10-09-2024, 12:29 PM
|
#1
|
|
بيانات اضافيه [
+
]
|
|
رقم العضوية : 3544
|
|
تاريخ التسجيل : Oct 2006
|
|
أخر زيارة : 02-03-2026 (02:58 AM)
|
|
المشاركات :
966 [
+
] |
|
التقييم :
284
|
|
|
لوني المفضل : Cadetblue
|
|
اجمل قصيده راقت لي
قصيدة راقــــت لي
أسمحولي اليوم نقلت لكم قصيدة اعجبتني أبياتها الجزلة
ولكن لاعرف شاعرها وأتمنى من يعرف شاعرها لايبخل علينا با الأضافة
اليكم القصيدة......
يا بقايا شعر ابن لعبون وبيوت الخلاوي
.......... يا نوادر كاتبين الشعر وبيوت القصيده
يا مصخرة البيوت ويا بعيدين الهقاوي
......... يا مقدرة الرجال ويا هل الاريا السديده
حول تعريف الشعر صار الخلاف اصل الدعاوي
.......... من يحل المشكله ويعرّفه وسط الجريده
الشعر نظم ومعاني ما تجي فيه الحجاوي
.............. المعاني فيه جزله تعتبر جمله مفيده
يحتويه احساس والاحساس في معناه حاوي
........... يا مصففة الكلام اشعاركم مثل النشيده
خير ما قوله بتعريفه على خط التساوي
..............في حضارة قرننا العشرين وادوارعديده
ساحة اهل الشعر وسط النت في قول وشكاوي
........... شعرهم معناه جزل ونهجهم باحدث جديده
مدحهم ماهو قصور بغيرهم ياهل المناوي
............... قبل يفرح راعي النمه وينشر في بريده
قلت قولي يوم شفت الذيب بالمرقاب عاوي
............. يشتكي ناس قصايدهم تجي مثل العصيده
في زمان العولمه شاخوا كثيرين العزاوي
................ بارك الله بالامن والشرع واحكام العقيده
منهج اهل الحسد من ينهجه بالمنهاج غاوي
.................. ما يسمج هرجة الرجال غير انه يعيده
قالها اللي من صواديف العمر مر بخطاوي
................ مرحله صعبه والاخرى جمرة مثل الوقيده
يوم كمل خمسه وعشرين عام بالحراوي
................. انجرح جرحين موتة شايبه وايضا حفيده
علته عله خفيه مانفع فيها المداوي
.............. الفراق اللي بلى رجعه فقيده في فقيده
خل عنك فراق ريم وهند والطاف ومضاوي
.............. الفراق الصعب وان فارقت لك خطو الوليده
ادري ان القلب بالانسان لللذات هاوي
................وادري ان الرجل له عزه وله نفس عنيده
الرجال اهل الوفا تعرف مثل فتوى الفتاوي
.................... يقنص الصياد لكن فيه صيد مايصيده
والرخوم ارخوم لو تلبس وتكشخ بالحساوي
............. ينكشف قرب المدى كان احتمت نار الحديده
علم الي لامشى يمشي وفي دربه نحاوي
............. قل زرعت الزرع وانت اللي تبي تجني حصيده
وقتنا غدار ما صافى شليويح العطاوي
................... سيرته تعرف وله تاريخ وافعال حميده
من يدل البر بالصمان وفجوج الصداوي
..................... الدروب يدلها والبنك ماينقص رصيده
اعتبرها واختصرها وانت في دربك مخاوي
................... ماغدى منهابيوت ولابقي منها شريده
تحياتي لكم
|
|
|
|
العضو الأكثر نشاطاً هذا اليوم 
العرض الشجري
