الزواج التقليدي والزواج العائلي.!!

[align=center]السلام عليكم ورحمة الله وبركاتة

أول اطلالة لي بقسم النقاش

الزواج التقليدي والزواج العائلي.!!

بما ان الأجازة قربت والزواجت ماشالله تكثر فيها ..


كثير نسمع عن الزواج التقليدي والفشخرة الكبيرة اللي تحصل فية ... ( وكثير في مجتمعنا وخصوصاً الحائلي اللي مايقدر يقووم بهالزواج مندوون ديووون ) ..

وكثير نسمع عن الزواج العائلي وقلة التكلفة اللي تحصل فية ... ( وقليل في مجتمعنا وخصوصاً الحائلي مانسمع عن مثل هالزواج لقلة التكلفة فية ) ..


ومـضـة ,,

هل انت او انتي مع الزواج التقليدي او الزواج العائلي المختصر على الأقارب فقط .؟

وجهة نظري انا :

انا ودي بالزواج العائلي المخصر على الأقارب فقط << والله لو يدري ابوووه كان يذبحة هههه << تروني ماقلت شي .

.
.
لاعدمتكم[/align]

الموضوع الأصلي: الزواج التقليدي والزواج العائلي.!! || الكاتب: نديم الشووق || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

مشكور اخوي
على الموضوع
انا كنت ضد العايلي
زمان
الان انا مع العايلي لانه مافيه تبذير ولا زياده
ويكون زواج مبروك

انا مو مع هذا و لا مع الثاني ..
الحياه وسط لا إفراط و لا تفريط !!!
لكن مجتمعنا الخلف على الله ..
مسك طرف سالفه و طار فيها ^^"

أنا مع العائلي بالنسبه للتكاليف ..
و مع التقليدي بالنسبه للجمعات و الناس ..
لكن مو مع سلبياتهم يعني ..
أتمنى وصلت فكرتي أخوي ..
<< تحس انها عقدت السالفه و هي بسيطه ^^"

نورت القسم بموضوعك القيم و طرحك الراقي ..
و تسلم يمينك اخوي ..

الله يعطيك العافية اخوي الغالي نديم ع الطرح الواقعي في مجتمعنا السعوودي

انا مع العائلي بصراحة ومايمنعنا دعووة الأصدقاء والاقارب الجيران لان الزواج العائلي لتجنب التكاليف والتبذير الي نراهـ في كثير من المناسبات

وتفك الزوج المسكين من الديون الي تتراكم عليه بسبت ها الزواج يبيله كم سنه وهو يقصد

كل الشكر خيو وارجو طرح كثير من محاور النقاش المفيده كاطرحك

بالنسبة لي احب الزواج فقط مو عائلي عاد عائلي


طبعا هذا امنية وماصارت انه يكون زواجي اهلي وحبايبي فقط مو كل الاقارب اللي افرح بشوووفتهم واعرف انهم بجد يحبوني


لكن اعزم اقاربي وفيهم الحساد والمنافقين لا ابي نااااس اتأكد مليون بالمئة ان فرحي من فرحهم بس ماحصلت لي


تحية طيبة

بصراحة فكرة الزواج العائلي .. مرة ممتازة وفيها توفير كثير

بس احس ان الليلة هذي من حق العريس والعروسة الفرح ومشاركة جميع العائلة والأصدقاء والأحباب في هذا الليلة ( بس بدون فشخرة زايدة )


وفيه بعض العوائل يسونها مرتين

مرة للأهل والمقربين جداً من العائلة .. ومرة أخرى للأصدقاء والأحباب

يعني تكلفتها أكثر وفيها نوع من الفشخرة

وأنا مع الزواج التقليدي ( بدون فشخرة )

وشاكر لك أخوي نديم الشوق هذا الطرح الرائع والمتميز

انا مع العائلي لانه تكاليفه اقل

وبتكون فيه بركه

ولان العريس ماراح يكون عليه ديون وهذا هو

المهم

اشكرك اخ نديم ع الطرح

والله أن جيت للحق بهالوقت الواحد مايفكر الاكيف يكون سعيد بحياته الزوجيه

انا مع البسيط اليسير بدون مبالغات او ديون مايهمني شكل الزواج كيف يكون عائلي او تقليدي بقد مايهمني الانسان اللي برتبط فيه هل اقدر اسعده ويسعدني

ام لا الزواج سكن وموده ورحمه واشهار مو كيف القصر او البيت او المهر

الله يوفق جميع بنات وشباب المسلمين والمسلمات ويسعدهم

نديم الشوق

الله يعطيك الف عافيه على طرحك الرائع

ودمت بحفظ الله..

أنا أيضا مع الزواج العائلي لانه مافيه فشخره وزياده ديون ع الزوج اللي من المفترض أنهم يبدوا حياتهم الزوجيه بدون ديون

تسلم نديم الشووق ع الطرح المفيد

دمت في حفظ الرحمن

[align=center]يسلمووو جميعاً على الأطلالة بوجهة النظر ..

.
.

اتضح من وجهات النظر ان الكثير يحب الزواج العائلي المختصر على الأقارب والحبايب الخاصين فقط . <<

<< بس اتوقع ما احد يقدر يفرض رئية بالزواج العائلي لأن ممكن يكون احد الطرفين يكون يبي زواج تقليدي ..<<

على كلاً اتحفتوونا بوجهات نظركم الحلووهـ .

لاعدمتكم [/align]

بارك الله فيك على هالطرح المميز
بالنسبه لي أعتقد ان الزواج العائلي
فيه بركة كبيره من الله لأنه لا يوجد
فيه تبذير ولا اسراف وحياة الزوجين
تكون بعده هادئه
تحيااااتي

[align=center]عبدالله المعاشي

يعافيك ربي على ابداء وجهة نظرك ..

لاعدمتك[/align]