مجمع جيان هذا ماحصل بالتفصيل .. ؟

السلام عليكم ورحمة الله وبركاته



هلا .. , وغلا .. بـ بالجميع ..

دائماً اذا سمعنا شي لانعرفه تماماً بل عرفنا رؤوس أقلامه وأتضح انه شي سئ ..

نقول بكل شجاعه ( اللهم زدنا بها جهاله )

وهذا موجه أيضاً لمجمع جيان الله يزيدنا بما يفعلونه بالداخل جهاله ..

مجمع الفضايح ومجمع ( خذ راحتك ) ..

اكيد البعض يقول وشو واقول الله يزيدك فيها جهاله يارب ..
لكن عقب الحين الكل صار يعرفه والجهل اختفى مننا ليته لم يذهب ..

وانا قررت إني أقطع هالمجمع وأدري مادرى بيوم رحيلك ياعشوق لكن وجهه نظر يجب أن ألتزم بحذافيرها ..

مجمع جيان بالظهران مجمع تسوقي كبير يضم أكبر المحلات والماركات العالميه ..

راح اشرح لك الصوره اللي هناك وانتم أحمكوا ..


يضم بوابات كثيره والسكورتيه كلهم شباب ومن شلة طيحني ..

عباة المخصر هذه اصبحت عاديه جداً ..

يمعنى أن أكثر اللي هناك محجبات ويارباه على أمة محمد أصبحوا يأمنوا بالحجاب وأنه الغطاء الشرعي ..

فتيات في عمر الـ 14 إلى الـ 18 محجه ونص الشعر طالع وكاشخه آخر كشخه وتغري اللي محد يقدر يغريه ..

صياح وهيصه وضحك بالممرات .. وشي اسمه غزل اصبح فري يعني الشاب يدخل ويحتار بمن يتقدم لها برقمه المميز ..

المهم إني دخلت وبعد فتره اتجهت للمطاعم ..

وضجة العالم والناس رايحه جايه وتشوف الشيخ ياقلبي عليه مايدري ينصح مين أو يترك مين ..

فجأة .. عفواً هي صاعقه ..

شلة بنات جالسين وشلة شباب ..

منظر تراه وتتخيل إنك لست في بلاد الحرمين أبداً ..

شوي الا جاء شخص ( كدش ) و ( طيحني ) جمع هالصفات ماشاء الله عليه ..

وجايب معه تورته ويمشي بوسط الناس ويغني اغنية ( عيد الميلاد )

وشلته يصفقون والبنات كذلك ..

وانا عيوني مهي مصدقه المنظر اللي كأني في دولة أجنبية ..

ووحده من البنات وقفت للشاب مابقى الا تضمه من هول الموقف ..

نزل التورته وطفت الشمعات البنت وصفقوا وضحكوا وكل هذا في ظرف دقايق ..

فعلاً خجلت من نفسي وانا قاعد بين ( هالزلايب ) وقمت وأكلي ماكليت الا شوي منه ..

فعلاً غمرني شي من الخجل والغيره والحقد والقهر في آن واحد ..

وحسيت إني في مكان خطأ ..

مشيت شوي الا هذا شيخنا وانا اسلم عليه قلت ياخي وين عايشين قال وهو يضحك وش فيه ..

قلت اعياد ميلاد وغزل وقلة حياء واقص يميني اذا هم يقربون لبعض واضحه وضوح الشمس مابقى الا تصكه شفه قدام العالم >> طووووووووووط

قال وينهم وينهم .. أشرت له بيدي ومشى الشيخ ..

الشيخ وقف من بعييييييد وبعدها رجع ..

قلت وش فيك .. قال وش امسك وش اخلي ..

قلت تنح عن ما أنت فيه ودع الأسود تأتي لتأخذ نصيبها من أسدها ..

قال انا هيئه وانت هيئه .. قلت صادق في كلامك ويجب علي ان انكر علهيم ..

لكن وش موقفي انا كشخص عادي أنكر وارفض مايفعلونه الا مقابل السخريه من الجميع

وليست لدي صلاحيات كما هي مخوله لكم .. فسكت وقال هذا موضوع طويل ونحاول نحله ..

قلت حله والله عندي .. انك تتصل على هيئه برزان بحائل وتتعلم منهم

فعلاً ازداد فخراً عندما ازور إحدى اسواق حائل وبوجود رجالها وهيئتها ..

