طفل حايل وموتي بين ظلعان حايل

[poem=font=",6,orange,bold,normal" bkcolor="black" bkimage="" border="double,8," type=2 line=0 align=center use=ex num="0,black""]


بـرد كــانــون ذابــح واللـيــالـي طويله=والهواجيس صارت فوق صدري جلايل
ورغـم ثـلـج الشمـالي خـافـقـي في ملـيـله=واللهايب بكبدي مثل شـمس القوايل
كلـمـا قـلـت يـركـد هـجس فكري يـشيله=تحـت ســورٍ يـحـيطه بالظـلـوع النحايل
بـيـن نـار الـمـحـبــه والحياة الذليله=او مـعــزة ربـوعــي كاسبين النفايل
والسبايب رمـوشٍ فـي عـيــونٍ جـميله=قالت اسكن بـجـنـبـي مانـبـي جــال حايل
قلت عـنـدي ربـوعـي مـع قـرايـب وعيله=والـتــواريــخ تـبـقــى بـالـمـعـــزه دلايـل
كـيــف تصبر عـيـوني عن خشوم الرعيله=وكيف اعـالـج خفوقٍ فـيــه غيظ وغلايل
قالت الـروح تسـلـى بالـرمـوش الظـليله=والـســعـــاده بـقـــــانــا بالشريعه حلايل
قلت حبك نلاقي بالعذارى مثيله=وصـعـب نلقى لحايل والنشامى بدايل
عيشة الروح عقـبك فــي ذراهـا علـيله=ولانـقـارب ونـسكـن مع خـبـاث الدغايل
رزق ربي يجـي لـي يالـغـلا او نجي له=والله اني فلا ارحـل عـن رفـاع الحمايل
كـيـف اخلي ربوعي كاسبين النفيله=شامخين المراجل نافـلـين الخصايل
واجـمــع الـذيـب الاسـحــم بالحمـام وهديله=والـفـعــول الـوكـيـده بالـهـروج الهمـايل
الـصـخــى والـفــزايــع فــي طـبــايــع هـبـيـله=خـيـر من عـقــل نـاسٍ له كفوفٍ بخايل
وفـقــر نــاسٍ طـبــوعــه ماتـخـلــي عـمـيله=ولا غـنـــاة الـخـديـعــه والـطـبـوع الرذايل
وجـيـرة الـلـي يـخـاطـر بالـقسى عن زميله=لـو شـرابــه هـمـاجٍ من نـقــوع الـثـمـايل
ولا حـقـيــرٍ تـشـوفــه فــي جـنــازة قـتـيــله=تشتكي زود ميله لا غدى الوقت مايل
لــي ربـوعٍ فــعـــولـــه بـالـشــدايـــد جـلـيـله=ولا تـراجــي مـشـورة ضـافيات الجدايل
عـلــة الـجــوع الاقـشـر طيب ربعي يزيله=والعطاء من يـمـيـنه دون عـلـم الشـمـايل
جود وقـفـات حـاتم عند ربعي قليله=وطيب حايل واهلها مثل وبل المخايل
بالحـرايـب سيــوفــه كـالـصــواقع سليله=ولاتـبــوق الـوعــايد بالردى والـدغـايل
وكـل مـن داس جـالـه جـاه غـدرٍ وغيله=وكـود يـجـمــع لحـربــه من جـمـيع القبايل
والصريف انـشـد اللي يـشـتكي زود ويله=وسط جـيـشٍ يـضـم من العباد الهوايل
فـيـه نـاسٍ بـعـضــهـا جـاهـلـيــنٍ مـوديـلـه=يرتـجـون الـمـكاسب والغروس الظلايل
ديــرة الـلـي تعـشـي ضـيـفـها من نخـيــلـه=او يـتـيـمٍ ضـعـيـفٍ عاش من دون عايل
وغـيـر هـذا يـلاقــي مرهــفـــاتٍ صـقـيــله=لـه دروسٍ قـديـمـه فـي قـرى كل صايل
ذاق مـنها مـبــارك رمــح راع الـكـحـيــله=وصقرهم طـار ريـشـه يوم شاف الصمايل
ومن يفاخر ويـمـلـخ عـنـد قوله وقيله=قل ترى الفعل يوصل للدروب العدايل
اهل حـايل وحــايل كالخليل وخليله=لاتجــارون ربـعــي يالعـقـول الهبايل
لاتجـــارون دارٍ فـــايـــحٍ ريــح هـيـــلـه=والمـجـالـس عـطــوره مثل ورد الـمسايل
ان بدى الـثـقـل الاقـشر لابتي ترتكي له=راحــة الـلـي زبـنـهم عقب ضيم ونكايل
لاتـغــرك خـيــولٍ بالفراغه صـهـيـله=وساعة الضيق تفرق كدشها والاصايل
النوايا سليمه والـمـشـاعر نبيله=والمرابي بيوتٍ من رفاع الحمايل
هم سعادة رفيقٍ يشتكي قل حيله=من نخاهم لقاهم مايلاقي فسايل
لو تركته عيوني ماتوقف هميله=مثل حايل واهلها نادرينٍ قلايل
ديرة الطيب حايل قبل جيلي وجيله=طيبه اليوم والا بالوقوت الاوايل
حازت اكرام ضيفه مع حماية دخيله=هم براد الليالي مع ظلال القوايل
عيب ربعي صـحــونٍ بالذبايح ثقيله=عيب افارق جباله في جميع الوسايل
من ترك جال حايل مثل دافق صميله=يوم عاف النجايب لاجل حشو هزايل
عند حايل غرامك مايساوي شليله=ونلغي العشق كله قبل شد الرحايل
يابــدور اللـيــالـي ياديـار وقـبـيـلـه=ياجبال رواسي ياوعود وفعايل
يا نـبــوع الـمـكــارم يـامـنـــاقــــع مـسـيــله=يارجالٍ كـفــوفــه ماتـجـيـب الفشايل
يافـعــولٍ تـجـــدد كل يومٍ ولـيــله=يانوادر طيورٍ بالجبال الطوايل
ياسباعٍ ضواري تـرهـب الخـصـم خـيـله=ياهل المجــد كله والندى والفضايل
يانفوسٍ تشوفه مثل لين الخـمـيـله=وبالـمـيـاديـن تـرجــع قـاطـبــاتٍ ثقايل
ياجسور المراجل ياقلاع الفضيله=يابحور المكارم والكفوف الجزايل
يامـنـايـر فـخـرنــا يافـضـــاه وكـفـيــلـه=ياسباعٍ قـلــوبــه ماتـهــاب الـفـتــايل
كل حــرفٍ ذكـرته طيب ربعي دليله=ولو تواسى زمانك تالي العمر زايل
كل كيل المداين ناقصٍ عند كيله=طفل حايل وموتي بين ظلعان حايل [/poem]

الموضوع الأصلي: طفل حايل وموتي بين ظلعان حايل || الكاتب: فواز الغسلان || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات