صُورهُــم تـَ تقاطــر شِعــراً .. تفاعلكم مطلبنا ...!

[frame="1 80"]

الشاعر
خلف مشعان

انا اللي يابعد عمري بقول ( آسف ) ولو مخطيت !
لأن اكبر خطا منّك صغير بجنب غلطاتي

ابد ماني بقايلك ترفّق ! ليه وشسويت !
قل اللي ودك بقلبك تقوله واترك سكاتي
عسى الله لايعافيني اذا من هرجك انغثيت
أشوف ان السكوت ارحم لاني خابر سواتي
ومدامه ( صح ) كل اللي تقوله ، فانت مازليت
واذا زليت هالمره ! نسيت شكثر زلاتي
نسيت انك تنسّيني الزعل كله الامن جيت
مجرد ضحكة عيونك بنظره تجمع شتاتي
نسيت شكثر تغليني وكم لك وانت مامليت
نسيت ان الوفا منّك يذكّرني خيانااتي
نسيت الله يومنّك علي من الزعل غنيت"
حسبت اشواقنا غابت " وخابت فيك هقواتي
عجزت انطق ولاكلمه بلحظتها سوى ياليت
يجيلك يوم باذن الله وتقراها مع ابياتي
هذاني جبتها شفني وازيد من ( الغلا ) لك بيت
مادام ان القصايد فيك توي في بداياتي
احبك ايه احبك ايه احبك آآه لوعديت
من الآحاد للآلاف تملا كل خاناتي
حبيبي لاتحاسبني وانا يما عليك اخطيت
ترى لو مت بيديني غفرلي صدق غاياتي

[/frame]