وليست أنقاصاً في حق الغير ولكن فعلاً مطبقين لكل شي ..

البعض يقول ان حقين الشرقيه متعودين وطيور بحر ومدري ايش ..

كلهم قبايل وعندهم سلوم وعوايد مثلنا بالضبط ..

أذكر مره بحايل شيخ صاح على مره قال غطي عيونك ..

قلت الله يرحم الحال هنا البرمودا تتخانق مع العباة تبي تطلع ..






احترامي \ عشوق

الموضوع الأصلي: مجمع جيان هذا ماحصل بالتفصيل .. ؟ || الكاتب: عشوق || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

اليوم..سمعت صديقاتى فىا.حديث عن معاكسات الشباب..وحتى الفتيات..
لكن انا اعتقد.. بأن الفراغ سبب رئيسي..
وايضا عدم الأهتمام من قبل المجتمع لهذا الجانب من الشباب علما بأنهم يمرون في مرحله عمريه حرجه بعض الشيء..مرحله المراهقه....

طبعاً اكتشاف مواهب وقدرات هؤلاء الفئه من الشباب كفيله بأصلاح حالهم..

ولا ننسى ان هنالك ضاهره ايضا تواجد الفتيات بدون داعي!!
حتى تصل الوقاحه الى المعاكسه ايضا من قبل الفتيات انفسهن!!

الله يستر علينا

عشوق طرح متميز
تقبل مرورى
ربما اعود..

تحياتي
أختكم..

وبجد اخلاق المجتمع مدحدرة من الاعلام الفاسد



تحياتي لك

أسعدك الله عزيزي عشوق

سلمت يداك على طرح ذالكـ الواقع المرير التي تتعايشها بعض المناطق وتلكـ المراكز التجارية

أخي الله يعين الهيئة وش تفعل وش تتركـ تشتت بين شباب جلبو لأنفسهم تلكـ المظاهر البشعه الغربيه وبين فتايات خارج أطار الخدمه

ولكن لأعلم هل مؤقتن او دئم

لكن أخي هنا يغيب دور المربي ورقيب اين أباء أو أخوان تلكـ الفتايات مخلين المرعى ترعى بين أيدي الذئاب

هنا نقول انها بداية النهاية لبلد الحرمين الا عندما يوكل الحل والربط للهيئه بأتم الصلاحية

نسأل الله العفو والعافيه والهداية لنا ولهم اجمعين

اشكرك مبدعنا وحبيبنا عشوق

التعليق في مثل هذي الامور مايؤصل لنتيجه

بس اقول الله يهدي من ضل ويرحمنا برحمته

[align=center]
الله يهديهم وربي انهم فتنه في المجتمع..
من جد يحق لك ماتكمل اكلك لانك بمكان خطأ ..
بس انا اتسأل وين اهلهم هم يدرون عنهم..؟؟
هذا السؤال اللي محيرني لما ازور مجمع الظهران واشوف هالبلاوي اقول مدري وين اهلهم يدرون او لا ..؟؟

تقبل مروري

نوارتي
[/align]

لاحول ولا قوة الابالله

الحمدلله مااعرفه <<احس اني داخله عرض,,


بس الله يحمي شباب وبنات المسلميين,,

لاحول ولاقوة إلا بالله العظيم
مثل ماقال أخي كبرياء شمر التحدث بمثل هذه الأمور لاتوصل لنتيجه
لانملك سوى الدعاء نسأل الله العظيم لهم الهداية والصلاح
اللهم استرنا فوق الأرض وتحت الأرض ويوم العرض

أخي الفاضل عشوق لك خالص شكري واحترامي على غيرتك وحرصك
دمت بخير وحماك البارئ من الفتن ومن كل سوء..

