رائعة [ الصبح الرحيم ]

{ مدخل

تجين
ويرجف الماء ينسكب بوكيه ورد
وتشهقين
واتبلل بِ ارتباكك
مدري خوفك
مدري إستحياء متخبي ف شوفك
لا تلمين الندى تبرد كفوفك
اترُكي كل شي مثل ما هو عليه
"ما حصل الا الحنين" =)
وكلها [ بوكيه ماء ]
انسكب شفته على ثوبي تشكل ياسمين
اجلسي خليني اطلب لك شوية أوكسجين
وكاس ماء
طمني كلك / وخوفك
" ما حصل إلا الحنين " =)
إلا قولي :
قبل م انسى / كل هذا الليل في رقة جفونك
وش بغيتي تشربين ؟!
( قهوة مثل اللي ف عيونك )
والا نتقهوى عيونك ف الحديث اللي بِ يجي
اجلسي هـ الكرسي من اول حزين /
وحيل حيل حيل
فارغ .!

الصبح الرحيم

مشتااق
الله يلعن هـ الحنين البارّ لـِ غيابك
يـ البعيد البارّ لـِ غيابه .!
وأنت وينك ؟!
ما سألت اش لونها الاحداق ؟!
والباكي على الذكرى "حبيبك"
الله يهديك ويجيبك
الله ياخذني ويجيبك
هدني هذا الحنين الشاق
هاتك أبكي لك على أيدك

أنا ما قلت لك لا تعـوّد عيـوني على غيابك
________ هذاني من رحلت ودمعـتي ما ضفها منديل
على ذكرى مطر سوسنت لك حلم /. وكبا ترابك
________ على بابك عزفت الريح موال الدعاء واللـيل
يـ قلبك كيف طاوعك الشعور تهشّم أحبابك ؟
________ لِما ؟! وتعلم الحـاجة يدين الكـبريا التطبيل
تعال أبكيك من طق طق الين القاني فـ هدابك
________ هِنا بحييك فـ جدار السماء شباك من قنديل
هِنا كنت أشعر بصوتك دِفا الأحضان لا جـابك
________ هديل الباب لنعاس الوسايد سالفة تآووويل
تهاوت يا حبيبي فـ الفراق الروح ./ وأعشابك
________ حنت للأرض ضوضاء العطش وأتعثر آخر حيل
أنا أحبابك أحبك كثر مـا عرّق جسد بابك
________ عنا من طق طق أيديني عليه وكثرت التقبيل

من والى
غيابك .!
ضربت الشمس في عرض المكان وطاحت الفيّه
ورى الفيّه
ورى
بـِنـيــه
عطتني توت
وقالت : مووووت .!
إذا عرس البُكى ما زف لك أحباب
وإذا ما حس بك حتى رصيف البرد والأصحاب
موت
وبعدها راحت
تلم أصحابها في دفتر الصبح الرحيم
ألعاب
طاق / طاق/ طاقية
رن /. رن /. يا جرس

أثارينا حديث أغراب
مروا جدار الـ لا كلام وسولفوا له عنك
وأنت وينك ؟!
ما سألت اش لونها الأحداق ؟!
والباكي على الذكرى "حبيبك"

مخرج }

سيدي النادل
هات لي بعض الهدوء
وكيك / تين
- كيكتين ؟!
- لا يا عمي كيك / تين!
و ارجع اتأمل سكونك
وكنتِ انتِ تضحكين
آآآآه / يا حلوك عليها
قلتي : وش هي ؟!
قلت :
هـ الضحكة اللي كنتِ فيها تورقين =)
اذكر ان الليل هيل
والتثاؤب
كان يدبي في ملامح نادل المقهى الكئيب
وكنا حنا اغلب الاكثر نناظر ساكتين
و ما سمعتك
قلتي ويش ؟!
قلتي : بمشي!
قلت : ليش ؟
قلتي :
صرنا بعد ليل ولازم احكي
لـ اجمل احلامي عليك!
طب و رمشي!
خلي في كونه عيونك
قلتي : بس!
الله يخليك لـ عيوني
ورحتي تمشي
ورحتي تمشي
ورحتي تمشي
ورحتي تمشي
[لين ما غبتي ف عيوني
وما سألتك نلتقي بعدين / وين ؟!