للجادين فقط<<معرفات مميزة للبيع لعدم التفرغ

السلام عليكم ورحمة الله وبركاته
سيداتي سادتي هذا المزاد العلني لبعض المعرفات التي طرحها اصحابها للبيع
والبيع لأعلى سعر
بنبدأ نبيع على طول مانبي لا لف ولا دوران ولا انبراشات
بالدور واللي يسوم بسعر طيب يرسي اليوزر عليه

بعطيكم نبذه عن كل معرف وبعدين نبدأ بالحراج ..

هذا المعرف رقم واحد
ملقوف
له 2540 مشاركه كلها مشاركات في مواضيع الزملاء والزميلات
والسالفه على لسان راعي اليوزر الملقوف
انه يحس انة من جنب القدة ولا احد من الأعضاء يحبة او يعطية وجهة وان دمة ثقيل
وكذوب وكل يوم راز وجهه في المواضيع منتقدا مره ومتليقف مرات ما فيه شي عاجبه حتى هو نفسه ماهو عاجب نفسه ومثل العادة يتوطون فوق بطنه خاصة الأعضاء العصبيين مثل ما اسوي انا مع واحد تنطبق عليه مواصفات ها المعرف
لكنه مثابر ووجه مغسول بمرقة يرجع اليوم الثاني بنقد ولاقافة جديدة واذا حب يشخص علينا محطنا بموضوع لاطشه من احد المنتديات وفي الأخير لمن ما احد اعطاه وجه كتب وداع مثل العادة
لكن الكذوب كذوب ويرجع لنا مرة ثانيه بعد كم أسبوع
وفاكر نفسه انه ناقد وأديب ومثقف وراعي مواضيع مهمه وهو ماحد درا عنه هو وخشمه
يقول صاحب المعرف اعلاه انة طفش وطفش الأعضاء من كثر ما يطردونه من مواضيعهم
وعندكم وعنده خير يملك غير ها المعرف خمصطعشر معرف
بعضها جديد بالكرتون ما استخدمه بعد ووده يغير من اسلوبه ويلبس ثوب جديد ابو سحاب


معرف رقم 2
مميز جداً
تاريخ تسجيله 6/6/2006
مميز جداً واستخدام حشمة ومشاركاته قليلة وكلها تراحيب بلآعضاء الجدد وكم مشاركة بمواضيع
بعض الزملاء من طقة ( شكراً ما قصرت )
وماله عداوة بالمرة مع احد
ويقول المخضرم اللي مسوي هاليوزر انه ذاك الوقت المنتدى مافيه الا ثمانيه اعضاء واستحدثت
هاليوزرعشان لا كتبت موضوع لي أرد فيه على نفسي وارفـّع لي
آخر مشاركه لهااليوزر كانت في 7/7/2007 ما أقول لكم مميز
سبب البيع صراحه راعيه ماكان ناوي يبيعه لأنه من عشاق التميز بس انه محتاج فلوس هالايام
فيا انكم تشرون يوزره والا تسلفونه راعي البيت يطلبه الإيجار

معرف رقم (3)
شبابي دلخ
له 16 مشاركه في المتابعة
كلها ردود على مواضيع من شاكلة "بالتوفيق" "الله يوفقك" "وفقك الله" "موفق"
سبب تسجيله يقول صاحب هاليوزر انه استحدث هاليوزر احتياط
لأنه_والحديث لصاحب اليوزر اعلاه_ان المشاكل والحزازيات والأحزاب كثرانه بالمنتدى
وسوى هاليوزر احتياط عشان اذا احتاجه بمضاربة والا انتقاد ..
سبب البيع _ يقول أنا دلخ ( معترف ) ولا لي علاقه بحد ولا انا متضارب مع أحد
بس نفسي لو مره أعرف من أكون من يكون ؟؟ >>ما أقولكم دلخ
المهم انا أنصحكم تشرون هاليوزر لأنه مسالم

