جيتـــــ لكـــــ وضـــــــــــــــــوح ××

فى خفوقى لك حكايه ضمها كتاب المشاعر..


وفى عيونى لك مدينه ياحلوها من مدينهـ ::


انت لوتامرعلى روحى من غلاتك بس تامر ..


فدوة روحى من غلاتك والله ماهى بالثمينهـ ::


شفت وش قد غالى ولاعندى شى اخر..


كل هالعالم بدونك اشبه بدمعه حزينهـ ::

احنا قصتنا قديمه وحبنا صادق وطاهر ..


انقى من حبه رذاذ فوق خد الياسمينهـ

احنا لونكتب عشقنا ضاقت اوراق الدفاتر ..


وان كتبنا شى تبقى اغلب كنوزه دفينهـ ::


انت تبحر فى عيونى وانا فى عيونك اسافر ..


فوق غيمه من محبه لاشراع ولاسفينهـ ::

جيت لك كلى وضوح بلا قناع ولامظاهر ..


وجيتنى من طيب اصلك لا غرور ولا ضغينهـ ::


تذكر بأول لقانا كيف خانتنا الحناجر ..


والحكى عيا وحروفه فى خناجرنا سجينهـ ::


وكانت عيونك مرايا بعثرت اوراق شاعر ..


وكنت اقرا فى عيونك رعشه الشوق وحنينهـ ::


كانت الفرصه دقايق عشتها مثل المغامر ..


مرنى فصل العواصف والهداوه والسكينهـ ::


تصدق انى من بعدها صارت ضلوعى منابر ..


كم تعلاها خفوقى يشجب البعد ويدينهـ ::


بصراحه فى غيابك تنغلق كل المعابر ..


كل هالدنيا بدونك تنقلب صحراء وشينهـ ::


افتدى نظره عيونك واشتريها بألف خاطر ..


ومن غلاتك بس عندى عينى صارت لك مدينهـ ::

الموضوع الأصلي: جيتـــــ لكـــــ وضـــــــــــــــــوح ×× || الكاتب: أنفاس عذبه || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات