إلى من قلت عمي..صار كل الشعر حزنٍ..والعزا بهتان
وكل الدمع ما يغسل جروح فراق غالينا..ولا يرثيه
رقى متن السما شيخٍ بعيد الشوح..ورثه معرقه وعنان
رثيته والرثا يبعث علي جرحٍ قديمٍ..واحسبي ناسيه
وانا لو الله اخشى..كان اقول اني ابد ما قد فقدت انسان
ولولا الله لا قول..من الإلم..عزوه فينا ما نعزى فيه
ولولا الله دفنتك واقف يا شيخنا مثل الجبل نشوان
ونخيت الغاليه حايل..علي الله يقوم ان قامت تناديه
انا بلسان أجا وسلمى وهاك السمر ارثي الشيخ بالقيفان
كبير الجاه عمي راعي البيضا حبيبٍ والملا تغليه
الى من قلت عمي..مرّ في ذهني شيوخ ترجح الميزان
هلي وجدودي اللي قاضبين المجد..كل المجد..من عاليه
ابو متعب..ابي عبدالله الأول..هو الأول..رفيع الشأن
وابو كل اليتامى..ماهد البيدا..محمد..عزّ من ناصيه
والى مرّ..ويمر اللي [[صبحى]] معه [[صرخه]]أبد لاهان
والى منه تنحّى قال [[اخو رثعه]]..ذرى البيرق من اهل التيه
هذاك المنّتخي..عبدالعزيز المتعب..اللي للظفر عنوان
نفاخر في ثنى مجده مادام انا وصلنا الشمس من طاريه
ومّر بعيني الشيخ الصغير اللي كبيرٍ حيل لامن بان
انا اقصد جدِّي الواقف..سعود..اللي تعبت وما قويت اتليه
هـلـي..يا رحمة الله..جعلهم للمغفرة في عاليه وجنان
افــاخــر والفخر سنّة عرب..تاريخهم طيبه الى تاليه
والى من قلت عمّي..قلت جدِّي..قلت ابوي..وللشجر اغصان
اتوق لذكرهم..يوم ان بعض الـنـاس كلٍ تــاه عن مـاضــيـه
والى من قلت عمّي..ما بقى لي قلب يقوى يحمل الاشجان
وكل الدمع ما يغسل جروح فراق غالينا..ولا يرثيه
العضو الأكثر نشاطاً هذا اليوم 
العرض الشجري
