بالعكس الواقع مو مفقود عندي
وليه انصدم بالواقع وانا من الاساس عارفه بمقدار دخله الشهري
انصدم لو كنت مو عارفه بمقدار مرتبه او كنت اقول بعد الزواج بيجيه دخل ثاني وانصدم اني اقف عاجزه
لكن اذا كانت اللبنه الاولى مبنيه على هذا المبلغ المحدد راح تستمر السفينه في الابحار بكل امان
اخوي قريت مره هذا الخبر:
طرحت إحدى الصحف البريطانية سؤالا مفاده : ما المال ؟
فكانت الإجابة الفائزة : المال جواز سفر عالمي يمكن لحامله السفر إلى
أي مكان ماعدا السماء وهو يجلب أي شي ماعدا السعادة ...
كثير نسمع بمشاكل اللي تصير في بعض الاسر
تقول الزوجه ما يهتم فيني كزوجه واذا ناقشته يقول ما قصرت معك بشي موفر لك متطلبات الحياه
من بيت وسواق وخدامه وغيرها
أو الزوج يقول ما تهتم فيني كزوج رغم اني ما اقصر معاها بشي اوديها سوق واشتري لها لبس بالمبلغ الفلاني
وتحضر حفلات و.. و..
لكن وين التفاهم هل المال حقق لهم السعاده؟؟؟؟
بالطبع لا
سعدت بحضورك
واتمنى ما تضايقكم وجهة نظري
يا تقنعوني يا اقنعكم
يعني تبين تفهميني يااخت شادن
إنه لو تقدم لك زوج راتبه 1500 بتوافقين
بالوضع الحالي الي حنا فيه بصراحة
السفر فيني وأنا فيه
مايفارق درب خطواتي
بعيد الخطوة
طيب السعادة ودرينا واذا طلبتي شي وقال ماعندي مامعي
راح تبدأ المشاكل
انا اتكلم مو زمان بيوت الشعر والخيام
اتكلم من زمن الشقق الغالية الفواتير الكثيرة المستلزمات النسائية الي مالها حد وما تغطيها 1500 رجاء خليكي واقعية
اخوي شوف ردي على شاعر المشاعر
الحياه تضحيه يعني بعرف وش اطلب ومتى اطلب
اذا انا من قوم الطلبات واقوم مشاكل اذا ما توفرت طلباتي فمن قاصرها ليه اشغل نفسي بمشاكل
انا في غنا عنها وانا ادري انه ما راح يوفرها لي لقصر ذات اليد ؟؟
يمين بالله ان كلامي من اقتناع
[align=center]
تبقى أراء وكل شخص له الحرية
لكن هناك فرق بين شخص يتكلم من واقع الخيال والمثاليات وشخص يتكلم من واقع الحياة التي يعاصرها أحنا بعصر طغت فيه المادة أيجارات الشقق بأرتفاع والمواد الغذائية بإرتفاع والذهب بأرتفاع والرواتب بإنخفاض :59ar:
البنت تتكلم أقبل بزوج راتبه 1500 ريال وبعد الزواج بفترة تبدأ المشاكل وتتفاقم المشاكل مع تزايد عدد الأطفال إذا لم يجد الزوج مصدر دخل أخر أو وظيفة ذات راتب أعلى
على العموم مجرد وجهات نظر
وأختلاف الرأي لا يفسد للود قضية
اخوي شاعر حياك الله للمره الثانيه ما نتكلم من خيال
اذا المرتب محدود بيكون الاكل محدود والذهب محدود او منعدم بالاصح عمر الكماليات ما كانت سبب للسعاده
والسكن بيكون بمقدار المرتب
والرواتب بانخفاض لان للاسف ما فيه حسن تصرف
ابوي الله يرحمه دايم كان يقول لي ( الريال اللي يطلع ما عاد يرجع ولو عرف الشخص قيمة الريال عرف وين يصرفه بالمكان الصح)
سعدت بتواجدي في هذا الموضوع >>>>> لا عاد تعقبون ما عاد فيني حيل ارجع ارد
بالنسبة لي انا اخر شي افكر فيه الجانب المادي اهم شئ يكون الأنسان اللي بترتبطين فيه انسان ملتزم ويخاف ربه
وانسان ذو اخلاق عاليه 0 واذا كانت الأسرة متعاونه مع بعضها مراح يكون فيه اي عوائق في طريقهم 0
العضو الأكثر نشاطاً هذا اليوم 
والنتيجة كل متمسك برأيه
العرض العادي
