بألف خير

سلامي لك وسلامي عليك وعلى نبضك
صح لسانك
فهد المهوس
ولسان الشاعر السهلي
تحياتي لكما

ابيات هلاليه رائعه وخفيفه


لها ذوقها الخاص للقاري وانا احب هذا

النوع من الشعر000

يسلم بوحك الغالي000

الشاعر الرائع
دوما
تصوير أكثر من رائع

صح لسانك و قلبك ليوم الدين

كم انت رائــع

حروفك جميله كجمااال

معانيها العظيمه

احاسيسك رائعه

وهمهمات قلبك مؤثرة

لحروفك ذوق اخــــر

ولوجود قلمك سحر جديد

فلاتحرمنا من وجودك

ومن اجمل الحروف معك

مع ارق التحايا واعذبها

اقتباس المشاركة الأصلية كتبت بواسطة منذر هلا والله ابو مهوس صح لساااااااااااااانك ولسانه اهنيك صراحه على الفلفسه بالشعر والابدااااع ولكن سؤال يافهد الشعر وراثه او موهبه كذا ؟؟ الله يسعد لي هاللسان الطيب

منذر

صح بدنك وكلك ولاهنت على هالمرور الكريم

والشعر إن كان ماهوب وراثه فهو موهبة

لاهنت مره ثانية ياغالي

كون بخير

صح لسانك فهد المهوس
شاعرنا الرائع
ولسان الشاعر صالح السهلي
رائع كعادتك
ولجمال القصيده في روعة نضمك معنى اخر
لاهنت يابعدي لاهنت

صح لسان الشاعر صالح السهلي

وصح لسانك مليون ولاهنت

ولاهان شايب على الطيب رباك

لاعدمناك على منطوقك الرائع

دمت ودام قلمك

آآمنتك الله

روعه
ورعه
صح لسانك ولسان الشاعر
السهلي
لاعدمناك يافهد يسلم فكرك ونبضك

اقتباس المشاركة الأصلية كتبت بواسطة نسايم الغلا مبدع مبدع صح لسانك ولسانه ربنا يوفقكم

نسايم الغلا

صح بدنك وكلك ولاهنتِ على هالمرور ياوخيّه

مُمتن لكرمك

احسدك على ابداعاتك ايها الفتي الذهبي
فهد المهوس
صح لسانك
صح لسان السهلي بغيابه

شاكرك ولك مني كل التحايا
لاتبخل علينا

اقتباس المشاركة الأصلية كتبت بواسطة الاطرق آل هذال صح لسانك ولسان الشاعر صالح السهلي تسلم يمناك على هذه القصيده والمجاراة الرائعه كلكم مبدعين لاعدمنا بوحكم الطيب ننتظر جديدك دمت بألف خير

الغالي الاطرق

صح بدنك ولاهنت على هالحضور الطيب

مُمتن لجمال مرورك

كون بخير