البنات...وعزايم الاستراحات...

سمعت مره ان بنات مسوين حفلة باستراحة بمناسبة التخرج من الجامعه وجايبين دوجيه ومسوين ورقص

ولعب وفجاءه انقطعت الكهرب لدقائق وحسوا بفلاش جوال ولما رجع النور قعدوا يتسألوا عن الفلاش وكل

يحلف انه ماهي وطبعا كلهن زميلات وصديقات وراح الموضوع بدون لايعرفوا من اللي صور او

انها من الخوف ماركزت وماصورت بس طلع الفلاش والحمد لله عدت على خير وماصارشي ..

انتشرت ظاهرة العزايم في الأستراحات بين البنات اما يمناسبة عيد ميلاد اوحفلة تخرج او

مناسبة اخرى لحد الحين كل شي اوكي ومافيه كلام

لكن لما تكون الأستراحة مقتصرة على بنات في سن المراهقة وبدون كبير اورقيب وبحجة مايبن اطفال او عجايز

ينكدو عليهن وياخذو راحتهن والمعروف ان اغلب الأستراحات تكون شوي بعيده المنازل هل ترضي ان اختك

اوبنتك تروح لها !!

حبيت نتانقش وننتبادل الأراء في الظاهرة هاذي لانه منتشرة في الوقت هاذا بكثررررررررة

وان شاء الله يكون الحوار مثمر

الموضوع الأصلي: البنات...وعزايم الاستراحات... || الكاتب: فايز شمر || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

انا اشوف انها وقاحه فعلا ان تذهب بنت الى الاستراحه حتى لو كان هناك حارس للاستراحه
لانه محد يضمن وش بيصير بالاستراحه لانهن بنات وعرض محد يرضى على عرضه مهما كانت الظروف
الف شكر كبرياء شمر مودتي لك

[align=center]
والله دآئما اسمع هالشيء بس مو كل مرة تسلم الجرة

وعني آنا الحمدلله مآ آروح لكذا آماكن ولا آرضى آنه خواتي يرحون لها

مهمآ صار البنت امانه وشرف حرام على الاهل التفريط فيهن

الوحدة تروح وتجي بدون حساب وياكثرهم الوحدة كان ماوراها ولي ولا اهل يسالونها

ولو بغيت الصدق المفروض انه كل بنت تغلط يتحاسب اهلها اشد الحساب

لانه اللي سوتها البنت اقل عقاب لآهلها على آهمالهم لها
[/align]

سنجار شاكر مرورك العطر اخوي

زهرة

شاكر مرورك العطر اختي الغاليه

عوافي اخوي على ها الطرح الذي يحاكي واقعنا

أصبح الجنس الناعم يقتدي بالشباب واصبحن يصولن وايجولن وتوجد لهن دوريات في الأستراحه كل اخر اسبوع على ثنتين منهن كما ابلغني احد اصحاب الأستراحات

ولكن بعيد عن تلك البنات المراهقات التي لاتحمل من الفكر سوى ان تخرج مع صاحبتها ولكن اين الولي اين المربي اين صاحب الرعيه

يجب ان يحرص على منهم بوليته

الله يهدى ويصلح

النوفي شاكر مرورك وردك الجميل الغالي

تحياااااتي

كلنا نحب الوناسه وسعة الصدر
بس كل شي بحدود وأن مااايدها وبشده
أصلاً بيت صديقتي أهلي يرفضون كيف إستراحه مالي أي وجه أتكلم لأني عاااارفه ردهم
وبعدين الدنيا مصايب وبلاوي الواحد يخاف يصير شي غصب عنه وبالتالي الناس ماتصدق خبر
يعني لو الفلاش كان تصوير وانتشر وتعال عاد للعناوين
سعوديات في استراحه ولا سعوديات في مرقص ليلي
الناس ماتصدق خبر إلا تداول وانتشر
خاصة راح يكون قمه الاثاره لما تكون سعوديه

كبرياء شمر
يعطيك العافيه على الطرح الرائع

محبة الجنه كلامك رائع وفي محله من جد ما عاد الشخص يضمن شي
البنت الصالحه هي الي تستر نفسه وتفكر بالشي قبل تسويه

شاكر مرورك وردك الجميل

هي مافيها شي لو كنا واثقين بالبنات ومعانا وحده كبيره
وحتى لوماكان معانا وحده كبيره .. نكون منتبهين كثير ونكون مجموعه كبيره
ومانسهر لأخر الليل في مكان بعيد ( ولو ان هالشي مرفوض عندنا )
والحمدلله احنا مانخرج مع صحباتنا الا كوفيهات وبوقت النهار بس ومع اللي واثقات فيهم
اما الاستراحات والشاليهات تكون عائليه ونسوي اللي نبغى نجيب مطربه وننبسط ونسهر لليوم الثاني وكذا امان علينا وعلى كل بنات العيله ومايحوجها تضطر تسهر مع بنات الناس

