ياعم .. يالعيـاااار .. يابـو دلامـه.. للشاعر:محمد عواد المطرفي العنزي

اعجبتني القصدية وكل بيت فيها كان له تميزه


صحيح انها متجهمة لكن ظربت على وتر متغافلين عنه جميعاً


ارجو ان ترضي ذائقتكم


وتكون في ظمن المسموح




الشاعر



محمد عواد المطرفي العنزي


ياعم .. يالعيـاااار .. يابـو دلامـه..

ليتك تعيش تشاهـد أوضاعنـا الحيـن



تضحـك علينـا ليـن يـوم القيامـه

صاحيـن ... لكـن عدنـا مستلجيـن



نركض ورى الدنيا ركيـض النعامـه

وعند الشدايد ندفـن الـراس بالطيـن



لاقلت مسلـم .. قيـل يعنـي أسامـه

منهو أسامه لجل يوصف بـه الديـن



هـم مـادرو بأنّـا وصلنـا الرخامـه

أخبارنـا صـارت سخافـة عناويـن



( التوت .. يغتال الكرز في منامـه )

( صياف شن الحرب مع تركي الفين )



( باسكال تسرق لحن .. راغب علامه)

فاصـل غنائـي ... آه ياليـل ياعيـن



نعـود للموجـز ... نقـول بختامـه

هذا خبر عاجـل لفا مـن فلسطيـن



الدوخـي يعلـن للهلال انضمامـه ..

عفواً .... خبرنا صار مو من فلسطين!!



شكراً .. لكل واحد عطانـا اهتمامـه

نعود معكـم لأغنيـة .. ليـل ياعيـن



شفتو شكثر هالغرب يخطـيء كلامـه

شفتـو شكثـر حنـا غدينـا سخيفيـن



شفتو شكثر قاسـي علينـا اتهامـه ..

يحسبنا كل ليلـه سهـارى مصليـن!!



مايدري انّـا حـول (فاتـن حمامـه)

نوصف جمال عيونهـا .. والفساتيـن



ولاهي غريبه .. قبلنا أهـل العمامـه

شيابنـا بغمـزة ( سميـره ) موليـن



أريـام .. أم الغنـج .. والإبتسـامـه

صـارت قضيـه مشغلـه هالملاييـن



تدرون عاد ... المشكله مـو اسامـه

ولاهـو اعجـاب العـرب بالمغنيـن



المشكلـه أكبـر وأكثـر .. ضخامـه

المشكلـه ... حنـا بليـا مضامـيـن



أرخص ماعند اليعربـي .. إحترامـه

قلي شلون أعطيـك الاثبـات هاللحيـن



عطه ( الطراق ) .. يقول حب وكرامه

ثنّ (الطراق ) .. يقول أهلين وسهليـن



وتقول لي ( بغـداد ) راحـت ندامـه

ياخيّ جاني علمهـا عـام ( تسعيـن )



ماهـي غريبـه لافقدنـا الزعامـه ..

بس المصيبه نفخر بحرب .. حطيـن



بعنا الكرامـه .. وأشترينـا السلامـه

نبي نفوز بشي .. فزنـا بـولا شيـن



هم وهمونا أن السـلام ( الحمامـه )

صرنا حمايم .. بس صـارو شياهيـن



يكـاد هالإنسـان يفـجـر أمـامَـه

من كثر مايسأل .. متى نوفي الديـن؟!



تظهـر علامـه .. وأتّخفـى علامـه

ملايكـه تقفـي .. وتقبـل شياطـيـن



ومن قال لك توه ... زمـان القيامـه

قله : طريق الشام .. سـووه سيديـن

شـكــ وبارك الله فيك ـــرا لك ... لك مني أجمل تحية .

عشوق يعطيك العافية
هذي من أجمل القصائد التي اعجبتني


القصيدة على موقع اليوتيوب

صح لساانه يا حلوها من قصيدة


مشكور عشووق على الاختيار

تحياتي

شكرا لك على اختيارك
... لك مني أجمل تحية .

الشكر للجميع على الحضور الطيب
ولاعدمتكم يالغالين
تسلمين نور على المقطع

عشوق

صح لساان شاعرهاا
ولاهااان نااقلهأأأ
.....
قصيدهــ في قمة الابداااع
...........
فلكأأأ خاالص ودي واحتراامي