ياخي احمد ربي واشكره اني عايشه بحايل
اللي تدخل السوق وانت مرتاح لان الهيئه موجوده
ولو لاقدر الله تعرضت لموقف راح تلقاهم يدافعون معك

ياخي شفت اشياء تشيب شعر الراس
طبعا ماراح اذكر المدينه بس بقول اللي شفته
صراحه ماادري وين عايشين البنات لابسين العبايه ع الكتف
واللثمه اللي مابقى شي بالوجه شي ويطلع
والضحك طول صوته
شي يضيق الصدر والمشكله تمشي ورافعه عباته وطالعه البيجامه
ومعها امها واخوها وهو يضحك عادي عنده
قسم لما شفته قلت معقوله مافيه غيره
انا اخوي عمره عشر سنين اذا شاف رجال قال غطي نقابك
الله يخليه ويحفظه يارب والله استانس اذا شفته يخانق

ترى التربيه لها دور كبير والمراقبه
وبعدين والله ماادري وش الفايده من هالتصرفات
مايخافن انهن يمتن وهن جالسات مع شباب
ولابسات لبس ماهو لبس صراحه
كل شي باين كل تفاصيل جسمه
يارب سترك

مااقول الا الله يهديهن يارب

لاحول ولاقوةالا بالله الله يحميناا جميع يارب

عشوق موضوع روووعه رووعه ..راقلي حيل ..يسلم قلمك أخوي ..


للأسف كثير كثير يهاجمون الهيئة وأفعالهم ..ياكثر ماشفنا اللي يتبلون ع الهيئة وهدفهم انه يستمر الفساد وقلة الحياء ..


بحايل ..بالقصيم .. بكثير أماكن في هيئه لكن قل جهدها عن السابق ...


اذا لم نؤمر بالمعروف وننهى عن المنكر ..ماذا سنصبح بعد كم سنه ..؟؟؟؟؟


انا دايما أشوف شي غلط ..لكن مو من مقدوري أنصح .. وخاصه في الاسواق ..وهذا الغلط بعينه المفروض ننصح ونذهب عنهم ..


عاد على هالسالفه بذكرلكم سالفة السديس اللي عمه امام الحرم ..يعني فيه شبه كبير من الامام ..المهم دخلوا مجمع صحارى برمضان هو وزوجته ..

لكن يحسب انه بالقصيم بيمشي وينصح ..ويلقى شلة بنات الله لايبلانا لابسه عبايه ومو لابسه ..وينصحهن .

.شوفوا وش سوون فيه لاحقنه وتكلمن عليه مااحترمن رجولته ولحيته والشبه الكبير

بينه وبين امام الحرم ..


فحنا لواجب علينا النصيحه ..ننصح ونمشي لكن بأسلوب جميل ..قال تعالى (ولو كنت فضا غليظ القلب لأنفضوا من حولك) يعني مانخلي المسؤوليه لرجال الهيئه فقط

ونحن نعرف بأن سلطتهم اللآن ليست كسابق عهدهاا ..

ولانقول موب ديرتنا بكيفه ..كلنا مسلميين ..لو حتى برى السعوديه ..الأمر بالمعروف والنهي عن المنكر لايقتصر على مكان واحد ..

الله يعز الاسلام والمسلميين ويدمر اهل الشرك والمشركيين ..


كل الشكر اخوي ..

لاهنت ..

الحمد لله الذي عافانا مما ابتلاهم و فضلنا على كثير ممن خلق تفضيلا ...
يعني نقاشنا لمثل هذه المواضيع ماراح يودي ولايجيب ولاينقص ولايزيد
اخي انا من سكان الشرقية رايت الحل مقاطعة مثل هذه الاماكن والتي يكثر فيها الفساد
اصلا يمكن لي اربع سنوات ماقد دخلته يمكن تستغربون بس والله هذه الحقيقة
عاد من زين ماركاتهم اللهم بس العطورات وبالدبل تلاقيها برا ارخص بكثير
والفستانين ياربي لك الحمد مجمع الجمعة افضل بكثير منهم
اصلا معروف ان الشياطين الفساد تكثر في الاسواق
ولذا شرع قول دعاء السوق وجعل ثواب من قاله ان تمحى عنه الف الف سيئة وتكتب له الف الف حسنه
كل الشكر لك اخي عشوق على هالطرح تقديري لشخصك الكريم
والله يستر علينا وعلى من بغاه

وعليكم السلام ورحمة الله وبركاته

ههههههههــ ~> صدقني جيان هو اللي خسرك

لاهنت يالغالي على هالطرح الجميل والمميز حقيقتاً , مادري شقول بـ صرآحه .




