يا مقبله , بالشوق ..
وعَنّي , مبعده ..
ابسألك : عن هالزمان ..
والصدفه اللي : قابلت ..
بيني وبينك , والهوى
من قبل ياتي مولده ..
لو توقف الساعه , جليد ..
وليل الشتا ,
أصبح قصير ..
من يعذله ..
لو حان وأخلف موعده ..
قبل الوعيد ..
الحظ , حارب مهجتي ..
من قبل أشوفه ,
لو خيال ..
وأوصد طريقه بالحديد ..
قِصة مُحال ..
* * * *
لو عانق الغيم السفوح ..
وأستلطف الحُب الطموح ..
يبقى النّصيب ..
أنت ِ وأنا ..
وكلّ الحكي , بشفاهنا ..
غربه , تجي ..
وغربه , تروح ..
والجروح , نفس الجروح ..
عمر الهَويّه , غربتي ..
وحكاية الشعر الحزين ..
اللي : على خد الورق ..
مِنْ عبرتي ..
وأجمل من إحساسي أنا ..
بعد النزوح ..
الحظ حارب مهجتي ..
من قبل أشوفه ..
لو خيال ..
وأوصد طريقه بالحديد ..
قصة مُحال ..
* * * *
يا عمري الأول كفى ..
في عمري الثاني ظلام ..
وعيوني يملاها الحنين ..
للشمس ..
لإحساس الغرام ..
للنّظره , اللي من زمان ..
أتكَسّرت ..
للملح في دمعي ..
لأحلام ٍ على متن السّحاب ..
أتبَخرّت ..
للّي يزور الصخر ..
من فرقاه نار ..
لأوقات ما مات الحكي ..
لو يشتكي ..
لآخر نهار ..
بعثرني لو تِقدر تزيد
عمري دمار ..
والحظ حارب مهجتي ..
من قبل أشوفه لو خيال ..
وأوصد طريقه بالحديد ..
قصة مُحال ..
العضو الأكثر نشاطاً هذا اليوم 
العرض الشجري
