15____________ عام

مساء وصباح الخير
لمن بمنتدى بعد حيي جميع
واليكم هذه المتواضعه
اعزائى قراء هذه القصيده

تم اللقاء بعد خمسة عشر عام دون معرفة اسباب الغياب وبعد المقابله

لم اعرفها الا بعد مادار الحديث بينى وبينها


واليكم القصيده وما تحمل من معانى


وارجو ان اكون قدمت لكم هذه المتواضعه


لعل وعسى ان تحوز على بعض من رضاكم

شفتها صدفة(ن)من بعد خمسة عشرعام= ما عرفته اعرفتنى عقـب فرقـا سنيـن
اقبلت تقصـر الخطـوه وقالـت سـلام=نبرت الصوت واضح به دموع او ونيـن
التحظت العيون وضـاع منـى الكـلام=يوم شفت الدمـوع ابعينهـا والحنيـن
الحيـا والخجـل والنـاس وذاك اللثـام= وقفّنـى لا امسـح دمعـهـا باليـديـن
قلت كفكـف دموعـك لاتلعثـم حـرام=ما طلبتى عطيتـك بـس وشـو تبيـن
قالت انت ولا غيـرك عسـى ماتضـام=ما ابى المال ولالـى حاجة(ن)مكتفيـن
حام فكرى على الماضى وبحـرالغـرام=واحيت الشوق فى قلب ابغلاهـا دفيـن
قلت وينك بعد وقت(ن)مضـى يامـرام=غاويـه فـى عذابـى يالله انـك تعيـن
كم سهرت الليالى بيـن نجـم اوظـلام=اتحـرا شبيهـك بالسمـا لـى يبـيـن
يـوم جينـا لحارتكـم عطـاه الهـدام=والدركتر على بيتـك غـدا لـه رطيـن
اصبح الجو عندى عقب صحوه عسـام=ورحت للـى جمعنـا موقع(ن)تذكريـن
قلت علـك تجينـى يـوم خلقـه نيـام=واتحـرا علـى الله يـوم يمـي تجيـن
طول الوقت عندى قلت وش بـه عـلام=لالفيتـى ولا شفتـك لـنـا تنشـديـن
رحت انشد بحارتكـم ارجال(ن)احشـام=قالوا انه رحـل والله مـا ادرى لويـن
هـذه قصتـى والظـن مانـى مــلام=عامل(ن)ما بوسعـى والاهـل خابريـن

اصرخت كنهـا لحظـه طواهـا انتقـام=التفت من مشى حوله يسـار او يميـن
قلت ياهيـه شوفينـا ابوسـط الزحـام =هدى وضعك وابيك ابصوتك تقصريـن
قالت انـه لفانـى علـم مثـل الغمـام=قال ابووويـا تـرى لديارنـا راحليـن
باغى(ن)للقرايـب والأهـل والعـمـام=ببني البيت وصعب(ن) يا(؟؟؟)تقعديـن
يـوم رحنـا لفانـا واشرقـت بالكـلام=قالوا انـه خطبنـى غصـب تتزوجيـن
ما اقدر ارفض وتعرف سلمنـا باهتمـام=كل بنت(ن)لابن عمـه ولـو ترفضيـن
اقسم أبمن امر حجـه بلبـس الاحـرام =ما نسيتك وليلـى بيـن هـم او انيـن
بينـت كفهـا تشـر لـذاك الـوشـام=صورة العين وشمه قاصده حرف عيـن

قلت انا ارجوك يكفـى لاتزيـدى سـلام=روّحى يـا عساك ابدنيتـك تسعدين

يعطيك العافية
ولاهنت يالذيب
وكل عااام وانت بصحة وسلامة

الله الله يابو نهار

صح لسانك يابعدي

والله قافن حزنن حيل

سلمت يابعدي ..

وعيدك مبارك يالطربة

خيك : عشوق

قلت وينك بعد وقت(ن)مضـى يامـرام
غاويه فـى عذابـى يالله انـك تعيـن
كم سهرت الليالى بيـن نجـم اوظـلام
اتحـرا شبيهـك بالسمـا لـى يبيـن

ياسلام عليك صح لساااااااانك
على الابداع
يامبدعنا عقاب

اخوي الغالي وشاعرنا المتألق00عقاب النهار
اشهد انك مبدع ومتميز الله يطولي بعمرك
عزالله القصيده عذبه ولها نكهه خاصه
صح لسانك وبيض الله وجهك
وهلابك

قد تضيع الكلمات بعض الاحيان ولا يستطيع الانسان ان يعبر عن مافي داخله بالردود وهذا ماهو حاصل عندي الان بعد ان قرءت هذه القصيده الرائعه يعطيك الله الف عافيه وصح لسانك

اللله يسعدك عقاب النهار ويسعد حرفك ونبضك وبوحك
ماتهون يالطربه

الله الله يابو نهار

صح لسانك يالعزوه ..... الابداع لاهله وانت اولهم

بندر الشرعان
صح بدنك
ولاهنت

**********

تقديرى

******

عقاب نهار الشمرى

عشوق
نورت المنتصفح بمرورك
العذب وصح بدنك
يالغالى

ولاهنت

**********

تقديرى

******

عقاب نهار الشمرى

المبدع

عقاب النهار


لاجديد سوى إبداعك

الله لايحرمنا من هالشعر وراعيه

تسلم يالجزل

وصح الله لسااااانك



لك مني الود والاحترااام

عشوق
تسلم يالغالى
ونورت المتصفح بتواجدك

صح بدنك
ولاهنت


تقديرى

اقتباس:

قلت كفكـف دموعـك لاتلعثـم حـرام
ما طلبتى عطيتك بـس وشـو تبيـن
قالت انت ولا غيـرك عسـى ماتضـام
ما ابى المال ولالـى حاجة(ن)مكتفيـن

الله عليك يابو ضاري

قصيدة تحكي الم ومعاناة

احب هذا النوع من الشعر!!!!!!!!!

صح لسانك مليون ولاهنت

عقاب النهار

صح الله لسانك ياشاعرنا المميز على القصيده الرائعه
والله ابدعت فيها الله يعطيك العافيه

اختك

وردة العين

ممدوح
تسلم يالغالى
وصح بدنك
ولاهنت

تقديرى