وان شفتني ماوفيت في غاية الحـد = أبشر من عيوني بحقـق صعدهـا
وان كان أيامك خذت منـك الجـد = وش تنتظر لي صرت فيها نقدهـا
وان كان تبغـى بالرجولـه مجـدد = عندك ذراعك شوف منهو سندهـا
حلات مسنودك ليـا جـاك مشتـد = مشتد فـي حزمـه ونايـد بعدهـا
واللي تسند به وفى وافـي العهـ = دمستور في دينـه ونـاره وقدهـا
مجبور ماتتبع خـوي(ن) مصـدد = المرجله فـي سعدهـا قـد فقدهـا
ولاتتبـع اللـي بالمراجـل معقـد = ضيع أموره زينهـا مـن نكدهـا
واحذر تخاوي طيش دنياك بالعـد = واحذر تخاوي فرصته قد زهدهـا
ووصيك يابن الجود ماني لك بضد = مني وصيه كاملـه فـي عددهـا
سمعت جدي قال يابوك أنـا جـد = ذقت الحياه وذقت صافـي زبدهـا
الوالدين إلهـم فضـل دايـم المـد = في مدهـم ماعـاد تلحـق مددهـا
والضيف وجارك مع رفيقك لهم حد = حد(ن) علا فوق الغيوم ورعدهـا
وان كان تبغى بالكمـال المرشـد = حافظ لدينك ضيقتـك دوم عدهـا
هذا كـلام أهـل العقـول المسنـد = أتبع كلام أهل العقـول ورشدهـا
العضو الأكثر نشاطاً هذا اليوم 
العرض الشجري
