[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا عيد لا تفرح ولا يظهر النّاب=ضحكك غبي مافيه ذرّة ذرابه
فرحان بثيابك , ونا ثيابي ثياب=ثوب الحزن والهم ويّا الكآبه
ما سيّرت رجلك على كل مرقاب=ولا شيب راسك عاثيِن في شبابه
مالك حبيب ٍ حال من دونه تراب=ولا ولد عمّن نشف في ترابه
صبّحت قبر ٍ كل جيرانه اجناب=سلّمت وأدري ما تجيني اجابه
كل عام وانت بخير يا مسكّر الباب=ظيفك يحنّ لقولتك يا هلابه
يقول قبرك ميت , وآقول كذاب=اسمع سواليفه وحكي ٍ حكى به
قم علّمه وشلون يحيون الاحباب=و قم علمه وشلون معنى قرابه
انت الذي علّمتنا كيف منصاب=لعيون ضحكتنا يخفّي صوابه
اليوم انا المنصاب ياكل الاسباب=صمتك تخنجر غزّ بالقلب نابه
دمعي على قبره تقل صبغة خضاب=من دمّ قلبي جاب حزني زهابه
العام ضج بْمجلسه ضحك الاقراب=واليوم صدره للفرح به مهابه
العام في بابه تراحيب واطياب=واليوم حزنه واقف ٍ دون بابه
اليوم , في غربه وجيرانه اغراب=ظيفه مشى عنّه وهو ما احتفى به
سحّيت دمعي واغبرت سود الأهداب=زفرة عجاج القلب من هول مابه
وشلون قلبي عند قبره فلا ذاب=إلا أن يذوب وصاحبه ما درى به
جرح ٍ يطيب وجرح ماله من اطباب=ذكرى صوابه عاجلت بالتهابه
العام كنّ العيد بالحان زرياب=واليوم لابالله ينعق غرابه
يا عيد لا تفرح ولا تظهر النّاب=ضحكك غبي مافيه ذرّة ذرابه[/poem]
.
.
.
.
.
.
الشاعر ماجد بن حمد الزيد الخالدي
مرثية في تركي الزيد الخالدي رحمه الله
العضو الأكثر نشاطاً هذا اليوم 
العرض الشجري
