((مميز))بـ الصراحة آحلى مع هايدي { ملابس من دولابي هع !!
قبل فترة كنت آرتب دولابي << آكتر شي آكره أعملو !!
تذكرت موضوع عروبة ،، << غشيت الفكرة منها ،،
المهم قلت بصور ملابسي كم قطعة بس ،،
إلا أشريتهم هده السنة !!
بس صورت 2 من زمان أخدتهم بس مره يعجبوني ،،
يلا شوفوا زوقي بس انا أطقم الملابس كل قطعة من محل
أسوي أني زوق وأعرف ،،
طبعاً الناس أزواق ،، !!
" ولولا اختلاف الأذواق لبارت السلع "
ملاحظة زغنونه :
لا تدققوا ،،
ترا الملابس مو مكويه
ما آحب الشغالة لا ترتب ملابسي ولا تكويهم !!
وأنا مو مزاجي أكوي بس صورتهم
هده قديم له كم سنة ،، لبستو يوم حفلة تخرجي ،،
بابا الله يرحمو كان يعجبوا هده اللبس ،، عشان كده صورتو
وهده كمان مو جديد بس مره تعبت عشان طقمتهم
مدري عاد حلوووو وإلا نوووو ؟؟
بس هدولي اللي شريتهم من زمان !!
هده الفسطان جديد
واللهي بلبس مره رووووعة بس مادري ليه طالع أهبل بالصورة
لبستو يوم خطوبة ولد خالو كانت حفلة صغيرة في بيت العروسة
يوم الاتنين بأسبوع الإجازة اللي قبل اللي فات << مدري بعد اللفة هده فهمتوا وش اقصد
البلوزة جديدة لسى ما لبستها لسى بورقتها
حتى البنطلون جديد
البرمودة هلكتها ،، آمس كمان كنت لابستها لما جوا قرايبنا
بس التي شيرت مو كتير البسو !!
هده البلوزة حق الزيارات المفاجأة ،، أي أحد يطب فجأة
ألبس البلوزة بس البنطلون مو لازم
هده مره حلووووه بـ اللبس،، البس تحتها بدي أحمر والليقنيق أسود
أو العكس لو لبست بدي أسود الليقنيق أحمر
بس مالبستو إلا مره وحدة ،،
بس كده خطر عبالي أنواع
البلوزة كمان جديدة مالبستها لسى
بس البرمودة لبستها
البلوزة هده لها قصة ،، لي فترة أدور تي شيرت أحمر ،، المهم
كنت أنا وأخويا بالمحل وكان زحمة وهو سبقني عل كاشير
إلا وقتها كانوا العمال يدخلوا بضاعة جديدة وقتها لمحت البلوزة
وعلى طول بس طليت بالستايل زوقي والمقاس كمان مزبوووط و شريتها
بس المشكلة فيها رسمة صليب على زنود البنت
ما أنتبهت بنت خالتو هي لاحظتها
المهم بنات خوالي وخالاتي يفتحوا دولابي وياخدا اللي يبغوا
بس بعد هده البلوزة لاني تعبت القى احمر اول ما تفتح وحدة فيهم الدولاب
اقول بصوت عالي البلوزة الحمرا لأ
لانهم هلكوا ملابسي ،، وهده بالعافية لقيتها احمر وحلوه ،،
لين حفظوا الموال صاروا يفتحوا الدولاب ،، يقولوا البلوزة الحمرا لأ ،، هههه
الرمادي لبستو وحلووو باللبس بس طالع غبي بالصورة !!
الكروهات مره واسع لسى ما وديتو للخياط أستنى أخواني يحنوا علي
وآخر شي ،،
بيجامة ،، << آحلى شي بالوجود البيجامات
بس ترا مو لازم البس التي شيرتات مع الجينزات ،،
اللي مصورتهم مع بعض ،،
بس هيك عملت حركة ،،
وربي اكره شي في حياتي ,, ولو ان امي مو فوق راسي كان
مايوم رتبته هههههههههههه
آهلين ،، " البدور "
ربي يسعدك الأروووع وجودك !!
لو آدري كان صورت كل الملابس الأبيض والأسود ،،
والله من فترة لبسي كلووو آبيض وآسود ما أنتبهت !!
بس من كتر بنات خالاتي ما يفتحوا دولابي هم لاحضوا ،،
آما ترتيب الملابس يا ويلي ،، خليها ع جنب
والله حتى ماما تفتح الدولاب تقولي ما تستحي بهالعمر ودولابك كده خخخخ !!
وإلا كان زيك ما رتبتو ولا بيوم ،،
آسعدني مرورك ،،
مرسي !!