على النيه

السلام عليكم ورحمة الله وبركاته

كل انسان له نوايا وكل انسان له اسلوب وكل انسان له افعال

مافترقنا !

لكن انا اسمع من المجلس أو من المدرسه أو جهة عمل

في واحد على نياته واسمع أن الناس اذا شافوا واحد على نياته قالوا خبل أو مسكين ليه ؟

يعني لازم يصير نذل وحقير على شان يصير رجال . هل هذا الشئ يريدونه ؟

وأنتم وش رايكم بالكلام هل هذا خطأ ام صواب ؟؟ صراحه بدون مجامله

هل في عيب اذا كان الواحد على نياته ؟

ياليت اشوف الرد منكم الله لا يهينكم

الموضوع الأصلي: على النيه || الكاتب: نسيم الليل || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

ماشوفها عيب بقد ماهي صفه محموده اهنئ صاحبه عليه

أخي الكريم طرح جميل جاء بوقته
لك شكري وتقديري ودمت بخير..

ينقل للقسم المناسب..

والله اني على نياتي ودايم اخذ على راسي
أحسن الظن بالناس وتكون نيتي طيبه لغيري والاقي منهم أسوء المعاملات
الناس صارت تفتكر انه غباء او دروشه
لكنها دليل صفاء النفس من الداخل قبل خارجها




يعطيك العافيه
بأنتظار جديدك

ليس من العيب ان يقال فلان على نيته اوفلان مسكين بالنهايه كلنا مساكين نرجوا رحمة الباري عز وجل

وحسن النيه مطلب ديني عظيم لابد ان تكون نوياك سليمه وطاهره ونظيفه واحسان الظن بالناس من النيه الحسنه..

والنيه الحسنه موفق صاحبها باذن الله..

كل الشكر اخوي على موضوعك

مسمى أطلقوه على فئه هي ونعترف بأنها موجوده ... مغفله وغبيه كما قالوا كل داء وله دواء الا الغباء فلا علاج له

وللأسف أطلقوها عن من تربى وأصبح ذا أخلاق واحترام انزع معه منذ الصغر

فهو أنسان سليم من جميع النواحي

ماشي طريقه بثقه لم يعرفون حتى معناهاا

اذا مالعبت بذيلك بالعاميه ماتكبر بعيونهم


هم فئه لم تتربى بالشكل الصحيح

شكري لك

فعلآ هناك ناس جدآ على نياتهم بالعكس أجدهم محببين

الى قلب الجميع ونادر مايتم نعتهم بالأغبياء..دايم نقول فلانه

ماشاء الله عليها على نياته طيبه مرة..الله يكثرهم وأنصح هالنوعيه

من الناس مصاحبة الأخيار مثلهم لانهم زي ماقال أخوي دحام تربوا صح.

مشكور على الطرح الرائع لا عدمناك.

في واحد على نياته واسمع أن الناس اذا شافوا واحد على نياته قالوا خبل أو مسكين ليه ؟
والله مو خبل حرام

يعني لازم يصير نذل وحقير على شان يصير رجال . هل هذا الشئ يريدونه ؟
والله مو عند الكل

وأنتم وش رايكم بالكلام هل هذا خطأ ام صواب ؟؟ صراحه بدون مجامله
لاوالله خطا

هل في عيب اذا كان الواحد على نياته ؟
لا ابداً

يسلموو

هذي مشكلتنا منذو قديم الزمان حتى با ايام الجاهليه
لدرجة ان زهير بن ابي سلمى الشاعر الجاهلي قال بيت شعر يصف فيها هؤلاء الناس وقال :
ومن لايظلم الناس يظلم
... ما اقول الا الشكوى لله وربي يسامح الاصناف هذي والدنيا مو باقيه على حال وحده ...
واخيرا اقول
{ لاتتشمت بأخيك يرحمه الله ويبتليك }
... كل الشكر لك اخوي على هذا الطرح القيم ...

جزاكم الله خير

هلا اخوي

الطيبه الزائده هي ضعف ومسكنه
وانا اويد الجاد الحازم في كل اموره

اشكرك اخوي الموضوع

بالعكس اللي يقآل عنه انه على نيآته
مو انتقآص بشخصيته بالعكس صفه حلوووهـ
بس نظرة النآس دايم للي على نيآته بآنه خبل او ماعنده شخصيه
وهذآ شئ يحز بالخآطر بصرآحهـ

بس مافيه أحلى من طيبة القلب وصفآء النيه


الله يعطيك الف عآفيه ع طرحك القيم

على نياته الواحد ولا واحد خبيث
فعلا مو عيب الواحد يكون ع نياته يسلموووووو

اخوي مشكور على الموضوع

فعلا الناس تنظر لشخص الي يتصف بها الصفة على انه في نقص بشخصيته

اما بالنسبة لي لا ارى فية اي نقص يمكن لني انا اتصف بهالصفة
علشان كذا اشوف مافيها اي ضرر

وعليكم السلام ورحمة الله وبركاته

بالعكس أمر محمود وأمر طبيعي لأن هذه نيته ومفطور على كذا

يعني موب مبيت النيه على أمر سيئ وهذا يحسب له لا عليه

ولكن بالفعل كلامك سليم أخوي وكلامك منطقي أنا في عملي

كثير من الزملاء يقولون فلان مسكين ومن هالكلام وضعيف ومدري شنو

أقول لهم لحظه ليه مسكين وضعيف يعني إنسان طيب وأخلاق ومحترم نقول له ضعيف

والله الضعيف هو ضعيف النفس الذي يكآبر بخطئه ونوآياه السيئه هذا هو الضعيف

ولكن مثل ماقال أخوي دحام هي على التربيه بعد , عموماً اللي على النيه هذا إنسان رآقي

ودي

/

شاكرين على مروركم وجزاكم الله خير