حالف ما اسلى ولا انسى حب ساره (()) كـود اهـل شـقـرا يخـلـون الـصـلاة

[align=center]

القصيده // للشاعر محمد فهيد القحطانى

والملقب ابن حصيص


ولكثرة تساءل الناس عن هذا البيت طرحت القصيده بين ايديكم


مع انه قيل بانها الف بيت لقوله ((الف قاف من ضميره)) وهذا اللى وجد منها


عل وعسى ان تحوز على اعجابكم ؟؟؟؟؟؟؟؟؟؟



[/align]


[poem=font="Arial,6,white,bold,normal" bkcolor="transparent" bkimage="backgrounds/26.gif" border="double,4,orange" type=2 line=0 align=center use=ex num="0,black"]
هيض ابن حصيص فى تالى نهـاره=الـف قـاف مـن ضمـيـره مـدرجـات
يانـديـبـى فـــوق مـنـبـوز الـفـقـاره=أركـــى وحـبــال كــــوره كـالـفــات
أركــى يـرعــن نـووايــر الـقـفـاره=ماعـلاه الشـد مـن عشـر اسـنـوات
كـن فـى عينـه مـن الفرقـى شـراره=او مخالـيـب الـوحـوش الـطـايـرات
ابــدور صـاحـبـى ظـبــى الـزبــاره=بـــو عـيــون يـاحـمـود مـدعـجـات
جعل ضلع اطويق يـا عايـض وداره=جـعـل يمـحـل والـوشــوم مـربـعـات
حيـث ينـزل عندنـا ممظعـون سـاره=واهتنـى بصويحبـى عشـر سنـوات
ولعتـنـى بـالـهـوا والـحــب ســـاره=ولعـتـنـى عـــن غـنـاديـر الـبـنــات
ماخـبـر جــار ذبــح بالـحـب جــاره=بالمـبـيـسـم والـثـنـايـا الـمـرهـفـات
راس سـاره ذيـل شقروسـط غــاره=والـجـدايـل بـالـرشـوش مــجــدلات
والثـنـايـا قـحـويـان فــــى زبــــاره=علهـا الوسمـى عـلـى حــد النـبـات
ريق ساره مثـل سكـر فـى غضـاره=او حلـيـب ابـكـار عــرب مسمـنـات
والنهيـد زبـيـدى فــى دعــب قــاره=فـى محيـر الـمـا الـقـراح مصلـعـات
المطـوع لـو يشـوف خـديـد ســاره=ضـيـع المكـتـوب وعـجـل بالـصـلاة
ياوجـودى وجــد مكـسـور الجـبـاره=سـاهـر تسعـيـن لـيـلـه مـــا يـبــات
او وجود اللـى فضـى الحاكـم ديـاره=ان وخــذ مـالـه والحـريـم مسلـبـات
عقـب ماهـو تاجـر وراعـى عمـاره=صــار صـعـلـوك عـلـومـه هـيـنـات
لايمـى يعطـى حنـيـش فــى خـبـاره=سمـهـا يشـظـى العـظـام الصالـبـات
حالف ما اسلى ولا انسى حب ساره=كـود اهـل شـقـرا يخـلـون الـصـلاة
لا رمــانــى لايـمـيــن ولا يــســاره=مـــار صـوبـنـى بـحــد المـرهـفـات
حطنى لاهـل الهـوا المجمـول شـاره=مـثـل نـيـشـان المعـاطـيـب الـرمــاة



وسلامتكم


الاشدف//عقااااااب النهااااااار[/poem]

الموضوع الأصلي: حالف ما اسلى ولا انسى حب ساره (()) كـود اهـل شـقـرا يخـلـون الـصـلاة || الكاتب: عقاب النهار || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات