صورة وأبيات ,, الجزء الثاني ..

وحشتني ياللي معك . . كل الأسرار
شوف المطر / ينبت بصدري نواوير

مابلتك قطرة مطر . . شوقها حار !
هذا اشتياقي . . والمطر شوقه يثير

كل الجوارح / ثايره . . والوله ضار
وعصفور صدري بالقفص ناوي يطير

انضر لوجه الغيم ثم شوف وش صار
تلقى عيوني تبكي / بدمعها . . مير !

افتح يدينك واحضن احساس الأنضار
لم الدموع اللي لها 1000 تفسير !

مبشع غيابك / بس ياقو . . . الأقدار
وقلب العنا : سلطن وغنا [ مقادير ]

تعال غني للمطر . . بعدنا / جار !!
بقلوبنا . . . لو فرقتنا / المشاوير !!

خليتني مرمي على جال الأشعار !!
واصبحت شاعر صفقوله جماهير !

وكل حرف غنالك من الحزن ينهار
والله وكيلك خنت . . . كل التعابير !

جانا المطر وغيابك / يزيد باصرار
ومال المطر في غيبتك .. أي تأثير

وحيد وامشي بالمطر تحت الاشجار
ومع كل قطره انحرق شوق وأغير !

اجواء غير وبرد وغيوم . . وامطار
وانا وحيد . . بغيبتك ماني / بخير !!