والتصوير والله بكل مكان .. حتى على البحر واحنا بالعبايات اتصورنا يعني ايش يبغو من هذي الصوره انا ماادري .. اهم شي اننا رمينا جوال اللي صور بالبحر بعد مافتشناه

الله يحفظ بنات المسلمين بكل مكان

الله يعطيك العافيه كبرياء
لاخلا ولاعدم

يعطيك العافيه أخوي أنا بتلكم عن واقع ملموس

هناك وفي أرقى الأحياء في الرياض وفي أجمل المناطق

في الرياض وعلى كلام ولسان تجار العقار والشهاده منهم هم

بأن هذه المنطقة من أفخر وأجمل مناطق الرياض ألا وهي [ شمال الرياض ]

شمال الرياض عرف بالهدؤ إلى الأن والله هو هادي وعرف بإنه من أجمل الأحياء

وأنها من أحضر وأجمل الشوارع هناك وعن طبيعتهآ وجوهآ الهادي >> والهادي الله جل جلاله

عموماً ما أحب أطول هذاك الحي مع الأسسف الشديد توجد به إستراحات وجمعآت من الرجال الكباريه

من رجال وبنات يحتفلون ويتسامرون ويسهرون وللمعلوميه يسهرون إلى الصبح لا حسيب ولا رقيب

والله عز وجل مطلع عليهم , نسأل الله العفو والعافيه , هناك فيه دعآره من شقق وإستراحات حتى أبين

لكم حقيقة هذه المنطقه وأنا لا أقصد أهلها بل أقصد الذين يرتآدون إليهآ والسبب لأن الأنظار ليست على هذه المنطقه وأنها أمنه

عموماً أنا لا أؤيد الإستراحات للبنات فقط , ومستحيل بأن أدع أختي أو بنتي أن تذهب إلى مثل هذه الأماكن , أنا لا أقول بأنها

فاسده وربما تكون كذلك ولكن الحرص وآجب , عموماً يبقى السؤال هنا مالهدف من هذا كله مالهدف من الإستراحات

طيب سوي حفله في بيتكم وأنتهآء الموضوع , أوكيه بإستراحه بإستراحه لكن أحرصي من العاملات الأجنبيات أو بعض السعوديات المريضات نفسياً

من أن تصوركنَّ , أتمنى التوفيق للجميع وأسال الله أن يغفر لنا ذنوبناَ , والله يستر على الجميع إن شاء الله , والله يهدي الجميع لمىا يحبه ويرضىا


ودي

/

موضوعك حيل شدني ..

استراحه +بنات +سهر لااخر الليل بدون رقابه =قلة حيا

هذي القاعده المعروفه عن الاستراحات..

وهي با الفعل اغلبها كذى اذا مو كانت كلها بس معروف

ان اغلب البنات اللي يكونون من رواد الاستراحه

سهل (صيدهم )يعني اتفه مشكله تصير بين بنتين سيده

تصوير وهاتك يا نشر طبعا البنت ما تفكر بعقلها في حالة

الغضب لا اهم شي تشفي غليلها من هالبنت ..

او الشغالات اللي يجيبونهم تتفق مع شباب ويدخلون عليهم

الاستراحه ,,يعني مشاكل وسلبيات الاستراحه باالنسبه للبنات اكثر

من ايجابياتها واعتقد ان اغلب رواد هذي الاستراحه مو قبيليات ..

على العموم رأي انا ضد الاستراحات اصلن مقدر اقول لاابوي

بروح استراحه وين حنا فيه !!

كبرياء شمر ..

لاهنت على هالطرح لاعدمناك خيووو..

اخوي كبرياء شمر بصرااحة فعلا هذا الموضوع بدأ يطغى في الاونه الاخيرة بشكل كبير .. انا بصرااحة ضده .....كنت في حائل في اجازة عيد الاضحى .. وتجمعن النسوان يالله خلونا نتقاطط يعني كل وحدة تدفع من عنده مبلغ معين ... قلت ليش قالو علشان نحجز استرااحة ونسهر وننبسط ... انا قاعدة اقول بيني وبين نفسي هذولا صادقين والا يمزحون يعني عاادي عند محارمهم يخلونهم ...الحمد لله والشكر هالحين وش اللي يفرق البيوت عن الاسترااحات من غمت لغمت ...في مثل داارج يقول اللي عنده قرش محيره يشتريله حمام ويطيره ...شكرا اخي كبرياء على طرحك الرائع..

اللهم استر على بنات المسلمين واحمهن يارب من كل شر..امين

اسعدني مروركم وردودكم الله يعطيكم الف عافيه..

كل الشكر لكم اخواني واخواتي

والله انا مستحيل اطلع من البيت يالله اروح الثانويه وارجع وانا الحمدلله احب قعدة البيت
اما البنات الي زي كذا هذؤالا اهلهم معطينهم ثقه فوق الازم وهذا مايصير انا مااقول يشددون على البنت او يخلونها لا
يصيرون عدل معها بس لكل شي حدود طيب وش يضمن للاهل ان هالاستراحه خاليه تمام من الشباب
لالاانا ضد الظاهره هذي
يسلموو كبرياء شمر