[ زعفرانك ]
والدِّلال
وضيقة الفنجال
وحْكاية مكانك
وحُبَّة [ الخـَشـْم ]
وهقاويك ودخِيلك
والفرس
والبشت
والسيف وصهِيلك
وكبر [ شانك ]
من يملِّك
ليتني كلِّك وملِّك
احتمي بك
احتمِيلك
واغتنم زلَّة
[ لسانك ]
النـبـا والـهـيـل واول زعـفـرانـك
والشَّمَطري وَ [ انت ] وآخـر زنجبِيلـك
قـلْ لِ/ شيْحـك لا يلاغـي ديدحـانـك
رتِّـب النَّويَـر فـي فوضـى جدِيـلـك
يمكـن آكـذّبْـك وآصــدِّق زمـانـك
ويمكـن انِّـك صِـدْقْ والكـذَّاب جِيلـك
ويمكن انِّي مـا قَـدَرتْ اكسـب رهانـك
كيف تخسرنـي ؟! وانـا مانـي قبِيلـك
فلسفـة بَعْضِـكْ / ومـبـدا عنفـوانـك
مـا يعوَّضنـي كثيـرك مــن قلِيـلـك
[ والجروح ] اللي تسولف عـن حنانـك
[ لا ] تسولـف إلْ/ قتيلـك عـن قتِيلـك
غيبـة (ا)حْظـورك / وَلَا مِنَّـة مكانـك
يـا اجيلـك كِلَّنـي يـا [ مـا ] اجِيلـك
لو سألـت الخـوف عـن باقـي أمانـك
مــا يجاوبـنـي وَلَا يَـبْـرِدْ غلِيـلـك
ادري إنَّ الليـل فـي رجـواي خـانـك
وادري إنَّ الصَّبـح مـن ياسـي دخِيلـك
وادري إنَّ الوقت [ مهما ] زان / شانـك
بس !! انا [ لو ] شِنتْ ما هدِّيـت حِيلـك
كبريائـك مـا عَـرَفْ قيمـة طمـانـك
لو عَرَفْها / مـا قَـوَتْ رجلـك تشِيلـك
السكـون اللـي يهـزِّك مــع كيـانـك
مـا حفـظ قَـدْرَكْ وَلَا يِنكِـرْ جمِيـلـك
دندنـة عـودك / وترنيـمـة كمـانـك
مثـل موَّالـي علـى نـوتـة رحِيـلـك
جيت ابكتـب ضحكتـك واقـرا لسانـك
انتثـر حـبـري وقاطعـنـي عوِيـلـك
[ أنـت ] مـا يَشْبِهْـك مِنْـك إلَّا بنانـك
تختلـف عنَّـك وعـن باقـي فصِيـلـك
آه .. يـا طيبـك / ويـا قسـوة ليانـك
اقسـم إنَّـكْ سَهَـلْ / لـولا مستحِيـلـك
من كثر م/ اعْرِفْـكْ مـا أذكِـرْ آوانـك
وأجْهَلِكْ من خطوتـك لَيـنْ الـف مِيلـك
لا بعيـرك راس مــال وَلَا حصـانـك
الرَّسـن ب/ ايْـدي وَلَا عنَّيـت خِيـلـك
سـاع آطـاوع حكمتـي واتْبَـع جنانـك
وسـاع اعاندنـي واعـارض واشتكِيلـك
لا تفـدَّانـي وانــا كـلِّـي وزانــك
يا بعـد عمـري / ويـا فـدوة خلِيلـك
[ إيه ] احبِّكْ واعْشَقِـكْ واذوب / كانـك
نـاوي ٍ هَجْـريْ تنادينـي : [ علِيلـك ]
يا آموتك شـوق .. ي/ آموتـك عشانـك
[ المُهـم ] آمـوت فـي ضافـي شلِيلـك
من وكيلك ؟! وانت ظالم .. كيف عانك ؟!
وانت مـا غيـرك [ هِنـا ] الله وكِيلـك
دلَّنـي / ملِّيـت مـن عِــزَّة هـوانـك
لِ/ متـى يـا سيَّـدي وآنــا ذلِيـلـك
مـا بقـى الَّا دلِّتـك مــع زعفـرانـك
والـرمـاد ودمعـتـيـن وزنجبِـيـلـك
[ زنجبِيلك ]
والغضا
واكثر حصِيلك
والدخون
وكذبة [ الجمر ]
وثباتك
والجنون
اللي وَلَا بالعمر
باتك
وزار [ ليلك ]
من يطولك
من يلمَّ الغيم
في لحظة هطولك
يلتوي بك
يعتزي ب/ اقصى
حشاك
ويلتوي [ لك ]
العضو الأكثر نشاطاً هذا اليوم 
العرض الشجري
