كل يوم رقم جوال جديد ياترى لماذا؟!!

الجوال وماأدراك مالجوال..هل هو غاية أم وسيله؟

الجوال من أروع الإختراعات والتي سهلت حياتنا اليوميه

وجعلتها أفضل..وإستخدامه بنظري للضرورة ..ولكن لاحظت

صديقات لي بنات ومتزوجات يحملن جوالين في آن واحد!! تعجبت

وقلت لنفسي هن حرات أنا وش يدخلني بهن..ولكن الأمر أصبح شاق علي

بسبب صعوبة التواصل معهن كل بعد مدة تأتيني رساله أنا فلانه وهذا

رقمي الجديد احفظيه..وكل بعد مدة تتكرر السالفه..ياترى ليه كل بعد

مدة يغير رقم الجوال؟!! ليه مايستقرون على رقم واحد؟!!

هل هو تجديد؟ دلع؟ أم هناك أسباب خفيه لا يعلمها الا هن؟!!

وعلى هالحاله كل يوم رقم جديد..

ايه قبل لا أنهى الموضوع بما أننا نتحدث عن الجوال إذا أتتك مكالمه

ولم ترد عليها لأي سبب من الأسباب ماذا تفعل؟

هل تتصل بمن إتصل بك؟ أم ترسل رساله لتحدد له أسباب عدم ردك؟

أم تطنشه؟ مع العلم أنه شخص تعرفه وليس شخص مجهول.



تقديري للجميع

الموضوع الأصلي: كل يوم رقم جوال جديد ياترى لماذا؟!! || الكاتب: ملامح || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

هلا بك

اختي

بعضهم حب تشخيص
وبعهم الي عنده اشغال يكون عنده جوالين

اما الي يتصل ماهو لازم ارسله يمكن غلطان اذا بغا شي يدق ثاني مره

لاهنتي

بصراحه وضعي انا كرجل عندي جوالين مابين زملاء العمل والثاني للاهل والاقارب..

اما موضوع ان بنت عندها رقمين حقيقه شي ملحوظ ومستغرب هنا يكون دور للاهل في متابعة بناتهم

وش تحتاج الجوالين فيه انا اشوف انه ماله داعي ..واذا ما اعطيتها جوال يكون احسن بعد..

كل الشكر لك

والله هذولا ناس يا اما تحب الفشخره الزايده ..او انها لها اسبابها الخاصه
وعني مااحب التغير ...
وبعدين استغرب بنت عندها رقمين وثلاثه لييييييش ؟؟؟؟؟
وعن المكالمات..اذا انسانه مهمه بالنسبه لي ..ارجع وارد
واذا وحده عارفه انها بس سوووالف لا والله تبي هي ترجع تدق..

خيتووو يعطيك العافيه على ابداعاتك

اقتباس المشاركة الأصلية كتبت بواسطة خذني معك هلا بك اختي بعضهم حب تشخيص وبعهم الي عنده اشغال يكون عنده جوالين اما الي يتصل ماهو لازم ارسله يمكن غلطان اذا بغا شي يدق ثاني مره لاهنتي

هلا أخوي مشكور على مرورك وإبداء رأيك

لا عدمتك ..تسلم.

اقتباس المشاركة الأصلية كتبت بواسطة كبريــاء شـــمر بصراحه وضعي انا كرجل عندي جوالين مابين زملاء العمل والثاني للاهل والاقارب.. اما موضوع ان بنت عندها رقمين حقيقه شي ملحوظ ومستغرب هنا يكون دور للاهل في متابعة بناتهم وش تحتاج الجوالين فيه انا اشوف انه ماله داعي . .واذا ما اعطيتها جوال يكون احسن بعد.. كل الشكر لك

ياسلام عليك جبت الكلام المفيد الاهل وينهم عن بناتهم؟!!

عافاك ربي ومشكور على مرورك وردك.

اقتباس المشاركة الأصلية كتبت بواسطة محبة الجنه والله هذولا ناس يا اما تحب الفشخره الزايده ..او انها لها اسبابها الخاصه وعني مااحب التغير ... وبعدين استغرب بنت عندها رقمين وثلاثه لييييييش ؟؟؟؟؟ وعن المكالمات..اذا انسانه مهمه بالنسبه لي ..ارجع وارد واذا وحده عارفه انها بس سوووالف لا والله تبي هي ترجع تدق.. خيتووو يعطيك العافيه على ابداعاتك

مقديه والله اللي خرطه كثير هى تدق هههههههه

تسلمين ومشكورهـ يالغلا على مرورك وردكِ.

