شهر 7

اللـي غلاهـا ، مـع اشواقـي معلقنـي..
............................. اشتاق / مدري لهـا ؟ ولا لـديرتهـا ؟!

وان جيت والشوق لرضاها يسابقنـي
.............................تحزم لـ( بيروت ) والاحـزان شنطتهـا

من كلّ عـام / بشهـر ( 7 ) تفارقنـي
.............................وتحرم عيوني ، ( 3 ) شهور ، شوفتهـا

تْسافـر ، وتتـرك الضيـقـه تعانقـنـي
.............................وعيني لها شهور ، مشتاقـه لـضمّتهـا



وللشوق ، والضيق ، والاحـزان تعتقنـي
.............................وتحبس عيوني ، ولا ادري وش جريمتها

ياللي من الناس ومْن النـوم / سارقنـي
.............................لا تحسب النفـس ، مرتاحـه بـضيقتهـا

مادام حبـري ، علـى اوراقـي موثّقنـي
.............................بـقـول بيتـيـن و الاقــلام قالتـهـا

لو قلت : عادي غيابـك ! / لا تصدقنـي
.............................معك / اغلب الناس ماهي قد كلمتها .. !!

ماهو انـا بـسّ / بـغيابـك تضايقنـي
..........................(.حائل ) ومن رحـت / مرتفعـه حرارتهـا!