معرف رقم (4)
سياسي ديني ادبي ثقافي فني بتاع كله
له 7584 مشاركه
يقول ان سبب استحداثه لليوزر انه ما في راسة ولا شيء ولا حتى يعرف عاصمة بريطانيا الا يوم الملك زار بريطانيا لكن شاف الكل يكتب قله عقله ليش انا ما اسير من فطاحلة المنتدى وخاصة ان عندي شهادة الكفاءة وخبره 4 سنوات وكان عندي تاكسي واعرف الفراخات والزناوات واضرب ( هد ) يعني راس
وكتبت في كل المجالات سياسية واقتصادية ودينية هذا غير المواضيع الي الطشها
بس المشكلة ان الأعداء كثروا والمنتقدين في تصاعد وخاصة بعد هجومي وانتقادي
لبعض المشرفين واعلام المنتدى وثقاته
سبب البيع لأنه على كلامه طاحت خيوط رآسه وقال اللي في خاطرة
وناوي يعتزل الكتابة ويفتح بسطة بليلة قدام المنتدى

معرف رقم (5)
مراهق دااايخ
له 12 مشاركه ثلاث بمنتدى السيارات يسأل عن نوع سيارة جيرانهم
و مشاركتين بمنتدى كل مشكله ولها حلال يسألهم كيف يضيف صورة وحدة بتوقيعه
والسبع الباقيه بمنتدى الشعر النبطي وكلها صح لسانك !!
سبب البيع زهق من المسؤليه >> اخس يا المراهق

معرف رقم ( 6 )
يوزر نسائي دلع
يقول صاحب اليوزر النسائي
طقت في راسي اني ادخل للمنتدى بيوزر نسائي خاصة اني اذا شاركت
بيوزري الرجالي ما احد يعبرني ولا يعطيني وجهة عودت اخترت اسم نسائي
وقعدت اغنج وادلع الين اصبح مراهقين المنتدى ينتظرون مشاركتي بفارغ الصبر
يعني لو اعطس واقول تسووووو رد على الف واحد ليقول لي يرحمك الله يا عيوني
سبب البيع
طفشت من تسحيب ها المراهقين بعدين ودي اخطب واخاف اتأثر من تقمصي دور الفتاة
واضيع في الرجلين بين الجنسين لا انا برجال ولا انا بحرمة


ممنوع دخول الجوالات ابو كمرة
جنة الأطفال منازلهم





ههههههههههههههههههههههه

تدرين مناهي ،،

موضوعك مضحك مبكي ،،

للأسف منتشر و بشكل مخيف بعالم النت ،،

لدرجة إننا صرنا نضحك منه و عليه ،،

يسلموووو مناهي ع الفرفشة الهادفة ،،

ههههههههههههههههههههههههههههههههههههآي
متى بيبدآ المزآد مخططه على معرف

موضوعك روووووعه يالغاليه
ربي يسعد قلبك

حشا قراشيع ماهي نكات المفروض بحراج بن قاسم يحطون عليها مزاد ههههههههههههههه

والله يافيه ناس عليهم معرفات مدري كيف يقبلونها على أنفسهم

وفيه معرفات مضحكه بس رائعه تحس بوساعة صدر لما تقرأها


بس كم نسبتك على البيع يامناهي هههههههههههه

هههههههههههههههههه
يعطي العافيه منوهه ع الفرفوشه
دمتي في حفظ الرحمن

قراشيع ...ههههههههههههههههههههههههههههه
هههههههههههههههههههههههههههههههههههههههه
ههههههههههههههههههههههههههههههههههههههه
بموت ضحك

ههههههههههههههههههههههههههه
قسم اكووووووووس معرفااااااات
اهم شي بتاع كلو شكلي باخذه
يمكن يحننون علي وشسمه
مو خالتو خخخخخخخخخخخ
تسلمين يابعدي على الموضوع
التوووووحفه لاهنت خالتو منو

هههههههه
يعطيك العافيه