ملامح يعطيك العافيه على الطرح
اما بنت عندها رقمين هههههه والله مدري اضحك او استغرب
امكن واحد للمغازل وواحد حق الثقل عند اهلها اكيد
اجل وش تحتاج الجوالين لايش؟؟؟
ارجوا من الاهل اللي بذمتهم بنات ان يحسنوا تربيتهم

تحيتي قبل ردي

ههههههـ أعجبني هالطرح وذكرني بسآلفه


وبقولهآ لكم

تصدقون عآد أنا إنسان ما أحب الجوآل ولا أحب أحمله

لدرجه إني كبرت ووصلت للعشرينآت وأنا مامعي جوآل

يعني قربت للعشرينآت تقريباً بآقي سنه أو سنه ونص

وأخوآني أصغر مني ثلاثه كلهم معهم جوآلات إلا أنا

فآ أشترى لي أخوي الكبير غصب جوآل وبوقتهآ أصريت إني مآ آبيه :4dfdf:

وكآن السبب نسبياً تآفه لأنني شخص أحب الهدؤ وأعشق شي أسمه الهدؤ

مع العلم الجوال أصبح الآن وسيله لا يستغنى عنه نظراً للظروف والإشغال

يمكن خرجت لكم عن الموضوع أعتذر لكم حقيقتاً ,‘, ولكن حبيت أطرح لكم هالسآلفه

ربمآ لهآ لمسة ومثآل أو نموذج عن هالطرح الجميل والوآقعي بصرآحه لمىا نشآهده نحن

تحيتي لكٍ أختي ودمتٍ بود

ودي

/

صح أنتشرت هالحركه لكن اكيد لها اسباب
انا عندي شريحة موبايلي لسبب واحد لأنه تجوال وماافتحه الا وقت السفر الين مااشتري شريحه من نفس الدوله اوفر لي ولغيري وهالشريحه تاخذ لفه للعيله كلها يعني اي احد متورط ياخذها خاصه وقت السفر عشان التجوال ...
وعندي زين وهذي برضو مااستخدمها كانت للصغار وجاتنا هديه ايام العرض
اما الشريحه الاساسيه ... فهي ثابته للكل ولا افكر اغيرها
طبعا ماافتح اي شريحه منهم الا للضروره والكل يعرفها
والاساسيه ثابته .... وانا مااحد يتصل علي كثير يعني دايم ساكت جوالي
لكن انهاتغير كل شوي رقم هذي اكيد تلاقي مشاكل على رقمها اتوقع لانها بدون اسم
لأنه لو باسم تقدر تمنع اي معاكسات عن طريق الشركه



ملامح منوووره المنتدى بعودتك
الله يعطيكي العافيه

اشكرك ملامح بجد موضوع رايق

انا من راي شخصي حسب تعايشي مع الكثير
من الاصحاب
اشوف التغيير اهداف شخصيه
والاكثريه
خصوصا الشباب للتعارف واعطاء كل محبوبه رقم غير الرقم الاخر
ليتطمن وليحلف لها ان ليس لديه اي اخرى بالجوال
والفتياات نفس الحكايه

والله شي ملحوظ ان الفتاه يكون عندها جوالين ؟؟؟
بصراحه انا ماعندي الا جوال ماوافقو اهلي لابعد طق وطقيق خخخخخ
وصراحه الجوال وسيله وليسة غايه لكن مثل ماتدرين اكثر ضياع الفتيات الجوال دق رديت
طلع غلطان واتصل مره ثانيه وقام يقول كلام حلو والبنت ضااعت
واذا دق علي احد ورقمه محفوظ عندي مثل صديقاتي ماارجع ادق لنهم يضيعون الوقت بس سوالف وانا ومااحب السولف كثير خخخخخخ
يسلموو ياقلبي

ثقي تماماً بأنه عامل شي غلط وهو بوجهين ويلعب للحبليين

وحتى لاأظلم الكل بعضهم يتصورها من البرستيج والأتيكيت والرقي الأجتماعي وتحصلي مامعه رصيد

فقط ليثبت أنه مهم وشخصيه

شكري لك ’

اناشايفة انو مافيه شئ انا مثلا عندي جوال مفوتر وكل احد يعرفه وشريحة ثانية سوى مخصص للحج والعمرة لما اكون ماابي احد يزعجني من اهلي او صديقاتي وابي اتفرغ للعبادة ومايعرفه غير زوجي علشان لو فقدنا بعض او احتجته في حاجة .. والصالح صالح لو عنده بدل الواحد عشرة والطالح لو ماعنده الاواحد بسوي الهوايل..مشكور خوي ماقصرت ..

اقتباس المشاركة الأصلية كتبت بواسطة سنجار الشمال ملامح يعطيك العافيه على الطرح اما بنت عندها رقمين هههههه والله مدري اضحك او استغرب امكن واحد للمغازل وواحد حق الثقل عند اهلها اكيد اجل وش تحتاج الجوالين لايش؟؟؟ ارجوا من الاهل اللي بذمتهم بنات ان يحسنوا تربيتهم تحيتي قبل ردي

شر البليه مايضحك بعذرك لو ضحكت الله يهدى

الجميع يارب مشكور على مرورك وردك.