بس فعلاً الكلام على هذه الفئة ضايعه جداً يآخي هذولا شلون مايحسون بكرى

كل وأحد بيتزوج وشلون يرضونهآ على بناتهم أو عيالهآ ..!!

الحقيقه والسبب الرئيسي الوآزع الديني والأفكار التي من خلالها أقتبسها الشاب أو الشابه

من خلال أفكار الغرب أو من خلال الحرب الإعلاميه وخصوصاً بعض الأفلام والمسلسلات

التي أثرت في أفكار الشباب .

نقص في الدين .. نقص في العقل .. نقص في التربيه .. نقص في الشخص ذآته ُ .. ||| فـ العقل نعمه |||

والدين والتربيه إلخ ...... نعمه نعمه نعمه نعمه

أخوي عشوق حقيقة هذا الموقف اللي ذكرته صدقني أول ما أشوفه على طول يوقف شعر جسمي

ومن غير أي إحساس وتلقآئي رآح أتمشكل معهم ورآح أسبب هوشه أو أوجه لهم بعض الكلمات

نفس الموقف بـ قبل يومين والله على طريق خريص بـ تقاطع التخصصي بالقرب من بنده إذا احد يعرفهآ

تكسي بنتين رآكبات خلف يعني المقعد الخلفي طبعاً لثمه اللي على اليسار والثآنيه اللي على اليمين كاشفه

مع لثمه , طبعاً شفت المنظر أن ّ وأحد كان يسولف معهم وحنا طبعاً وآقفين عند الإشاره أحسبه يكلم البآكستاني

أثريه يم ّ البنتين , عاد أنا بجنبهم ~> أقصر الرآديوا شوي وأتنحنح بصوت عالي ~> مافيه فايده وأعلي صوتي عليهم

( وين عايشين حنا بـ أمريكا ~> سلامات أنت ويآهـ ) لا جدوى من هالكلام .

تلتفت يم ّ ست الحسن والجمال ~> وهي والله شكلهآ عبدهـ وتضحك لي ~> وأرفع عيوني يمه بـ غضب وتصد يم ّ خويته

وأتكلم عليهم بـ إشارهـ وعطيتهم إشارة التصغير ْ~> إشارة التصغير هي إني حاولت أصغرهم ومديت يدي على ~> مزآجي >> لا تدقق أنت ويآه

المهم الولد مشى والباكستاني ملعون أبو الصلايب يرآعي لي ويبتسم وهن ّ يضحكن وأنا في ذروة عصبيتي والدم فآير خلإص

سويت لهن ّ حركه أغضبتهن وأغضب الباكستاني معهم طبعاً اللي وراء كشفت وجهها الامر عادي عندها كوندليزا رايس ~> نفس البشرهـ >> الحمد لله جبت الوصف

المهم عاد زبن الباكستاني بهن ّ ~> فـ مثل هذه الأمور تشيب الراس وتغضب الشخص وبالأخير حقيقتاً يوم جلست مع نفسي

قلت وش لي فيهم بـ قريح هن ّ والباكستاني , لذلك الشرهه على أهاليهم اللي ماربوهم , أجي أنا وأبي أتكلم على السوده وش لي بهآ بس

عموماً بـ خصوص جيآن حدث ولا حرج من النصب المالي للـ الموآطنيين ماحبيت أتطرق للنقطه هذه ولكن يكفي فضيحتهم اللي

جيآن اللي بـ جنب خريص بلازا اللي تسكر على خريص وصار بدآلهٍ هايبر بنده , وماودي أذكر فضآيح جيآن سوى نفسه ُ أو موظفيه

أعتذر على للإطاله , ومن غير هالقصص الكثير والكثير اللي أشوفها واللي تشيب الرآس , لكن نقول الله يقوي رجال الدين عليهم بس


ودي

/

اقتباس وقمت وأكلي ماكليت الا شوي منه ..

كان ماكل ولا هموك هالاشكال لهم رب يحاسبهم إذا الهيئه

حقت الشرقيه ماعندهم سالفه..والنصح مايفيد هؤلاء بل بالعكس

هالنوعية يطلعونك أنت الغلطان ومالك شغل ومدخل عصك بشيء

مايخصك وتندم وتحسف أنك تكلمت..بارك الله فيك وكثر من أمثالك

الغيورين على العرض والدين ومشكور على طرحك لا عدمناك.